ನೆನಪಿರಲಿ ಮಧುಮೇಹ ಕಣ್ಣನ್ನೂ ಬಾಧಿಸುತ್ತದೆ!

ಮಧುಮೇಹದ ರೆಟಿನೋಪತಿ

ಇದು ಮಧುಮೇಹಿಗಳು ಸಾಮಾನ್ಯವಾಗಿ ಎದುರಿಸುವ ಗಂಭೀರವಾದ ದೃಷ್ಟಿ ಸಮಸ್ಯೆ. ಇದು ಅಕ್ಷಿಪಟಲದ ರಕ್ತನಾಳಗಳ ಮೇಲೆ ಪರಿಣಾಮ ಬೀರಿ ಅವು ಕಟ್ಟಿಕೊಳ್ಳುವಂತೆ ಅಥವಾ ಸೋರುವಂತೆ ಮಾಡುತ್ತದೆ. ಇದರಿಂದ ನಿಮ್ಮ ದೃಷ್ಟಿಯ ಮೇಲೆ ಕೆಟ್ಟ ಪರಿಣಾಮ ಉಂಟಾಗುತ್ತದೆ.

ಅಂಗ ವಿಭಜನೆಯ ರೆಟಿನೋಪತಿ

ಇದು ಕೂಡ ಒಂದು ರೀತಿಯ ಮಧುಮೇಹದ ರೆಟಿನೋಪತಿ. ಆದರೆ ಇದರಲ್ಲಿ ಅಕ್ಷಿಪಟಲದಲ್ಲಿ ಅಸಾಮಾನ್ಯ ನರಗಳ ಬೆಳವಣಿಗೆ ಕಂಡುಬರುತ್ತದೆ. ಇದು ನಾಲ್ಕು ಹಂತಗಳಲ್ಲಿ ಪರಿಣಾಮ ಬೀರುವಂತಹದ್ದಾಗಿದ್ದು ಮೊದಲ ಮೂರು ಹಂತಗಳಲ್ಲಿ ಅಂಗ ವಿಭಜನೆಯಾಗದೆ ನರಗಳಲ್ಲಿ ಬಾವು ಕಂಡುಬರುವುದಲ್ಲದೆ ನರಗಳು ಕಟ್ಟಿಕೊಳ್ಳುತ್ತವೆ. ಆದರೆ ಕೊನೆಯ ಹಂತದಲ್ಲಿ ನರಗಳ ಮೇಲೆ ಅನವಶ್ಯಕ ಅಂಗಗಳು ಬೆಳೆಯಲಾರಂಭಿಸುತ್ತವೆ.

ಮಧುಮೇಹದ ಮ್ಯಾಕ್ಯುಲೋಪತಿ

ಇದರಲ್ಲಿ ಕಣ್ಣಿನ ಮ್ಯಾಕ್ಯುಲಾ ಭಾದಿಸಲ್ಪಡುತ್ತದೆ. ಇದರಲ್ಲಿ ಬಾಹ್ಯದೃಷ್ಟಿಗೆ ಯಾವುದೇ ಹಾನಿಯಾಗದಿದ್ದರೂ ಕೇಂದ್ರ ದೃಷ್ಟಿಗೆ ಹಾನಿಯುಂಟಾಗುತ್ತದೆ. ಮಧುಮೇಹದ ಮ್ಯಾಕ್ಯುಲೋಪತಿಗೆ ಒಳಗಾದವರು ಮನೆಯಲ್ಲಿ ಆರಾಮವಾಗಿ ಸುತ್ತಾಡಬಹುದಾದರೂ ವ್ಯಕ್ತಿಗಳ ಮುಖ ಹಾಗೂ ಇತರ ಸೂಕ್ಷ್ಮ ವಸ್ತುಗಳ ನಡುವಿನ ಅಂತರವನ್ನು ಗುರುತಿಸುವಲ್ಲಿ ವಿಫಲರಾಗುತ್ತಾರೆ.

