ತಲೆಹೊಟ್ಟು ಸಮಸ್ಯೆಯ ನಿವಾರಣೆಗೆ ಪ್ರಯತ್ನಿಸಿ 'ಶುಂಠಿ ಮಾಸ್ಕ್'

ಹಂತ 1

ಶುಂಠಿಯ ದೊಡ್ಡ ತುಂಡನ್ನು ತೆಗೆದುಕೊಂಡು ಅದರ ಸಿಪ್ಪೆ ಸುಲಿದು ತುರಿಯಿರಿ. ನಂತರ ಇದನ್ನು ನುಣ್ಣನೆಯ ಪೇಸ್ಟ್ ಮಾಡಿ. ಈ ಪೇಸ್ಟ್ ಅನ್ನು ಮಸ್ಲಿನ್ ಬಟ್ಟೆಗೆ ಸೇರಿಸಿಕೊಂಡು ಅದನ್ನು ಬಿಗಿಯಾಗಿ ಕಟ್ಟಿ ಮತ್ತು ರಸವನ್ನು ಹಿಂಡಿಕೊಳ್ಳಿ. ಹೇರ್ ಮಾಸ್ಕ್‌ಗಾಗಿ ಕನಿಷ್ಟ ಪಕ್ಷ 2 ಚಮಚದಷ್ಟು ರಸವನ್ನು ನೀವು ಪಡೆದುಕೊಂಡಿದ್ದೀರಿ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ.

ಹಂತ 2

ಅರ್ಧ ಕಪ್‌ನಷ್ಟು ತೆಂಗಿನೆಣ್ಣೆಯನ್ನು 30 ಸೆಕೆಂಡ್‌ಗಳ ಕಾಲ ಬೆಚ್ಚಗೆ ಮಾಡಿ. ನಂತರ ಗ್ಯಾಸ್ ಆಫ್ ಮಾಡಿ ಎಣ್ಣೆ ತಣಿಯಲು ಬಿಡಿ. ತೆಂಗಿನೆಣ್ಣೆಯಲ್ಲಿ ಲಾರಿಕ್ ಆಸಿಡ್ ಇದ್ದು ಕೂದಲಿನ ಬೆಳವಣಿಗೆಗೆ ಬೇಕಾದ ರಕ್ತ ಸಂಚಾರವನ್ನು ಒದಗಿಸುವಲ್ಲಿ ನೆರವಾಗಲಿದೆ. ಶುಂಠಿ ರಸವನ್ನು ತೆಂಗಿನೆಣ್ಣೆಗೆ ಮಿಶ್ರ ಮಾಡಿ ನಂತರ ಫೋರ್ಕ್ ಬಳಸಿಕೊಂಡು, ಎರಡನ್ನೂ ಮಿಶ್ರ ಮಾಡಿ.

ಹಂತ 3

ಈ ಮಿಶ್ರಣಕ್ಕೆ ರೋಸ್‌ಮೇರಿ ಆಯಿಲ್ ಸೇರಿಸಿ. ರೋಸ್‌ಮೇರಿ ಎಣ್ಣೆಯಲ್ಲಿ ಉತ್ಕರ್ಷಣ ನಿರೋಧಿ ಅಂಶಗಳಿದ್ದು ಇದು ತಲೆಬುರುಡೆಯ ಆಳಕ್ಕೆ ಇಳಿಯಲಿದೆ. ಇದು ಉತ್ತಮ ಪೋಷಕಾಂಶಗಳನ್ನು ಹೀರಿಕೊಳ್ಳುವಂತೆ ಮಾಡುತ್ತದೆ ಮತ್ತು ನೆರೆಗೂದಲನ್ನು ತಡೆಯುತ್ತದೆ.

ಹಂತ 4

ಚಮಚದಷ್ಟು ಲಿಂಬೆ ರಸವನ್ನು ಸೇರಿಸಿ ಮತ್ತು ಎಲ್ಲವನ್ನೂ ಚೆನ್ನಾಗಿ ಮಿಶ್ರ ಮಾಡಿ. ಲಿಂಬೆ ರಸದಲ್ಲಿ ಸಿಟ್ರಿಕ್ ಆಸಿಡ್ ಇದ್ದು ತಲೆಬುರುಡೆಯನ್ನು ಇದು ಸ್ವಚ್ಛಗೊಳಿಸಲಿದೆ, ಕೂದಲಿಗೆ ಹೊಳಪನ್ನು ಉಂಟುಮಾಡಿ ಜಿಡ್ಡುಮುಕ್ತಗೊಳಿಸಲಿದೆ.

ಹಂತ 5

ಅಗಲ ಹಲ್ಲಿನ ಬಾಚಣಿಗೆಯನ್ನು ಬಳಸಿಕೊಂಡು, ನಿಮ್ಮ ಕೂದಲಿನಿಂದ ಸಿಕ್ಕನ್ನು ಬಿಡಿಸಿಕೊಳ್ಳಿ. ನಿಮ್ಮ ಕೂದಲು ಹೆಚ್ಚು ಒಣಗಿದೆ ಎಂದಾದಲ್ಲಿ, ನಿಮಗಿಷ್ಟದ ಎಣ್ಣೆಯನ್ನು ತೆಗೆದುಕೊಂಡು ಕೂದಲಿಗೆ ಹಚ್ಚಿಕೊಳ್ಳಿ ನಂತರ ಬಾಚಣಿಗೆಯನ್ನು ಕೂದಲಿನಲ್ಲಿ ಓಡಾಡಿಸಿ. ಕೂದಲು ತುಂಡಾಗದೆಯೇ ಸಿಕ್ಕನ್ನು ಈ ರೀತಿಯಾಗಿ ಬಿಡಿಸಿಕೊಳ್ಳಬಹುದಾಗಿದೆ.

