ಮೊದಲು ಈ ಲೇಖನ ಓದಿ-ಆಮೇಲೆ ಕೂದಲಿಗೆ ಬಣ್ಣ ಹಚ್ಚಿ!

ಶಾಂಪೂ

ಸಲ್ಫೇಟ್ ಇಲ್ಲದೆ ಇರುವ ಬಣ್ಣ ಹಚ್ಚಿದ ಕೂದಲಿಗೆ ಮಾಡಿರುವಂಹತ ಶಾಂಪೂವನ್ನು ಆಯ್ಕೆ ಮಾಡಿಕೊಳ್ಳಿ. ಅತಿಯಾಗಿ ಶಾಂಪೂ ಹಾಕಿಕೊಳ್ಳಬೇಡಿ. ಇದರಿಂದ ಬಣ್ಣ ಮಾಸಬಹುದು ಅಥವಾ ಕೂದಲಿನ ನೈಸರ್ಗಿಕ ಎಣ್ಣೆಯನ್ನು ಶಾಂಪೂ ಹೀರಿಕೊಳ್ಳಬಹುದು. ದಿನನಿತ್ಯ ಶಾಂಪೂ ಬಳಕೆಯ ಹಿಂದಿರುವ ಕರಾಳ ಸತ್ಯ!

ಕಂಡೀಷನರ್

ಬಣ್ಣ ಹಾಕಿದ ಕೂದಲಿಗೆ ತಯಾರಿಸಿರುವಂತಹ ವಿಶೇಷವಾದ ಕಂಡೀಷನರ್ ಅನ್ನು ಬಳಸಿಕೊಳ್ಳಿ. ಇದರಲ್ಲಿ ಇತರ ಕಂಡೀಷನರ್ ಗಿಂತ ಹೆಚ್ಚಿನ ಪೋಷಕಾಂಶವಿರುತ್ತದೆ. ಬಣ್ಣ ಹಚ್ಚಿನ ಕೂದಲಿಗೆ ಇದು ತುಂಬಾ ಒಳ್ಳೆಯದು.

ನೈಸರ್ಗಿಕ ಕಂಡೀಷನರ್

ರಾಸಾಯನಿಕ ಕಂಡೀಷನರ್ ಗಿಂತಹ ನೈಸರ್ಗಿಕವಾಗಿ ಸಿಗುವ ಕಂಡೀಷನರ್ ಬಳಸಿದರೆ ತುಂಬಾ ಒಳ್ಳೆಯದು. ಮಯೋನಿಸ್, ಮೊಸರು, ಅಲೋವೆರಾ ಮತ್ತು ತೆಂಗಿನ ಎಣ್ಣೆ ಅಥವಾ ಆಲೀವ್ ತೈಲವನ್ನು ಬಳಸಬಹುದು.

ತೈಲದ ಚಿಕಿತ್ಸೆ

ವಾರದಲ್ಲಿ ಒಂದು ದಿನವಾದರೂ ಕೂದಲಿಗೆ ಎಣ್ಣೆಯಿಂದ ಮಸಾಜ್ ಮಾಡಿಕೊಳ್ಳಿ. ಇದರಿಂದ ಕೂದಲಿನಲ್ಲಿ ತೇವಾಂಶವು ಉಳಿದುಕೊಳ್ಳುವುದು. ಎಣ್ಣೆಯಿಂದ ಮಸಾಜ್ ಮಾಡಿಕೊಳ್ಳುವುದರಿಂದ ರಕ್ತಸಂಚಲನ ಉತ್ತಮವಾಗಿ ಕೂದಲಿನ ಬೆಳವಣಿಗೆಗೆ ನೆರವಾಗುವುದು.

ನೀರಿನ ತಾಪಮಾನ

ಕೂದಲಿಗೆ ಬಣ್ಣ ಹಾಕಿದಾಗ ಬಿಸಿ ನೀರನ್ನು ಸ್ನಾನಕ್ಕೆ ಬಳಸಬೇಡಿ. ಬಿಸಿ ನೀರನ್ನು ಬಳಸಿದರೆ ಅದು ಕೂದಲಿಗೆ ಹಾಕಿದ ಬಣ್ಣವು ಮಾಸುವಂತೆ ಮಾಡುತ್ತದೆ. ಕೂದಲನ್ನು ತೊಳೆಯಲು ಉಗುರು ಬೆಚ್ಚಗಿನ ನೀರು ಅಥವಾ ತಣ್ಣಗಿನ ನೀರು ಬಳಸಿ.