ಬ್ಯೂಟಿ ಟಿಪ್ಸ್: ಮುಖದ ಗೌರವರ್ಣಕ್ಕೆ ಹಾಲಿನ ಫೇಸ್ ಪ್ಯಾಕ್

ಹಾಲನ್ನು ಬಳಸುವುದು ಹೇಗೆ?

ಹತ್ತಿಯುಂಡೆಯೊಂದನ್ನು ಹಸಿ ಹಾಲಿನಲ್ಲಿ ಮುಳುಗಿಸಿ ಈ ಉಂಡೆಯನ್ನು ವೃತ್ತಾಕಾರಗಳಲ್ಲಿ ಹೆಚ್ಚಿನ ಒತ್ತಡವಿಲ್ಲದೇ ಒರೆಸುತ್ತಿರಿ. ಸುಮಾರು ಐದು ನಿಮಿಷಗಳವರೆಗೆ ಹಸಿ ಹಾಲನ್ನು ಆಗಾಗ ಹಿಂಡಿಕೊಳ್ಳುತ್ತಾ ಮುಖ, ಕುತ್ತಿಗೆ ಕುತ್ತಿಗೆಯ ಭಾಗಗಳನ್ನು ಒರೆಸಿಕೊಳ್ಳಿ. ಬಳಿಕ ಉಗುರು ಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.

ಈ ವಿಧಾನದ ಉಪಯೋಗಗಳೇನು?

ಒಣಚರ್ಮ ಮತ್ತು ಪಕಳೆ ಏಳುವ ತೊಂದರೆ ಇರುವ ಚರ್ಮದವರಿಗೆ ಹಸಿಹಾಲು ಅಮೃತಸಮಾನವಾಗಿದೆ. ಚರ್ಮದ ಹೊರಪದರ ಒಣಗಿ ಪಕಳೆ ಏಳಲು ಚರ್ಮದ ಅಡಿಯಲ್ಲಿರುವ ನೈಸರ್ಗಿಕ ತೈಲಗಳ ಕೊರತೆಯೇ ಕಾರಣ. ಹಾಲು ಆರ್ದ್ರತೆಯನ್ನು ಒದಗಿಸುವ ಮೂಲಕ ಚರ್ಮ ಕಳೆದುಕೊಂಡಿದ್ದ ಈ ತೈಲಗಳನ್ನು ಉಳಿಸಿಕೊಳ್ಳಲು ಮತ್ತು ಚರ್ಮ ಪುನರ್ಜೀವನ ಪಡೆಯಲು ನೆರವಾಗುತ್ತದೆ.

ಒಣಚರ್ಮದ ಆರೈಕೆಗೆ ಹಾಲಿನ ಬಳಕೆ....

ಒಂದು ವೇಳೆ ಚರ್ಮ ತೀರಾ ಒಣಗಿದ್ದರೆ, ಚರ್ಮ ಪಕಳೆ ಎದ್ದಿದ್ದರೆ, ಬಿರುಕುಬಿಟ್ಟಿದ್ದರೆ ಒಂದು ದೊಡ್ಡ ಹತ್ತಿಯುಂಡೆಯನ್ನು ಹಸಿಹಾಲಿನಲ್ಲಿ ಮುಳುಗಿಸಿ ಹೆಚ್ಚಿನ ಒತ್ತಡವಿಲ್ಲದೇ ನಯವಾಗಿ ವೃತ್ತಾಕಾರದಲ್ಲಿ ಇಡಿಯ ಮುಖಕ್ಕೆ ಹಚ್ಚಿ ಒಣಗಲು ಬಿಡಿ. ಸುಮಾರು ಇಪ್ಪತ್ತು ನಿಮಿಷಗಳ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ....

ಒಣಚರ್ಮದ ಆರೈಕೆಗೆ ಹಾಲಿನ ಬಳಕೆ....

ಹಸಿ ಹಾಲು ಮುಖದ ಮೇಲೆ ಜಾರುವ ಕಾರಣ ಹಾಲಿನಲ್ಲಿ ಒಂದು ಬಾಳೆಹಣ್ಣಿನ ತಿರುಳನ್ನು ಚೆನ್ನಾಗಿ ಕಿವುಚಿ ದಪ್ಪನೆಯ ಲೇಪನವನ್ನಾಗಿಸಿ. ಈ ಲೇಪನ ಚರ್ಮದ ಮೇಲೆ ದಪ್ಪನಾಗಿ ಆವರಿಸುವಂತೆ ಮಾಡಿ ಮೂವತ್ತು ನಿಮಿಷದ ಬಳಿಕ ತೊಳೆದುಕೊಂಡರೆ ಅತ್ಯುತ್ತಮ ಆರೈಕೆ ಪಡೆಯಬಹುದು.

ಕಲೆಗಳನ್ನು ತಿಳಿಗೊಳಿಸಲು...

ಒಂದು ವೇಳೆ ನಿಮ್ಮ ಚರ್ಮದಲ್ಲಿ ಹಳೆಯ ಗಾಯ, ಮೊಡವೆಗಳ ಕಲೆಯಿದ್ದು ಇದರಿಂದ ಮುಕ್ತಿ ಪಡೆಯಬೇಕೆಂದರೆ ಹಾಲು ಅತ್ಯುತ್ತಮ ಆಯ್ಕೆಯಾಗಿದೆ. ಇದರಲ್ಲಿರುವ ಲ್ಯಾಕ್ಟಿಕ್ ಆಮ್ಲ ಚರ್ಮವನ್ನು ತಿಳಿಗೊಳಿಸುವ ಗುಣವನ್ನು ಹೊಂದಿದೆ.

ವಿಧಾನ...

ಸಮಪ್ರಮಾಣದಲ್ಲಿ ಹಸಿರು ಟೀ ಮತ್ತು ಹಾಲನ್ನು ಬೆರೆಸಿ. ಈ ಮಿಶ್ರಣದಲ್ಲಿ ದೊಡ್ಡ ಹತ್ತಿಯುಂಡೆಯೊಂದನ್ನು ಮುಳುಗಿಸಿ ಕಲೆ ಇದ್ದ ಚರ್ಮದ ಭಾಗದ ಮೇಲೆ ಹಚ್ಚಿ. ಕೊಂಚ ಒಣಗಿದ ಬಳಿಕ ಮತ್ತೊಮ್ಮೆ ಹಚ್ಚಿ.

ವಿಧಾನ...

ಹೀಗೇ ನಾಲ್ಕಾರು ಬಾರಿ ಹಚ್ಚಿ. ಸುಮಾರು ಹದಿನೈದು ನಿಮಿಷಗಳಾದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಸ್ನಾನಕ್ಕೂ ಮುನ್ನ ಈ ವಿಧಾನವನ್ನು ವಾರಕ್ಕೆ ಮೂರು ದಿನಗಳ ಕಾಲ ಅನುಸರಿಸಿದರೆ ಶೀಘ್ರದಲ್ಲಿಯೇ ಉತ್ತಮ ಪರಿಣಾಮವನ್ನು ಪಡೆಯಬಹುದು.