ಮುಖದ ಸುಕ್ಕು, ರಂಧ್ರದ ಪರಿಹಾರಕ್ಕೆ ಇಲ್ಲಿದೆ ಮನೆಮದ್ದು

ಮಂಜುಗಡ್ಡೆ

ಮಂಜುಗಡ್ಡೆಯ ಒಂದು ಸಣ್ಣ ತುಂಡನ್ನು ತೆಗೆದುಕೊಂಡು ಮುಖದ ಮೇಲೆ ಯಾವ ಜಾಗದಲ್ಲಿ ತೊಂದರೆ ಉಂಟಾಗಿದೆಯೋ ಅಲ್ಲಿ ಸುಮಾರು 5-10 ಸೆಕೆಂಡುಗಳ ಕಾಲ ದಿನಕ್ಕೆರಡು ಬಾರಿ ಉಜ್ಜಬೇಕು. ಹೀಗೆ ಮಾಡುವುದರಿಂದ ಮುಖದಲ್ಲಿನ ರಂಧ್ರಗಳ ಗಾತ್ರ ಕಡಿಮೆಯಾಗುತ್ತಾ ಹೋಗುತ್ತದೆ. ಜೊತೆಗೆ, ಮುಖದಲ್ಲಿ ರಕ್ತ ಸಂಚಾರ ಸುಗಮವಾಗಿ ಚರ್ಮವು ತ್ವಚೆಯುಕ್ತವಾಗಿ ಕಾಣುತ್ತದೆ.

ಮಂಜುಗಡ್ಡೆ

ಜೇನು ತುಪ್ಪದಲ್ಲಿ ರೋಗನಿರೋಧಕ ಮತ್ತು ರೋಗನಿವಾರಕ ಅಂಶಗಳು ಹೇರಳವಾಗಿರುತ್ತದೆ. ಇದರಲ್ಲಿರುವ ಉನ್ನತ ಮಟ್ಟದ ಪೋಟ್ಯಾಷಿಯಂ ಚರ್ಮವನ್ನು ಪೋಷಣೆ ಮಾಡುವಲ್ಲಿ ಸಹಾಯಕವಾಗುತ್ತದೆ, ಜೇನು ತುಪ್ಪವನ್ನು ಮುಖಕ್ಕೆ ಹಚ್ಚಿ ಮಸಾಜ್ ಮಾಡುವುದರಿಂದ ರಂಧ್ರದಲ್ಲಿರುವ ಬ್ಯಾಕ್ಟೀರಿಯಾಗಳು ಸಾಯುತ್ತವೆ. ಇದಾದ ನಂತರ ಮುಖಮನ್ನು ಬೆಚ್ಚಗಿನ ನೀರಿನಲ್ಲಿ 15 ನಿಮಿಷಗಳ ನಂತರ ತೊಳೆದುಕೊಳ್ಳಬೇಕು.

ಬಾದಾಮಿ ಮತ್ತು ನಿಂಬೆ

5-6 ಬಾದಾಮಿಯನ್ನು ಪುಡಿಮಾಡಿಕೊಂಡು ನಿಂಬೆ ಹಣ್ಣಿನ ರಸದೊಂದಿಗೆ ಸೇರಿಸಬೇಕು. ಇದನ್ನು ಚೆನ್ನಾಗಿ ಅರೆದು ಮಿಶ್ರಣ ಮಾಡಿಕೊಂಡು ಮುಖದ ಮೇಲೆ ಹಚ್ಚಬೇಕು. ಹಚ್ಚಿದ 20 ನಿಮಿಷಗಳ ಕಾಲ ಹಾಗೆ ಅದನ್ನು ಬಿಡಬೇಕು. ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ಮುಖವನ್ನು ತೊಳೆಯಬೇಕು.

