ಪುರುಷರ ಬೊಕ್ಕತಲೆಯಲ್ಲಿ ಕೂದಲು ಚಿಗುರಿಸುವ ಮನೆ ಔಷಧಿ

ಮೆಂತೆ ಮತ್ತು ಕೊಬ್ಬರಿ ಎಣ್ಣೆ

*ಕೊಂಚ ಕೊಬ್ಬರಿ ಎಣ್ಣೆಯಲ್ಲಿ ಕೆಲವು ಮೆಂತೆ ಕಾಳುಗಳನ್ನು ಹಾಕಿ ಚಿಕ್ಕ ಉರಿಯಲ್ಲಿ ಕೆಲವು ನಿಮಿಷಗಳವರೆಗೆ ಹುರಿಯಿರಿ

* ಈ ಎಣ್ಣೆ ತಣಿದ ಬಳಿಕ ಮೆಂತೆಕಾಳುಗಳನ್ನು ಸೋಸಿ ಎಣ್ಣೆಯನ್ನು ಕೊಂಚವೇ ಪ್ರಮಾಣದಲ್ಲಿ ತಲೆಗೆ ಹಚ್ಚಿಕೊಳ್ಳಿ

ಮೆಂತೆ ಮತ್ತು ಕೊಬ್ಬರಿ ಎಣ್ಣೆ

* ನಯವಾದ ಒತ್ತಡದಲ್ಲಿ ಇಡಿಯ ತಲೆಗೆ, ಕೂದಲ ಬುಡಕ್ಕೆ ತಾಕುವಂತೆ ಮಸಾಜ್ ಮಾಡಿ. ರಾತ್ರಿ ಹಚ್ಚಿ ಬೆಳಿಗ್ಗೆ ಸ್ನಾನ ಮಾಡಿದರೆ ಉತ್ತಮ.

* ವಾರಕ್ಕೆ ಈ ಎಣ್ಣೆಯನ್ನು ಮೂರರಿಂದ ನಾಲ್ಕು ಬಾರಿ ಹಚ್ಚಿದರೆ ಕೂದಲು ಉದುರುವ ಪ್ರಮಾಣ ಕಡಿಮೆಯಾಗುತ್ತದೆ ಹಾಗೂ ಬೊಕ್ಕತನ ತಡವಾಗುತ್ತದೆ.

ಮದರಂಗಿ ಎಲೆಗಳು

ಸಾವಿರಾರು ವರ್ಷಗಳಿಂದ ಮದರಂಗಿ ಎಲೆಗಳನ್ನು ಭಾರತ, ಅರೇಬಿಯಾ ದೇಶಗಳಲ್ಲಿ ಕೂದಲ ಪೋಷಣೆ ಮತ್ತು ಕೂದಲಿಗೆ ಬಣ್ಣ ನೀಡಲು ಬಳಲ್ಪಡುತ್ತಾ ಬರಲಾಗಿದೆ. ಕೂದಲ ರಕ್ಷಣೆಗೆ ಮದರಂಗಿಯನ್ನು ಬಳಸಲು ಹೀಗೆ ಮಾಡಿ:

* ಕೊಂಚ ಸಾಸಿವೆ ಎಣ್ಣೆಯಲ್ಲಿ ಎಣ್ಣೆ ಮುಳುಗುವಷ್ಟು ಮದರಂಗಿ ಎಳೆಗಳನ್ನು ಹಾಕಿ ಎಣ್ಣೆಯನ್ನು ಕುದಿಸಿ.

* ಎಲೆಗಳು ಕೊಂಚ ಸುಡುತ್ತಾ ಬರುತ್ತಿದ್ದಂತೆಯೇ ಉರಿಯನ್ನು ಆರಿಸಿ ತಣಿಯಲು ಬಿಡಿ.

* ಬಳಿಕ ಈ ಎಣ್ಣೆಯನ್ನು ಸೋಸಿ ನಿಮ್ಮ ನಿತ್ಯದ ತಲೆಗೆ ಹಾಕುವ ಎಣ್ಣೆಯೊಂದಿಗೆ ಸಮಪ್ರಮಾಣದಲ್ಲಿ ಮಿಶ್ರಣ ಮಾಡಿ. ಕೊಬ್ಬರಿ ಎಣ್ಣೆಯೇ ಇದಕ್ಕೆ ಉತ್ತಮ ಜೋಡಿ.

* ಈ ಎಣ್ಣೆಯನ್ನು ರಾತ್ರಿ ತಲೆಗೆ ಹೆಚ್ಚಿ ಮಲಗಿ ಬೆಳಿಗ್ಗೆ ಸ್ನಾನ ಮಾಡಿ. ವಾರಕ್ಕೆ ಎರಡು ಅಥವಾ ಮೂರು ಬಾರಿ ಈ ವಿಧಾನವನ್ನು ಅನುಸರಿಸಿದರೆ ಕೂದಲು ಉದುರುವುದು ಕಡಿಮೆಯಾಗುತ್ತದೆ ಹಾಗೂ ಹೊಸಕೂದಲು ಬರಲು ನೆರವಾಗುತ್ತದೆ.

ಮೊಸರು ಮತ್ತು ಕಡಲೆಹಿಟ್ಟಿನ ಲೇಪ

* ಎರಡರಿಂದ ಮೂರು ದೊಡ್ಡಚಮಚ ಹುಳಿಮೊಸರು ಮತ್ತು ಎರಡು ದೊಡ್ಡಚಮಚ ಕಡೆಹಿಟ್ಟು ಬೆರೆಸಿ ಅತಿ ದಪ್ಪನೆಯೂ ಅಲ್ಲದ, ಅತಿ ತೆಳುವೂ ಅಲ್ಲದ ಲೇಪನ ತಯಾರಿಸಿ.