ಕಣ್ಣಿನ ಪೊರೆ

ಕಣ್ಣಿನ ಮಸೂರದ ಮೇಲೆ ಮೋಡದಂತಹ ಪದರ ಬೆಳೆದು ವ್ಯಕ್ತಿಯ ದೃಷ್ಟಿಯ ಸ್ಪಷ್ಟತೆಗೆ ಅಡಚಣೆಯುಂಟುಮಾಡುವ ಕಣ್ಣಿನ ಪೊರೆ ಬೆಳೆಯಲು ವಿವಿಧ ಕಾರಣಗಳಿದ್ದರೂ ಮಧುಮೇಹವೂ ಪ್ರಮುಖ ಕಾರಣವಾಗಿದೆ. ದಿನ ಕಳೆದಂತೆ ಬೆಳೆಯುತ್ತಾ ಹೋಗುವ ಈ ಪೊರೆಯನ್ನು ಲೇಸರ್ ಶಸ್ತ್ರಚಿಕಿತ್ಸೆಯ ಮೂಲಕ ತೆಗೆಯಬಹುದೆಂಬುದು ಸಮಾಧಾನಕರ ವಿಷಯ.

ಗ್ಲುಕೋಮಾ

ಮಧುಮೇಹಿಗಳಲ್ಲಿ ಗ್ಲುಕೋಮಾ ಸಂಭವ ಹೆಚ್ಚು. ಅವರ ಕಂಗಳಲ್ಲಿನ ದ್ರವ ಸರಿಯಾಗಿ ಸಂಚರಿಸದ ಕಾರಣ ಕಣ್ಣಿನ ನರಗಳ ಮೇಲೆ ಒತ್ತಡ ಹೆಚ್ಚಾಗುತ್ತದೆ. ಇದರಿಂದ ನರಗಳಿಗೆ ಹಾನಿಯುಂಟಾಗುತ್ತದೆ ಹಾಗೂ ದೃಷ್ಟಿಗೂ ತೊಂದರೆಯಾಗಬಹುದು.

ಇತರ ಕಾರಣಗಳಿಂದ ದೃಷ್ಟಿಯ ತೀಕ್ಷ್ಣತೆಯ ಗ್ರಹಿಕೆ ಕಡಿಮೆಯಾಗುವುದು

ಮಧುಮೆಹಿಗಳಿಗೆ ದೃಷ್ಟಿಯ ಆಳ ಹಾಗು ತೀಕ್ಷ್ಣತೆಯ ಗ್ರಹಿಕೆ ಕಡಿಮೆಯಾಗುವುದು. ಅವರು ಮಸುಕಾದ ಅಥವಾ ದುಪ್ಪಟ್ಟು ದೃಷ್ಟಿಯ ಸಮಸ್ಯೆಯನ್ನು ಎದುರಿಸ ಬೇಕಾಗಬಹುದು. ರೆಟೆನಾದ ಪ್ರತ್ಯೆಕತೆಯಿಂದಾಗಿ ದೃಷ್ಠಿ ಕ್ಷೇತ್ರದಲ್ಲಿ ಕಲೆಗಳು ಕಂಡುಬರುವುವು. ಕಣ್ಣುಗಳಲ್ಲಿ ತೇಲುವ ಕೆಂಪು ಚಿಕ್ಕೆಗಳು ಅಥವಾ ಗೆರೆಗಳು ಕಂಡುಬರುವವು. ಇವು ಕಂಗಳಲ್ಲಿನ ರಕ್ತಸ್ರಾವ, ಮುಸುಕು ಅಥವಾ ಮೋಡದಂತಹ ವಿನ್ಯಾಸವನ್ನು ಸೂಚಿಸುತ್ತವೆ. ಅದಕ್ಕೆ ನೀವು ಮಧುಮೇಹಿಗಳಾಗಿದ್ದಲ್ಲಿ ನಿಮ್ಮ ದೈಹಿಕ ತಪಾಸಣೆಯ ಜೊತೆಗೆ ಕಣ್ಣಿನ ತಪಾಸಣೆಯನ್ನು ನಿಯಮಿತವಾಗಿ ಮಾಡಿಸಿಕೊಂಡು ಆರೋಗ್ಯವಂತರಾಗಿರಿ.