ರೋಸ್ ವಾಟರ್ ಮತ್ತು ಸೌತೆಕಾಯಿ ರಸ

ಮುಖದ ಮೇಲಿನ ರಂಧ್ರಗಳ ನಿವಾರಣೆಗೆ ಈ ವಿಧಾನ ಒಂದು ಅತ್ಯುತ್ತಮವಾದುದಾಗಿದೆ. ಕೆಲವು ಹನಿಯಷ್ಟು ರೋಸ್ ವಾಟರ್ ನೊಂದಿಗೆ ಅಷ್ಟೇ ಪ್ರಮಾಣದಲ್ಲಿ ಸೌತೆಕಾಯಿಯ ರಸವನ್ನು ಸೇರಿಸಿ ಸಾಧಾರಣ ಒಂದು ಟೀ ಚಮಚವಾಗುವಷ್ಟು ಬೆರೆಸಿ ಈ ಮಿಶ್ರಣವನ್ನು ಮುಖಕ್ಕೆ ಒಂದು ಹತ್ತಿಯ ಉಂಡೆ ಮಾಡಿಕೊಂಡು ನಿಧಾನಕ್ಕೆ ಹಚ್ಚಬೇಕು. 15-20 ನಿಮಿಷಗಳ ನಂತರ ಮುಖವನ್ನು ತೊಳೆಯಬೇಕು. ಹೀಗೆ ಮಾಡುವುದರಿಂದ ರಂಧ್ರದ ಗಾತ್ರವು ಕಡಿಮೆಯಾಗುತ್ತದೆ.

ಗಂಧ, ಅರಿಶಿನ ಮತ್ತು ಬಾದಾಮಿ ಎಣ್ಣೆ

ಒಂದೊಂದು ಟೇಬಲ್ ಚಮಚ ಗಂಧ ಮತ್ತು ಅರಿಶಿನವನ್ನು ಸಮಪ್ರಮಾಣದಲ್ಲಿ ತೆಗೆದುಕೊಂಡು ಇದಕ್ಕೆ ಬಾದಾಮಿ ಎಣ್ಣೆಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು. ನಂತರ ಇದನ್ನು ಕತ್ತಿನ ಭಾಗ ಮತ್ತು ಮುಖಕ್ಕೆ ಹಚ್ಚಬೇಕು. 20 ನಿಮಿಷದ ನಂತರ ಮುಖವನ್ನು ತಣ್ಣಗಿನ ನೀರಿನಲ್ಲಿ ತೊಳೆಯಬೇಕು.

ಬೆಣ್ಣೆ ಮತ್ತು ಉಪ್ಪು

ಇದು ಒಂದು ಸಾಮಾನ್ಯವಾದ ಪರಿಹಾರ. ಬೆಣ್ಣೆಗೆ ಸ್ವಲ್ಪ ಉಪ್ಪು ಹಾಕಿ ಚೆನ್ನಾಗಿ ಕಲಸಿಕೊಳ್ಳಿ. ತದನಂತರ ಇದನ್ನು ಮುಖದ ಮೇಲೆ ತೆರೆದಿರುವಂತಹ ರಂಧ್ರಗಳಿಗೆ ಚೆನ್ನಾಗಿ ಹಚ್ಚಿ, 20 ನಿಮಿಷಗಳ ಕಾಲ ಹಾಗೆ ಬಿಡಬೇಕು. ಇದಾದ ನಂತರ ತಣ್ಣಗಿನ ನೀರಿನಲ್ಲಿ ಮುಖವನ್ನು ತೊಳೆಯಬೇಕು.

ಮೊಟ್ಟೆಯ ಬಿಳಿ , ಆಸ್ಪಿರಿನ್ ಮತ್ತು ಮೊಸರು

ಈ ವಿಧಾನವು ಜಿಡ್ಡಿನಿಂದ ಕೂಡಿದ ತ್ವಚೆ ಇರುವವರು ಉಪಯೋಗಿಸಿದರೆ ಉತ್ತಮ. ಮೊಟ್ಟೆಯ ಬಿಳಿಯ ಭಾಗ, 2 ಆಸ್ಪಿರಿನ್ ಮಾತ್ರೆ (ಚೆನ್ನಾಗಿ ಪುಡಿ ಮಾಡಿಕೊಳ್ಳಬೇಕು). ಮತ್ತು ಒಂದು ಟೇಬಲ್ ಚಮಚ ಮೊಸರು. ಇವೆಲ್ಲವನ್ನು ಸೇರಿಸಿ ಪೇಸ್ಟ್ ಮಾಡಿಕೊಳ್ಳಬೇಕು. ನಂತರ ಇದನ್ನು ಮುಖದ ಮೇಲೆ ಹಚ್ಚಿ 20 ನಿಮಿಷಗಳ ಕಾಲ ಹಾಗೆ ಬಿಡಬೇಕು. ಇದಾದ ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ಮುಖವನ್ನು ತೊಳೆಯಬೇಕು.