ಒಣ ಕೂದಲಿನ ಸಮಸ್ಯೆಗೆ-ಸಾಸಿವೆ ಎಣ್ಣೆಯ ಮಸಾಜ್

ಮೆಂತೆ ಮೊಸರು ಹಾಗೂ ಸಾಸಿವೆ ಎಣ್ಣೆಯ ಲೇಪನ

ಅಗತ್ಯವಿರುವ ಸಾಮಾಗ್ರಿಗಳು:

*ಮೊದಲು ಒಂದು ಮುಷ್ಟಿಯಷ್ಟು ಮೆಂತೆಯನ್ನು ಕೊಂಚ ತಣ್ಣೀರಿನಲ್ಲಿ ಇಡಿಯ ರಾತ್ರಿ ಮುಳುಗಿಸಿಡಿ.

*ಒಂದು ಕಪ್ ಮೊಸರು

*ಎರಡು ದೊಡ್ಡಚಮಚ ಸಾಸಿವೆ ಎಣ್ಣೆ

*ಕೊಂಚ ಆಲಿವ್ ಎಣ್ಣೆ.

ಸಾಸಿವೆ ಎಣ್ಣೆ : ಅಡುಗೆಗೂ ಸೈ, ಕೂದಲಿನ ಸಮಸ್ಯೆಗೂ ಜೈ!

ವಿಧಾನ

* ನೆನೆಸಿಟ್ಟ ಮೆಂತೆಯನ್ನು ನುಣ್ಣಗೆ ಅರೆಯಿರಿ

* ಒಂದು ಚಿಕ್ಕ ಪಾತ್ರೆಯಲ್ಲಿ ಮೊಸರು, ಆಲಿವ್ ಎಣ್ಣೆ, ಸಾಸಿವೆ ಎಣ್ಣೆಯನ್ನು ಸೇರಿಸಿ ಅರೆದ ಮೆಂತೆ ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ನೆನಪಿರಲಿ, ಈ ಪ್ರಮಾಣಗಳು ನಿಮ್ಮ ಕೂದಲ ಉದ್ದವನ್ನು ಅನುಸರಿಸಿರುವ ಕಾರಣ ಪ್ರಮಾಣವನ್ನು ಅಗತ್ಯಕ್ಕೆ ತಕ್ಕಂತೆ ಹೆಚ್ಚಿಸಿಕೊಳ್ಳಿ.

* ಈ ಲೇಪವನ್ನು ತಲೆಗೂದಲ ಬುಡದಿಂದ ತುದಿಯವರೆಗೂ ಬರುವಂತೆ ಹಚ್ಚಿ

* ಸುಮಾರು ಒಂದು ಗಂಟೆಯಷ್ಟು ಕಾಲ ಒಣಗಿಸಿದ ಬಳಿಕ ನಿಮ್ಮ ನಿತ್ಯದ ಸೌಮ್ಯ ಶಾಂಪೂ ಬಳಸಿ ತೊಳೆದುಕೊಳ್ಳಿ.

ಮೂರು ಎಣ್ಣೆಗಳ ವಿಧಾನ...

ಅಗತ್ಯವಿರುವ ಸಾಮಾಗ್ರಿಗಳು:

ಸಮಪ್ರಮಾಣದಲ್ಲಿ ಹರಳೆಣ್ಣೆ, ಸಾಸಿವೆ ಎಣ್ಣೆ ಮತ್ತು ಆಲಿವ್ ಎಣ್ಣೆಗಳನ್ನು ಬೆರೆಸಿ. ಈ ಪ್ರಮಾಣ ನಿಮ್ಮ ಕೂದಲ ಉದ್ದಕ್ಕನುಗುಣವಾಗಿರಲಿ.

ಬ್ಯೂಟಿ ಟಿಪ್ಸ್: ಸೌಂದರ್ಯದ ವಿಷಯದಲ್ಲಿ 'ಸಾಸಿವೆ ಎಣ್ಣೆ' ಎತ್ತಿದ ಕೈ!

ವಿಧಾನ

*ಈ ಮೂರೂ ಎಣ್ಣೆಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ ತಲೆಗೂದಲ ಬುಡದಿಂದ ತುದಿಯವರೆಗೆ ಹಚ್ಚಿ. ಬಳಿಕ ಟವೆಲ್ಲೊಂದನ್ನು ಉಗುರುಬೆಚ್ಚಗಾಗಿಸಿ ತಲೆಗೂದಲಿಗೆ ಸುತ್ತಿಕೊಳ್ಳಿ. ಇದು ಸಾಧ್ಯವಾಗದಿದ್ದರೆ ಷವರ್ ಕ್ಯಾಪ್ ಒಂದನ್ನು ಧರಿಸಿದರೂ ಸರಿ.

*ಸುಮಾರು ಒಂದು ಗಂಟೆ ಕಾಲ ಹಾಗೇ ಬಿಡಿ

*ಬಳಿಕ ಸೌಮ್ಯ ಶಾಂಪೂ ಬಳಸಿ ತೊಳೆದುಕೊಳ್ಳಿ.

ಬಾಳೆಯಣ್ಣು ಮತ್ತು ಸಾಸಿವೆ ಎಣ್ಣೆಯ ಮಿಶ್ರಣ

ಅಗತ್ಯವಿರುವ ಸಾಮಾಗ್ರಿಗಳು:

*ಒಂದು ಚೆನ್ನಾಗಿ ಕಳಿತ ಬಾಳೆಹಣ್ಣು

*ಕಾಲು ಕಪ್ ಮೊಸರು

*ಎರಡು ದೊಡ್ಡಚಮಚ ಸಾಸಿವೆ ಎಣ್ಣೆ

ವಿಧಾನ

* ಮೊದಲು ಮುಳ್ಳುಚಮಚ ಬಳಸಿ ಬಾಳೆಹಣ್ಣಿನ ತಿರುಳನ್ನು ಚೆನ್ನಾಗಿ ಕಿವುಚಿ

* ಇದನ್ನು ಮೊಸರಿನೊಂದಿಗೆ ಬೆರೆಸಿ ಬಳಿಕ ಸಾಸಿವೆ ಎಣ್ಣೆ ಹಾಕಿ ಗಂಟುಗಳಿಲ್ಲದಂತೆ ಕಲಸಿ

* ಈ ಲೇಪವನ್ನು ಕೂದಲ ಬುಡದಿಂದ ತುದಿಯವರೆಗೆ ಬರುವಂತೆ ಹಾಗೂ ತಲೆಯ ಚರ್ಮ ಆವರಿಸುವಂತೆ ದಪ್ಪನಾಗಿ ಹಚ್ಚಿ.

* ತಲೆಗೆ ಷವರ್ ಕ್ಯಾಪ್ ಒಂದನ್ನು ಧರಿಸಿ ಸುಮಾರು ಅರ್ಧದಿಂದ ಒಂದು ಗಂಟೆ ಕಾಲ ಒಣಗಲು ಬಿಡಿ.

* ಬಳಿಕ ಸೌಮ್ಯ ಶಾಂಪೂ ಹಾಗೂ ಕಂಡೀಶನರ್ ಬಳಸಿ ತೊಳೆದುಕೊಳ್ಳಿ

ಈ ವಿಧಾನಗಳನ್ನು ವಾರಕ್ಕೊಮ್ಮೆ ಬಳಸಿದರೂ ಸಾಕು.

ಸಾಸಿವೆ ಎಣ್ಣೆ: ಕೂದಲಿನ ಸಮಸ್ಯೆಗಳಿಗೆ ಹೇಳಿ ಮಾಡಿಸಿದ ಮನೆಮದ್ದು