ಬ್ಯೂಟಿ ಟಿಪ್ಸ್: ತ್ವಚೆಯ ಅಂದ-ಚಂದ ಹೆಚ್ಚಿಸುವ 'ಸಾಸಿವೆ ಎಣ್ಣೆ'

ನೀವು ನಿಯಮಿತವಾಗಿ ಸಾಸಿವೆ ಎಣ್ಣೆಯನ್ನು ಬಳಸಿದಲ್ಲಿ ನಿಮಗೆ ಈ ಅಂಶ ಮನದಟ್ಟಾಗುವುದುಖಂಡಿತ. ನಿಮ್ಮ ತ್ವಚೆಗೆ ಇದು ನೈಸರ್ಗಿಕ ಕ್ಲೆನ್ಸರ್ ಆಗಿ ಕಾರ್ಯನಿರ್ವಹಿಸಲಿದೆ. ನೀವು ದಟ್ಟವಾದ ಮೇಕಪ್ ಮಾಡಿಕೊಂಡು ಅದನ್ನು ಹೋಗಲಾಡಿಸುವಲ್ಲಿ ಕಷ್ಟಪಡುತ್ತೀರಿ ಎಂದಾದಲ್ಲಿ ಸಾಸಿವೆ ಎಣ್ಣೆ ನಿಮಗೆ ಉಪಯೋಗಕಾರಿ ಎಂದೆನಿಸಲಿದೆ.

ವಿಟಮಿನ್ ಇ ಅಂಶವನ್ನು ಸಾಸಿವೆ ಎಣ್ಣೆ ಪಡೆದುಕೊಂಡಿದ್ದು ಸಣ್ಣಗೆರೆಗಳು ಮತ್ತು ನೆರಿಗೆಗಳನ್ನು ಹೋಗಲಾಡಿಸಲು ಸ್ವಲ್ಪ ಎಣ್ಣೆಯಿಂದ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ. ಅಂತೆಯೇ ನವಜಾತ ಶಿಶುವಿಗೆ ಈ ಎಣ್ಣೆಯಿಂದ ಮಸಾಜ್ ಮಾಡುವುದು ಕೂಡ ಉತ್ತಮ ಆರೋಗ್ಯದ ಗುಟ್ಟಾಗಿದೆ.

ಇದೊಂದು ಉತ್ತಮ ಸನ್‌ಸ್ಕ್ರೀನ್ ಲೋಶನ್‌ನಂತೆ ಕಾರ್ಯನಿರ್ವಹಿಸುತ್ತದೆ. ನಿಮ್ಮದು ಎಣ್ಣೆಯುಕ್ತ ತ್ವಚೆಯಾದಲ್ಲಿ ಸಾಸಿವೆ ಎಣ್ಣೆ ಕಿರಿಕಿರಿಯನ್ನುಂಟು ಮಾಡಬಹುದು ಇದಕ್ಕಾಗಿ ಸಮ ಪ್ರಮಾಣದಲ್ಲಿ ತೆಂಗಿನೆಣ್ಣೆಯನ್ನು ಸೇರಿಸಿ ನಂತರ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ. ಸೂರ್ಯನ ಅತಿ ಪ್ರಬಲ ಕಿರಣಗಳಿಂದ ಸಾಸಿವೆ ಎಣ್ಣೆ ನಿಮ್ಮ ಮುಖ ಕಾಂತಿಯನ್ನು ರಕ್ಷಿಸಲಿದೆ. ಇದರಲ್ಲಿ ವಿಟಮಿನ್ ಇ ಅಂಶ ಇರುವುದರಿಂದ ಸೂರ್ಯನ ಹಾನಿಕಾರಕ ಕಿರಣಗಳಿಂದ ತ್ವಚೆಯನ್ನು ಸಂರಕ್ಷಿಸುತ್ತದೆ.

ನಿಮ್ಮ ಮುಖಕಾಂತಿಯನ್ನು ಆರೋಗ್ಯಪೂರ್ಣವಾಗಿ ನಳನಳಿಸುವಂತೆ ಮಾಡುವಲ್ಲಿ ಸಾಸಿವೆ ಎಣ್ಣೆ ಅತ್ಯದ್ಭುತ ಎಂದೆನಿಸಿದೆ. ಡಾರ್ಕ್ ಸ್ಪಾಟ್‌ಗಳ ನಿವಾರಣೆಯನ್ನು ಮಾಡುವಲ್ಲಿ ಸಾಸಿವೆ ಎಣ್ಣೆ ಸಿದ್ಧ ಹಸ್ತ ಎಂದೆನಿಸಿದೆ. ಬ್ಯೂಟಿ ಟಿಪ್ಸ್: ಸೌಂದರ್ಯದ ವಿಷಯದಲ್ಲಿ 'ಸಾಸಿವೆ ಎಣ್ಣೆ' ಎತ್ತಿದ ಕೈ!

ಚಳಿಗಾಲದಲ್ಲಿ ನಿಮ್ಮ ತ್ವಚೆ ಒಣಗಿರುತ್ತದೆ ಮತ್ತು ತೇವಾಂಶದ ಅಗತ್ಯತೆ ಮುಖಕ್ಕೆ ಬೇಕಾಗಿರುತ್ತದೆ. ಸಾಸಿವೆ ಎಣ್ಣೆಯಿಂದ ನಯವಾಗಿ ಮಸಾಜ್ ಮಾಡುವುದು ಚಳಿಗಾಲದ ಒಣತ್ವವನ್ನು ದೂರಮಾಡುತ್ತದೆ.

ಟ್ಯಾನ್ ನಿವಾರಿಸಲು ಸ್ವಲ್ಪ ಮೊಸರು, ಒಂದೆರಡು ಬೊಟ್ಟು ಸಾಸಿವೆ ಎಣ್ಣೆ ಮತ್ತು ಲಿಂಬೆ ರಸವನ್ನು ಬಳಸಿಕೊಳ್ಳಿ. ನಿಮ್ಮ ಕುತ್ತಿಗೆ ಮತ್ತು ಮುಖಕ್ಕೆ ಈ ಮಿಶ್ರಣವನ್ನು ಹಚ್ಚಿಕೊಳ್ಳಿ. ಹದಿನೈದು ನಿಮಿಷಗಳ ತರುವಾಯ ನಿಮ್ಮ ಮುಖವನ್ನು ತಣ್ಣೀರಿನಿಂದ ತೊಳೆದುಕೊಳ್ಳಿ.

ಒಂದು ಬೌಲ್‌ನಲ್ಲಿ ಸಾಸಿವೆ ಎಣ್ಣೆಯನ್ನು ತೆಗೆದುಕೊಂಡು ಅದಕ್ಕೆ ಕಡಲೆಹಿಟ್ಟನ್ನು ಸೇರಿಸಿ. ಇದಕ್ಕೆ ಸ್ವಲ್ಪ ಹನಿ ನಿಂಬೆ ರಸವನ್ನು ಹಿಂಡಿಕೊಳ್ಳಲು ಮರೆಯದಿರಿ. ಹಚ್ಚಿಕೊಂಡು ಇಪ್ಪತ್ತು ನಿಮಿಷಗಳ ತರುವಾಯ ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ. ಆರೋಗ್ಯ ಟಿಪ್ಸ್: ಸಾಸಿವೆ ಎಣ್ಣೆಯ ತಾಕತ್ತಿಗೆ, ತಲೆಬಾಗಲೇಬೇಕು!