* ಈ ಲೇಪನವನ್ನು ತಲೆಗೆ ಹಚ್ಚಿ ಒಂದು ಘಂಟೆ ಕಾಲ ಒಣಗಲು ಬಿಡಿ. ಬಳಿಕ ತಣ್ಣೀರು ಅಥವಾ ಉಗುರುಬೆಚ್ಚನೆಯ ನೀರಿನಿಂದ ಸ್ನಾನ ಮಾಡಿ.

* ಈ ವಿಧಾನವನ್ನು ವಾರಕ್ಕೆ ಮೂರು ಬಾರಿ ಅನುಸರಿಸಿದರೆ ಕೂದಲು ಉದುರುವುದು ಕಡಿಮೆಯಾಗುತ್ತದೆ ಹಾಗೂ ಬಕ್ಕತಲೆಯಲ್ಲಿ ಕೂದಲು ಹುಟ್ಟುವ ಸಾಧ್ಯತೆ ಹೆಚ್ಚುತ್ತದೆ.

ಈರುಳ್ಳಿ

ಒಂದು ವೇಳೆ ತಲೆಯ ಒಂದು ಭಾಗದಲ್ಲಿ ಮಾತ್ರ ಕೂದಲು ಹೋಗಿದ್ದು ಉಳಿದ ಕಡೆ ಗಾಢವಾಗಿದ್ದರೆ (patchy baldness) ಇದಕ್ಕೆ ನೀರುಳ್ಳಿ ಉತ್ತಮ ಪರಿಹಾರ ಒದಗಿಸಬಲ್ಲುದು

* ಬಿಳಿ ಅಥವಾ ಕೆಂಪಗಿರುವ ದೊಡ್ಡ ಗಾತ್ರದ ಈರುಳ್ಳಿಯ ಸಿಪ್ಪೆ ಸುಲಿದು ಅಡ್ಡಲಾಗಿ ಎರಡು ಭಾಗಗಳಾಗಿ ಕತ್ತರಿಸಿ. ಈ ಭಾಗದಿಂದ ಒಸರುತ್ತಿರುವ ರಸವನ್ನು ಕೂದಲು ಹೋಗಿರುವ ಭಾಗದ ಮೇಲೆ ದಿನಕ್ಕೆರಡು ಬಾರಿ ಅಂದರೆ ಬೆಳಿಗ್ಗೆ ಮತ್ತು ಸಂಜೆ ನಯವಾಗಿ ಉಜ್ಜಿ.

ಈರುಳ್ಳಿ

* ಈ ಭಾಗದ ಚರ್ಮ ಕೊಂಚ ಕೆಂಪಗಾಗುವವರೆಗೂ ಉಜ್ಜಿ. ನೀರುಳ್ಳಿಯ ರಸ ಖಾಲಿಯಾದಂತೆ ಅನ್ನಿಸಿದರೆ ಕೊಂಚ ಭಾಗ ಕತ್ತರಿಸಿ ಹೊಸ ಪಾರ್ಶ್ವದಿಂದ ಉಜ್ಜಿ.

* ಬಳಿಕ ಈ ಭಾಗಕ್ಕೆ ಕೊಂಚವೇ ಜೇನುತುಪ್ಪ ಹಚ್ಚಿ ಕೊಂಚ ಕಾಲ ಬಿಟ್ಟು ತೊಳೆದುಕೊಳ್ಳಿ. ಪ್ರತಿದಿನ ಈ ವಿಧಾನ ಅನುಸರಿಸಿದರೆ ಕೆಲವೇ ದಿನಗಳಲ್ಲಿ ಹೊಸ ಕೂದಲು ಹುಟ್ಟುತ್ತದೆ.

ನೆಲ್ಲಿಕಾಯಿ

* ನೆಲ್ಲಿಕಾಯಿಯನ್ನು ಚೆನ್ನಾಗಿ ಒಣಗಿಸಿ ಈ ತುಂಡುಗಳನ್ನು ಮುಳುಗುವಷ್ಟು ಕೊಬ್ಬರಿ ಎಣ್ಣೆಯಲ್ಲಿ ಚೆನ್ನಾಗಿ ಕುದಿಸಿ.

* ಕುದಿಯಲು ಪ್ರಾರಂಭವಾದ ಬಳಿಕ ಒಂದೆರಡು ನಿಮಿಷ ಬಿಟ್ಟು ಉರಿ ಆರಿಸಿ ತಣಿಯಲು ಬಿಡಿ.

* ಬಳಿಕ ಈ ಎಣ್ಣೆಯನ್ನು ಸೋಸಿ ಒಂದು ಭದ್ರವಾದ ಗಾಜಿನ ಬಾಟಲಿಯಲ್ಲಿ ಗಾಳಿಯಾಡದಂತೆ ಮುಚ್ಚಳ ಮುಚ್ಚಿ ಸಂಗ್ರಹಿಸಿ.

* ಈ ಎಣ್ಣೆಯನ್ನು ನಿಮ್ಮ ತಲೆಗೆ ನಿತ್ಯವೂ ಹಚ್ಚಿ ಸುಮಾರು ಹದಿನೈದು ನಿಮಿಷ ಬಿಟ್ಟು ಸ್ನಾನ ಮಾಡಿ.

* ಇದರಿಂದ ಕೂದಲು ಉದುರುವ ಸಾಧ್ಯತೆ ಕಡಿಮೆಯಾಗುತ್ತದೆ ಹಾಗೂ ಹೊಸ ಕೂದಲು ಹುಟ್ಟಲೂ ನೆರವಾಗುತ್ತದೆ.