ಪಾದಗಳನ್ನು ನೋಡಿದಾಕ್ಷಣ ಮುತ್ತಿಡುವಂತೆ ಇರಬೇಕು!!

ಪಾದಗಳ ಸ್ಕ್ರಬ್

ಪಾದಗಳು ಸತ್ತ ಚರ್ಮವನ್ನು ಶೇಖರಿಸಿಕೊಳ್ಳುವುದು ಹೆಚ್ಚು. ಇದರಿಂದಾಗಿ ಇದಕ್ಕೆ ಪಾದಗಳ ಸ್ಕ್ರಬ್ ಮಾಡಿಕೊಳ್ಳುವುದು ಒಳ್ಳೆಯದು. ಮಾರುಕಟ್ಟೆಯಲ್ಲಿ ಸಿಗುವಂತಹ ಸ್ಕ್ರಬ್ ಬಳಸಬಹುದು ಅಥವಾ ಮನೆಯಲ್ಲಿ ಕಂದು ಸಕ್ಕರೆ ಮತ್ತು ಆಲಿವ್ ಎಣ್ಣೆ ಬಳಸಿಕೊಂಡು ನೀವೇ ಸ್ಕ್ರಬ್ ತಯಾರಿಸಬಹುದು.

ಸನ್ ಸ್ಕ್ರೀನ್

ಬಿಸಿಲಿಗೆ ಹೊರಗಡೆ ಹೋಗುವಾಗ ಸನ್ ಸ್ಕ್ರೀನ್ ಬಳಸಿಕೊಳ್ಳುವುದನ್ನು ನಾವು ನೋಡಿದ್ದೇವೆ. ಆದರೆ ಹೆಚ್ಚಿನವರು ಪಾದಗಳಿಗೆ ಸನ್ ಸ್ಕ್ರೀನ್ ಬಳಸುವುದಿಲ್ಲ. ಉದಾಸೀನ ಮತ್ತು ಸನ್ ಸ್ಕ್ರೀನ್ ನ್ನು ಯಾಕೆ ಹಾಳು ಮಾಡಬೇಕೆಂಬ ಭಾವನೆ ಇದಕ್ಕೆ ಕಾರಣವಾಗಿದೆ. ಇನ್ನು ಮುಂದೆ ಬಿಸಿಲಿಗೆ ಹೊರಗಡೆ ಹೋಗುವಾಗ ಪಾದಗಳಿಗೆ ಸನ್ ಸ್ಕ್ರೀನ್ ಬಳಸಿ.

ಒಡೆದ ಪಾದಗಳಿಗೆ

ಚಳಿಗಾಲದಲ್ಲಿ ಹೆಚ್ಚಾಗಿ ಪಾದಗಳು ಒಡೆದುಹೋಗುತ್ತದೆ. ಇದಕ್ಕಾಗಿ ಪೆಟ್ರೋಲಿಯಂ ಜೆಲ್ ನ್ನು ಪಾದಗಳಿಗೆ ಹಚ್ಚಿಕೊಂಡು ಸಾಕ್ಸ್ ಹಾಕಿಕೊಂಡು ಮಲಗಬೇಕು. ಪಾದಗಳು ಹೆಚ್ಚು ಒಡೆದುಹೋಗಿದ್ದರೆ ಪೆಟ್ರೋಲಿಯಂ ಜೆಲ್ ಇದನ್ನು ಸರಿಪಡಿಸುತ್ತದೆ.ಒಡೆದ ಹಿಮ್ಮಡಿ ಸಮಸ್ಯೆಗೆ, ಫಟಾಫಟ್ ಟಿಪ್ಸ್-ಒಮ್ಮೆ ಪ್ರಯತ್ನಿಸಿ

ಹೊರಪೊರೆಯ ಆರೈಕೆ

ಪಾದಗಳ ಉಗುರುಗಳಲ್ಲಿ ಕಾಣಿಸಿಕೊಳ್ಳವಂತಹ ಹೊರಪೊರೆಯನ್ನು ನಾವು ಕಡೆಗಣಿಸಬಾರದು. ಇದಕ್ಕೆ ಕ್ರೀಮ್ ಅಥವಾ ಮುಲಾಂ ಹಚ್ಚಿಕೊಂಡು ರಾತ್ರಿ ಹಾಗೆ ಬಿಡಬೇಕು. ಬೆಳಿಗ್ಗೆ ಹೊರಪೊರೆಯು ನುಣುಪಾಗಿರುತ್ತದೆ.

ಉಗುರುಗಳನ್ನು ತೆಗೆಯುತ್ತೀರಿ

ಕೈ ಅಥವಾ ಕಾಲುಗಳು ಆಗಲಿ. ಉಗುರುಗಳನ್ನು ನಿಯಮಿತವಾಗಿ ತೆಗೆಯುತ್ತಾ ಇರಬೇಕು. ಉಗುರುಗಳನ್ನು ತೆಗೆಯದಿದ್ದರೆ ಪಾದಗಳಲ್ಲಿ ಸ್ವಚ್ಛತೆ ಇರುವುದಿಲ್ಲ. ಶೂ ಧರಿಸುವಾಗ ಇದು ಸಮಸ್ಯೆಯನ್ನು ಉಂಟು ಮಾಡುತ್ತದೆ.