ಹಂತ 6

ಕೂದಲನ್ನು ಸಣ್ಣ ವಿಭಾಗಗಳನ್ನಾಗಿ ಮಾಡಿಕೊಳ್ಳಿ. ಮಾಸ್ಕ್ ಹಚ್ಚಿಕೊಳ್ಳಿ, ಕೂದಲನ್ನು ಮುಂಭಾಗಕ್ಕೆ ತಂದುಕೊಂಡು ಬುಡದಿಂದ ತುದಿಯವರೆಗೆ ಮಾಸ್ಕ್ ಹಚ್ಚಿರಿ.

ಹಂತ 7

ಮಾಸ್ಕ್‌ನಿಂದ ಬಳಸಿಕೊಂಡು ತಲೆಬುರುಡೆಗೆ ಚೆನ್ನಾಗಿ ಮಸಾಜ್ ಮಾಡಿಕೊಳ್ಳಿ. ಇದರಿಂದ ಮಾಸ್ಕ್‌ನಲ್ಲಿರುವ ಉತ್ತಮ ಪೋಷಕಾಂಶಗಳು ಕೂದಲಿನ ಬುಡವನ್ನು ತಲುಪುತ್ತದೆ. ಇದನ್ನು ಹಚ್ಚುವಾಗ ಸಣ್ಣ ಮಟ್ಟಿಗಿನ ಉರಿತ ಕೂದಲಿನಲ್ಲಿ ಉಂಟಾಗುತ್ತದೆ. ಹೆಚ್ಚು ಕಿರಿಕಿರಿ ಉಂಟಾಗುತ್ತಿದೆ ಎಂದಾದಲ್ಲಿ ಇನ್ನಷ್ಟು ತೆಂಗಿನೆಣ್ಣೆಯನ್ನು ಸೇರಿಸಿ.

ಹಂತ 8

ರಾತ್ರಿ ಪೂರ್ತಿ ಹೇರ್ ಮಾಸ್ಕ್‌ನಲ್ಲಿರುವ ಉತ್ತಮ ಅಂಶಗಳನ್ನು ತಲೆಬುರುಡೆ ಹೀರಿಕೊಳ್ಳಲು ಬಿಡಿ. ಮರುದಿನ ಬೆಳಗ್ಗೆ ಶಾಂಪೂ ಬಳಸಿ, ಕಂಡೀಷನ್ ಹಚ್ಚಿ ಕೂದಲನ್ನು ತೊಳೆದುಕೊಳ್ಳಿ.

ಹಂತ 9

ಶಾಂಪೂ ಮಾಡಿದ ನಂತರ, ಕೂದಲಿನಿಂದ ಹೆಚ್ಚುವರಿ ನೀರನ್ನು ಹೊರತೆಗೆಯಿರಿ. ಹಳೆಯ ಟಿ ಶರ್ಟ್‌ನಿಂದ ಕೂದಲನ್ನು ಒರೆಸಿಕೊಳ್ಳಿ. ಟಿ ಶರ್ಟ್‌ನಲ್ಲಿರುವ ಮೈಕ್ರೊಫೈಬರ್ಸ್‌ಗಳು ಕೂದಲು ಒಣ ಆಗುವಲ್ಲಿಂದ ತಡೆಯುತ್ತದೆ. ಇದು ತುಂಡಾಗುವುದನ್ನು ತಡೆಯುತ್ತದೆ.

ಹಂತ 10

ಬ್ಲೊ ಡ್ರೈಯರ್‌ನಿಂದ ಕೂದಲನ್ನು ಒಣಗಿಸಿಕೊಳ್ಳುವಾಗ, ಸೆಟ್ಟಿಂಗ್ ಅನ್ನು ಕಡಿಮೆ ತಾಪಮಾನದಲ್ಲಿ ಇರಿಸಿ. ಆರು ಇಂಚು ದೂರಕ್ಕೆ ಡ್ರೈಯರ್‌ ಅನ್ನು ಕೂದಲಿನಿಂದ ಇರಿಸಿಕೊಳ್ಳಿ. ಬುಡದಿಂದ ತುದಿಯವರೆಗೆ ವೇಗವಾಗಿ ಚಲಾಯಿಸಿ. ಹೆಚ್ಚು ಸಮಯ ಕೂದಲಿನಲ್ಲಿ ಇರಿಸಿಕೊಳ್ಳದಿರಿ.

ಪ್ರತಿಕ್ರಿಯೆ

ಕೂದಲಿನ ಉತ್ತಮ ಬೆಳವಣಿಗೆಯನ್ನು ಶುಂಠಿ ಮಾಸ್ಕ್ ಮಾಡಲಿದ್ದು ತಲೆಹೊಟ್ಟಿಗೂ ಇದು ವಿದಾಯವನ್ನು ಹೇಳಿಲಿದೆ. ವಾರಕ್ಕೊಮ್ಮೆ ನಿಯಮಿತವಾಗಿ ಈ ಮಾಸ್ಕ್ ಅನ್ನು ಹಚ್ಚಿಕೊಳ್ಳಿ.