ಅಂದದ ಪಾದ ಪಡೆಯಲು ಆರೇ ಸ್ಟೆಪ್

ಪೆಡಿಕ್ಯೂರ್ ಮಾಡಲು ಸ್ಪಾ ಅಥವಾ ಬ್ಯೂಟಿಪಾರ್ಲರ್ ಗೆ ಹೋದರೆ ಕೈಯಲ್ಲಿರುವ ಪರ್ಸ್ ಗೆ ಕತ್ತರಿ ಬೀಳುತ್ತದೆ. ದುಡ್ಡನ್ನು ಸ್ಪಾ ಅಥವಾ ಬ್ಯೂಟಿ ಪಾರ್ಲರ್ ಗಳಿಗೆ ಸುರಿಯುವ ಬದಲು ಮನೆಯಲ್ಲಿ ನೀವೇ ಪೆಡಿಕ್ಯೂರ್ ಮಾಡಬಹುದು.

ಪೆಡಿಕ್ಯೂರ್ ಮಾಡಲು ಕೆಲವೊಂದು ಸ್ಟೆಪ್ ಗಳಿವೆ. ಆ ಸ್ಟೆಪ್ ಗಳನ್ನು ತಿಳಿದುಕೊಂಡರೆ ಸಾಕು. ಇಲ್ಲಿ ನಾವು ಆಕರ್ಷಕ ಪಾದಗಳನ್ನು ಪಡೆಯಲು ಪೆಡಿಕ್ಯೂರ್ ಹೇಗೆ ಮಾಡಬೇಕೆಂಬ ಟಿಪ್ಸ್ ಈ ಕೆಳಗೆ ನೀಡಲಾಗಿದೆ.

ಸ್ಟೆಪ್ 1

ರಿಮೋವರ್ ಬಳಸಿ ಉಗುರಿನಲ್ಲಿರುವ ನೇಲ್ ಪಾಲಿಷ್ ತೆಗೆಯಿರಿ. ನೇಲ್ ಪಾಲೀಷ್ ಇಲ್ಲದಿದ್ದರೂ ಕಾಟನ್ ಗೆ ರಿಮೋವರ್ ಹಾಕಿ ಉಗುರನ್ನು ಶುಚಿ ಮಾಡಿ.

ಸ್ಟೆಪ್ 2
ಹದ ಬಿಸಿ ನೀರನ್ನು ಬೇಸನ್ ನಲ್ಲಿ ಹಾಕಿ ಅದಕ್ಕೆ ಎಪ್ಸೊಮ್ ಉಪ್ಪು ಮತ್ತು ಸುವಾಸನೆ ಇರುವ 2 ಚಮಚ ಎಣ್ಣೆಯನ್ನು ಆ ನೀರಿಗೆ ಹಾಕಿ ಅದರಲ್ಲಿ 10 ನಿಮಿಷ ನಿಮ್ಮ ಪಾದಗಳನ್ನು ಇಡಿ.

ಸ್ಟೆಪ್ 3
ಈಗ ಪಾದಗಳನ್ನು ಬೇಸನ್ ನಿಂದ ತೆಗೆದು ಟವಲ್ ನಿಂದ ಒರೆಸಿ, ನಂತರ ಪ್ಯೂಮಿಕ್ ಸ್ಟೋನ್ ನಿಂದ ತಿಕ್ಕಬೇಕು. ಈ ಕಲ್ಲಿನಿಂದ ಕಾಲಿನ ಮೇಲೆ ತಿಕ್ಕಬೇಡಿ. ಪಾದಗಳನ್ನಷ್ಟೇ ತಿಕ್ಕಿ.

ಸ್ಟೆಪ್ 4
ನಂತರ ಎಣ್ಣೆ, ಸಕ್ಕರೆ, ಉಪ್ಪನ್ನು ಸಮ ಪ್ರಮಾಣದಲ್ಲಿ ತೆಗೆದುಕೊಂಡು ಮಿಶ್ರಣ ಮಾಡಿ ಅದರಿಂದ ಕಾಲಿಗೆ ಮೇಲ್ಮುಖವಾಗಿ ತಿಕ್ಕಿ.

ಸ್ಟೆಪ್ 5
ಈಗ ಉಗುರನ್ನು ಕತ್ತರಿಸಿ. ಅದಕ್ಕೊಂದು ಚೆಂದದ ಶೇಪ್ ಕೊಡಿ. ಅದರಲ್ಲೂ ಚೌಕ ರೀತಿಯಲ್ಲಿ ಶೇಪ್ ಕೊಟ್ಟರೆ ತುಂಬಾ ಚೆನ್ನಾಗಿರುತ್ತದೆ. ನಂತರ ಕಾಲನ್ನು ತೊಳೆದು ಟವಲ್ ನಿಂದ ಒರೆಸಿ.

ಸ್ಟೆಪ್ 6
ಈಗ ಕಾಲಿಗೆ ಮಾಯಿಶ್ಚರೈಸರ್ ಹಚ್ಚಿ, ಇಷ್ಟು ಮಾಡಿದರೆ ಅಂದದ ಪಾದ ನಿಮ್ಮದಾಗುವುದು. ನಂತರ ಬೇಕಿದ್ದರೆ ಉಗುರಿಗೆ ನೇಲ್ ಪಾಲಿಷ್ ಹಚ್ಚಬಹುದು. ನೇಲ್ ಪಾಲಿಷ್ ಹಾಕದಿದ್ದರೂ ಪಾದಗಳು ಆಕರ್ಷಕವಾಗಿ ಕಾಣುತ್ತವೆ.