ಬಾಳೆಹಣ್ಣಿನ ಬ್ಯೂಟಿ ಟಿಪ್ಸ್: ಖರ್ಚು ಕಡಿಮೆ-ಅಧಿಕ ಲಾಭ!

ಸರಿಯಾಗಿ ಹಣ್ಣಾಗಿರುವ ಒಂದು ಬಾಳೆಹಣ್ಣು....

ಸರಿಯಾಗಿ ಹಣ್ಣಾಗಿರುವ ಒಂದು ಬಾಳೆಹಣ್ಣನ್ನು ಸರಿಯಾಗಿ ಹಿಚುಕಿಕೊಂಡು ಅದಕ್ಕೆ ಎರಡು ಚಮಚ ಲಿಂಬೆರಸ ಹಾಕಿ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ. ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಂಡು 20 ನಿಮಿಷ ಕಾಲ ಹಾಗೆ ಬಿಡಿ. ಬಳಿಕ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಕಾಂತಿಯುತ ಮುಖವು ನಿಮ್ಮದಾಗುವುದು.

ಬಾಳೆಹಣ್ಣಿನ ಸಿಪ್ಪೆ....

ಬಾಳೆಹಣ್ಣಿನ ತಿರುಳಿನ ಜೊತೆಗೆ ಇದರ ಸಿಪ್ಪೆ ಸಹಾ ಪ್ರಯೋಜನಕಾರಿಯಾಗಿದೆ. ಇದರಲ್ಲಿಯೂ ಉತ್ತಮ ಆಂಟಿ ಆಕ್ಸಿಡೆಂಟುಗಳ ಗುಣವಿದ್ದು ಚರ್ಮಕ್ಕೆ ಉಪಯುಕ್ತವಾಗಿದೆ. ವಿಶೇಷವಾಗಿ ಮೊಡವೆಗಳ ನಿವಾರಣೆಗೆ ಈ ಗುಣ ಉತ್ತಮ ಪರಿಹಾರ ನೀಡುತ್ತದೆ.

ಮೊಡವೆ ಇದ್ದವರು....

ಮೊಡವೆ ಇದ್ದವರು ಚೆನ್ನಾಗಿ ಕಳಿತ ಬಾಳೆಹಣ್ಣಿನ ಸಿಪ್ಪೆಯ ಒಳಭಾಗದ ನಾರುಗಳನ್ನು ಬೇರ್ಪಡಿಸಿ ನಯವಾಗಿ ಜಜ್ಜಿ ಲೇಪನ ತಯಾರಿಸಿ ದಪ್ಪನಾಗಿ ಹಚ್ಚಿಕೊಳ್ಳಬೇಕು. ಕೊಂಚ ಹೊತ್ತಿಗೆ ಈ ಲೇಪನ ಕಂದು ಬಣ್ಣಕ್ಕೆ ತಿರುಗುತ್ತದೆ.

ಮೊಡವೆ ಇದ್ದವರು....

ಬಳಿಕ ಇದನ್ನು ತಣ್ಣೀರಿನಿಂದ ತೊಳೆಯಬೇಕು.ಅಷ್ಟೇ ಅಲ್ಲ, ಮುಖದ ಕಲೆಗಳನ್ನು ಮತ್ತು ಗಾಯದ ಗುರುತುಗಳನ್ನು ನಿವಾರಿಸಲೂ ಈ ವಿಧಾನ ಸೂಕ್ತವಾಗಿದ್ದು ಶೀಘ್ರದಲ್ಲಿಯೇ ಚರ್ಮ ಸಹಜವರ್ಣ ಪಡೆಯಲು ನೆರವಾಗುತ್ತದೆ. ಈ ವಿಧಾನವನ್ನು ಉತ್ತಮ ಪರಿಣಾಮಕ್ಕಾಗಿ ವಾರಕ್ಕೆರಡು ಬಾರಿ ಪುನರಾವರ್ತಿಸಿ.

ಬೆಣ್ಣೆ ಹಣ್ಣು ಮತ್ತು ಬಾಳೆಹಣ್ಣು

ಅವಕಾಡೋ ಅಥವಾ ಬೆಣ್ಣೆ ಹಣ್ಣು ಮತ್ತು ಬಾಳೆಹಣ್ಣನ್ನು ಸರಿಯಾಗಿ ಹಿಚುಕಿಕೊಂಡು ಮುಖಕ್ಕೆ ಹಚ್ಚಿಕೊಳ್ಳಿ. 20 ನಿಮಿಷ ಬಿಟ್ಟು ಬಳಿಕ ತೊಳೆಯಿರಿ. ಇದನ್ನು ವಯಸ್ಸಾಗುವ ಲಕ್ಷಣಗಳನ್ನು ತಡೆಯುವುದು. ಈ ಪ್ಯಾಕ್ ಅನ್ನು ಪ್ರಯತ್ನಿಸಿ ವಯಸ್ಸಾಗುವ ಲಕ್ಷಣಗಳನ್ನು ದೂರ ಮಾಡಿ.

ಪಾದಗಳ ಬಿರುಕನ್ನು ಹೋಗಲಾಡಿಸಲು

ಬಿರುಕಿನ ಪಾದಗಳಿಗೆ ಹಿಸುಕಿದ ಬಾಳೆಹಣ್ಣನ್ನು ಹಚ್ಚಿಕೊಳ್ಳಿ ನಂತರ ಹಳೆಯ ಸಾಕ್ಸ್ ಅನ್ನು ಧರಿಸಿ. ರಾತ್ರಿ ಪೂರ್ತಿ ಹಾಗೆಯೇಬಿಟ್ಟು ಮರುದಿನ ನಿಮ್ಮ ಕಾಲುಗಳಲ್ಲಿ ಬಿರುಕು ಕಾಣಿಸಿಕೊಳ್ಳುವುದಿಲ್ಲ.