ಬ್ಯೂಟಿ ಟಿಪ್ಸ್: ಮುಖದ ಕಾಂತಿ ಹೆಚ್ಚಿಸಲು ಮೊಸರಿನ ಲೇಪನ!

ಆಲಿವ್ ಎಣ್ಣೆ ಮತ್ತು ಫೇಸ್ ಪ್ಯಾಕ್

ಒಂದು ಚಮಚ ಆಲಿವ್ ಎಣ್ಣೆ ಮತ್ತು ಒಂದು ಚಮಚ ಮೊಸರು ಸೇರಿಸಿ, ಒಂದು ಮಿಶ್ರಣ ತಯಾರಿಸಿ. ಈ ಮಿಶ್ರಣವನ್ನು ಮುಖ ಹಾಗೂ ಕತ್ತಿನ ಬಳಿಯೂ ಅನ್ವಯಿಸಬೇಕು. 15 ನಿಮಿಷ ಆರಲು ಬಿಟ್ಟು, ತಣ್ಣೀರಿನಲ್ಲಿ ತೊಳೆಯಬೇಕು. ವಾರಕ್ಕೊಮ್ಮೆ ಈ ಫೇಸ್ ಪ್ಯಾಕ್ ಮಾಡಿಕೊಂಡರೆ ಸುಕ್ಕುಗಟ್ಟುವುದು ಮತ್ತು ವಯಸ್ಸಾದ ರೇಖೆಗಳನ್ನು ತಡೆಗಟ್ಟಲು ಸಹಾಯವಾಗುವುದು. ಎಣ್ಣೆ ತ್ವಚೆಯವರಾಗಿದ್ದರೆ ಇದನ್ನು ಕಡಿಮೆ ಪ್ರಮಾಣದಲ್ಲಿ ಬಳಸಬೇಕು.

ನಿಂಬೆ/ಕಿತ್ತಳೆ ಮತ್ತು ಮೊಸರು

ಒಂದು ಚಮಚ ಮೊಸರು ಮತ್ತು ಒಂದು ಚಮಚನಿಂಬೆ ರಸ ಅಥವಾ ಕಿತ್ತಳೆ ರಸ ಸೇರಿಸಿ, ಒಂದು ಮಿಶ್ರಣ ತಯಾರಿಸಿ. ಹೀಗೆ ತಯಾರಿಸಿದ ಮಿಶ್ರಣವನ್ನು ನಿತ್ಯವೂ ಮುಖಕ್ಕೆ ಹಚ್ಚಿಹೊಂಡರೆ ಕಪ್ಪುಕಲೆ ಮತ್ತು ಸೂರ್ಯನ ಕಿರಣದಿಂದ ಉಂಟಾದ ಸುಟ್ಟಕಲೆಯನ್ನು ನಿವಾರಿಸಬಹುದು.

ಕಿತ್ತಳೆ ಸಿಪ್ಪೆಯ ಪುಡಿ ಮತ್ತು ಮೊಸರು

ಒಂದು ಚಮಚ ಕಿತ್ತಳೆ ಸಿಪ್ಪೆಯ ಪುಡಿ ಮತ್ತು ಒಂದು ಚಮಚ ಮೊಸರನ್ನು ಸೇರಿಸಿ, ಒಂದು ಮಿಶ್ರಣ ತಯಾರಿಸಿ. ಈ ಮಿಶ್ರಣವನ್ನು ಮುಖಕ್ಕೆ ದಪ್ಪವಾದ ಪದರದಲ್ಲಿ ಅನ್ವಯಿಸಿ. ಇದು ಒಣಗಿದ ನಂತರ ತಣ್ಣನೆಯ ನೀರಿನಿಂದ ತೊಳೆಯಿರಿ. ಹೀಗೆ ಮಾಡುವುದರಿಂದ ತ್ವಚೆಯು ಕಲೆಯಿಂದ ಮುಕ್ತವಾಗಿ ತೇವಾಂಶದಿಂದ ಕೂಡಿರುವಂತೆ ಮಾಡುತ್ತದೆ.

ತ್ವಚೆಯ ಕಾಂತಿಗೆ ಕಿತ್ತಳೆ ಸಿಪ್ಪೆಯ ಮ್ಯಾಜಿಕ್ ಫೇಸ್ ಪ್ಯಾಕ್

ಫುಲ್ಲರ್ಸ್ ಅರ್ಥ ಮತ್ತು ಮೊಸರು

ಒಂದು ಚಮಚ ಮೊಸರು ಮತ್ತು ಒಂದು ಚಮಚ ಫುಲ್ಲರ್ಸ್ ಅರ್ಥ/ಮುಲ್ತಾನಿ ಮಿಟ್ಟಿಯನ್ನು ಸೇರಿಸಿ, ಒಂದು ಮಿಶ್ರಣ ತಯಾರಿಸಿ. ಈ ಮಿಶ್ರಣವನ್ನು ಮುಖಕ್ಕೆ ಗಣನೀಯವಾಗಿ ಹಚ್ಚಿಕೊಳ್ಳಬೇಕು. ಹೀಗೆ ಮಾಡುವುದರಿಂದ ತ್ವಚೆಯಲ್ಲಿರುವ ಕೊಳೆ ಹಾಗೂ ಕಲೆಯನ್ನು ನಿವಾರಿಸಬಹುದು. ಅಲ್ಲದೆ ತ್ವಚೆ ಸದಾ ತೇವಾಂಶದಿಂದ ಕೂಡಿರುವಂತೆ ಮಾಡುವುದು.

ಕೆಂಪು ಚಂದನ ಮತ್ತು ಮೊಸರು

ಒಂದು ಚಮಚ ಕೆಂಪು ಚಂದನ/ಕೆಂಪು ಶ್ರೀಗಂಧದ ಪುಡಿ, ಒಂದು ಚಮಚ ಮೊಸರನ್ನು ಸೇರಿಸಿ, ಮಿಶ್ರಣ ತಯಾರಿಸಿ. ಈ ಮಿಶ್ರಣವನ್ನು ಮುಖದಿಂದ ಕತ್ತಿನ ವರೆಗೂ ದಪ್ಪ ಪದರದಲ್ಲಿ ಅನ್ವಯಿಸಬೇಕು. ಆರಿದ ನಂತರ ಮುಖವನ್ನು ತಣ್ಣೀರಿನಲ್ಲಿ ತೊಳೆಯಬೇಕು. ಹೀಗೆ ಮಾಡುವುದರಿಂದ ತ್ವಚೆಯ ಮೇಲಿರುವ ಕಲೆ, ಗುಳ್ಳೆಗಳು ಮತ್ತು ಚರ್ಮದ ಇನ್ನಿತರ ರೋಗಗಳನ್ನು ಗುಣಪಡಿಸಿ ಕಾಂತಿಯುತವಾಗಿರುವಂತೆ ಮಾಡುತ್ತದೆ.

ನಿಮ್ಮ ಅಂದದ ತ್ವಚೆಗೆ ಚಂದನದ ಆರೈಕೆ