ನಿಮ್ಮ ಅಂದದ ತ್ವಚೆಗೆ ಚಂದನದ ಆರೈಕೆ

ಹಂತ#1

ಒಂದು ಚಿಕ್ಕ ಚಮಚದಷ್ಟು ಚಂದನದ ಪುಡಿಯನ್ನು ತೆಗೆದುಕೊಳ್ಳಿ. ಒಂದು ವೇಳೆ ನಿಮ್ಮ ಬಳಿ ಚಂದನದ ಪುಡಿ ಇಲ್ಲದಿದ್ದರೆ ಚಂದನದ ಕೊರಡನ್ನು ನದಿತೀರದಲ್ಲಿ ಸಿಗುವ ಕೊಂಚವೇ ಒರಟಾಗಿರುವ ಕಲ್ಲಿನ ಮೇಲೆ ಕೆಲವೇ ಹನಿ ನೀರಿನ ಜೊತೆ ತೇದಿ ಲೇಪನವನ್ನು ತಯಾರಿಸಿ. ಮಾರುಕಟ್ಟೆಯಲ್ಲಿ ದೊರಕುವ ಪುಡಿಗಿಂತ ಕಲ್ಲಿನಲ್ಲಿ ತೇದಿದ ಲೇಪನವೇ ಉತ್ತಮ.

ಹಂತ#2

ಇದಕ್ಕೆ ಒಂದು ಚಿಕ್ಕ ಚಮಚ ಹಸಿ ಹಾಲು ಅಥವಾ ಅರಿಶಿನದ ಪುಡಿ ಅಥವಾ ಗುಲಾಬಿ ನೀರನ್ನು ಸೇರಿಸಿ. ಇದರಲ್ಲಿ ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಯಾವುದಾದರೊಂದನ್ನು ಮಾತ್ರ ಬಳಸಿ, ಮೂರನ್ನೂ ಒಮ್ಮೆಲೇ ಉಪಯೋಗಿಸಬೇಡಿ. ಅರಿಶಿನದ ನಂಜುನಿರೋಧಕ ಗುಣ, ಹಾಲಿನ ಆರ್ದ್ರತೆ ನೀಡುವ ಗುಣ ಮತ್ತು ಗುಲಾಬಿ ನೀರಿನ ಚರ್ಮಕ್ಕೆ ಕೋಮಲತೆ ನೀಡುವ ಗುಣಗಳು ಚಂದನದೊಂದಿಗೆ ಮಿಶ್ರಣಗೊಂಡ ಬಳಿಕ ಹೆಚ್ಚು ಸಕ್ಷಮವಾಗುತ್ತವೆ. ನಿಮಗೆ ಸೂಕ್ತ ಎನಿಸಿದನ್ನು ಆರಿಸಿಕೊಳ್ಳಿ.

ಹಂತ#3

ಈ ಮಿಶ್ರಣವನ್ನು ನಿಮ್ಮ ಮುಖಕ್ಕೆ ನವಿರಾಗಿ ಹಚ್ಚಿಕೊಳ್ಳಿ. ಕಣ್ಣುಗಳ ಒಳಗೆ ಹೋಗದಂತೆ ಜಾಗ್ರತೆ ವಹಿಸಿ. ಕಣ್ಣು ಮುಚ್ಚಿ ರೆಪ್ಪೆಗಳ ಮೇಲೆಯೂ ಹಚ್ಚಿಕೊಳ್ಳಿ. ಇಡಿಯ ಮುಖ, ಕುತ್ತಿಗೆ ಮತ್ತು ಕಿವಿಯ ಬುಡ, ಒಟ್ಟಾರೆ ಇಡಿಯ ಮುಖವನ್ನು ಆವರಿಸಿ, ಆದರೆ ತುಟಿಗೆ ಹಚ್ಚಬೇಡಿ. ಇದಕ್ಕಾಗಿ ಮರದ ತೆಳುವಾದ ಪಟ್ಟಿಯನ್ನು ಉಪಯೋಗಿಸಿ ಕೆಳಗಿನಿಂದ ಮೇಲೆ ಬರುವಂತೆ ಹಚ್ಚಿ. ನಮ್ಮ ಸಲಹೆಯೆಂದರೆ ಇದಕ್ಕೆ ಬೇರೊಬ್ಬರ ಸಹಾಯ ಪಡೆದುಕೊಳ್ಳುವುದು. ತಲೆದಿಂಬು ಇಲ್ಲದ ಚಾಪೆಯ ಮೇಲೆ ಮಲಗಿ ಲೇಪನ ಹಚ್ಚಿಸಿಕೊಂಡು ವಿಶ್ರಮಿಸಿ.

ಹಂತ#4

ಈ ಲೇಪನ ಶೀಘ್ರವೇ ಒಣಗುತ್ತದೆ. ಸುಮಾರು ಇಪ್ಪತ್ತು ನಿಮಿಷಗಳ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಪ್ರಥಮ ಪ್ರಯತ್ನದಲ್ಲಿಯೇ ಚರ್ಮ ಹೊಳೆಯುವುದನ್ನು ಕಾಣಬಹುದು. ವಾರಕ್ಕೊಂದು ಬಾರಿ ಈ ವಿಧಾನವನ್ನು ಅನುಸರಿಸಿ. ಇದು ನಿಮ್ಮ ಮುಖದ ಮೇಲಿನ ಕಲೆ ಮತ್ತು ಮೊಡವೆಗಳ ಗುರುತುಗಳನ್ನು ನಿವಾರಿಸಲೂ ನೆರವಾಗುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಹಂತ#4

ಇದು ಮುಖಕ್ಕೆ ಉತ್ತಮವಾದ ಪೋಷಣೆಯನ್ನು ನೀಡುವ ಜೊತೆಗೇ ಚರ್ಮಕ್ಕೆ ಆದ್ರತೆ ಮತ್ತು ಕಾಂತಿಯನ್ನೂ ನೀಡುತ್ತದೆ. ಸಹಜ ವರ್ಣ ಪಡೆದ ಬಳಿಕ ಬೇರೆ ಯಾವುದೇ ಕೃತಕ ವಿಧಾನವನ್ನು ಅನುಸರಿಸುವ ಅಗತ್ಯವೇ ಇಲ್ಲ. ಒಂದು ವೇಳೆ ಇಂತಹ ಉಪಯುಕ್ತ ಮಾಹಿತಿ ನಿಮ್ಮಲ್ಲಿದರೆ ನಮ್ಮೊಂದಿಗೆ ಖಂಡಿತಾ ಹಂಚಿಕೊಳ್ಳಿ.