ಉದ್ದವಾಗಿ ಬೆಳೆಯಬೇಕಾಗಿದ್ದ ಉಗುರು ಅರ್ಧದಲ್ಲೇ ತುಂಡಾಗುವುದನ್ನು ತಡೆಯುವ ಮನೆಮದ್ದುಗಳಿವು

ತೆಂಗಿನ ಎಣ್ಣೆ:

ತೆಂಗಿನ ಎಣ್ಣೆ ಉಗುರನ್ನು ಗಟ್ಟಿಯಾಗಿಡಲು ಸಹಾಯ ಮಾಡುವ ಗುಣವನ್ನು ಹೊಂದಿದೆ. ಅದಕ್ಕಾಗಿ ನೀವು 4-5 ಚಮಚ ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿ. ಆ ಎಣ್ಣೆ ತಣ್ಣಗಾದ ನಂತರ ನಿಮ್ಮ ಉಗುರುಗಳನ್ನು ಈ ಎಣ್ಣೆಯಲ್ಲಿ ಐದು ನಿಮಿಷಗಳ ಕಾಲ ಅದ್ದಿ, ನಿಧಾನವಾಗಿ ಉಗುರಗಳನ್ನು ಮಸಾಜ್ ಮಾಡಿ. ಇದನ್ನು ಕನಿಷ್ಠ ಐದು ದಿನಗಳವರೆಗೆ ಮುಂದುವರೆಸಿ. ತೆಂಗಿನ ಎಣ್ಣೆ ಉಗುರುಗಳನ್ನು ಉದ್ದವಾಗಿ ಮತ್ತು ಬಲವಾಗಿ ಬೆಳೆಯುವಂತೆ ಮಾಡುವುದು.

ಆಪಲ್ ಸೈಡರ್ ವಿನೆಗರ್:

ಸೌಂದರ್ಯ ಸ್ನೇಹಿಯಾಗಿರುವ ಆಪಲ್ ಸೈಡರ್ ವಿನೆಗರ್ ಸದೃಢವಾದ ಉಗುರುಗಳನ್ನು ಪಡೆಯಲು ಸಹ ಸಹಾಯ ಮಾಡುವುದು. ಇದಕ್ಕಾಗಿ ಎರಡು ಚಮಚ ಆಪಲ್ ಸೈಡರ್ ವಿನೆಗರ್ ಗೆ ಒಂದು ಚಮಚ ತುರಿದ ಬೆಳ್ಳುಳ್ಳಿಯನ್ನು ಹಾಕಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ನಿಮ್ಮ ಉಗುರುಗಳಿಗೆ ಹಚ್ಚಿ ಮತ್ತು 10 ನಿಮಿಷಗಳ ಕಾಲ ಬಿಡಿ. ನಂತರ ನೀರಿನಿಂದ ತೊಳೆಯಿರಿ. ಇದನ್ನು ಮಾಡುವುದರಿಂದ, ಉಗುರುಗಳ ಬೆಳವಣಿಗೆ ಮತ್ತು ಶಕ್ತಿ ಹೆಚ್ಚಾಗುತ್ತದೆ.

ಕಿತ್ತಳೆ ಮತ್ತು ಮೊಟ್ಟೆ:

ಮೊಟ್ಟೆಯಲ್ಲಿ ಉಗುರು ಬೆಳೆಯಲು ಅಗತ್ಯವಾದ ಪ್ರೋಟೀನ್ ಸಮೃದ್ಧವಾಗಿದ್ದು, ಜೊತೆಗೆ ಕಿತ್ತಳೆಯು ಉಗುರನ್ನು ಬಲವಾಗುವಂತೆ ಮಾಡುವುದು. ಇದಕ್ಕಾಗಿ 2 ಟೀಸ್ಪೂನ್ ಕಿತ್ತಳೆ ರಸಕ್ಕೆ ಒಂದು ಮೊಟ್ಟೆಯ ಬಿಳಿ ದ್ರಾವಣ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ನಿಮ್ಮ ಉಗುರುಗಳ ಮೇಲೆ 10 ನಿಮಿಷಗಳ ಕಾಲ ಬಿಡಿ. ನಂತರ ಶುದ್ಧ ನೀರಿನಿಂದ ತೊಳೆಯಿರಿ. ಇದನ್ನು ಮಾಡುವುದರಿಂದ, ಉಗುರುಗಳ ಹೊಳಪು ಹೆಚ್ಚಾಗುವುದಲ್ಲದೇ, ಉಗುರುಗಳು ಬಲವಾದಿ ಬೆಳೆಯಲು ಸಹಾಯವಾಗುವುದು.

ಬೆಳ್ಳುಳ್ಳಿ:

ಬೆಳ್ಳುಳ್ಳಿಯು ಸಹ ಉಗುರನ್ನು ಬಲವಾಗಿಡಲು ಸಹಾಯ ಮಾಡುವುದು. ಇದಕ್ಕಾಗಿ 2-3 ಬೆಳ್ಳುಳ್ಳಿಯ ಸಿಪ್ಪೆತೆಗೆದು ಮತ್ತು ಪುಡಿಮಾಡಿ. ಈ ಪುಡಿಯನ್ನು ಸುಮಾರು ಐದು ನಿಮಿಷಗಳ ಕಾಲ ಮೆಲ್ಲನೆ ಉಗುರುಗಳ ಮೇಲೆ ಉಜ್ಜಿಕೊಳ್ಳಿ. ಇದನ್ನು ಕೆಲವು ದಿನಗಳವರೆಗೆ ನಿರಂತರವಾಗಿ ಮಾಡಿ. ಇದರಿಂದ ಉಗುರು ಬೆಳವಣಿಗೆ, ಹೊಳಪು ಮತ್ತು ಶಕ್ತಿ ಹೆಚ್ಚಾಗುತ್ತದೆ.

ವಿಟಮಿನ್ -ಇ:

ಮಾಯಿಶ್ಚರೈಸ್ಗಳ ಕೊರತೆಯಿಂದಾಗಿ ಉಗುರುಗಳು ಅನಾರೋಗ್ಯಕ್ಕೆ ತುತ್ತಾಗುತ್ತವೆ. ವಿಟಮಿನ್ ಇ ಎಣ್ಣೆ ಬಳಸುವುದರಿಂದ ಉಗುರು ಆರೋಗ್ಯಯುತವಾಗಿ ಹಾಗೂ ಉದ್ದವಾಗಿ ಬೆಳೆಯುತ್ತದೆ. ಇದಕ್ಕಾಗಿ ವಿಟಮಿನ್ ಇ ಮಾತ್ರೆಯಿಂದ ಎಣ್ಣೆಯನ್ನು ತೆಗೆಯಿರಿ. ಆ ಎಣ್ಣೆಯನ್ನು ಉಗುರುಗಳ ಮೇಲೆ ಹಚ್ಚಿ, 2-3 ನಿಮಿಷಗಳ ಕಾಲ ಮಸಾಜ್ ಮಾಡಿ. ನಿತ್ಯವೂ ಮಲಗುವ ಮುನ್ನ ಈ ವಿಧಾನವನ್ನು ಅನುಸರಿಸಿದರೆ ಉತ್ತಮ ಫಲಿತಾಂಶವನ್ನು ಪಡೆಯಬಹುದು.