ತನ್ನನ್ನು ತಾನೇ ಮದುವೆಯಾಗುತ್ತಿರುವ ಗುಜರಾತಿನ ಹುಡುಗಿ: ಭಾರತದಲ್ಲಿ ಈ ರೀತಿಯ ಮದುವೆ ಇದೇ ಮೊದಲು

ಜೂನ್‌ 11ಕ್ಕೆ ನಡೆಯಲಿದೆ ಮದುವೆ

ಗುಜರಾತಿನ ಕ್ಷಮಾ ಬಿಂದು ಎಂಬ 24 ವರ್ಷದ ಯುವತಿಗೆ ವಿಪರೀತ ಸೆಲ್ಫ್‌ ಲವ್. ಅವಳು ಅವಳನ್ನು ಎಷ್ಟು ಪ್ರೀತಿಸುತ್ತಿದ್ದಾಳೆ ಎಂದರೆ ಅವಳಿಗೆ ಅವಳನ್ನು ಬಿಟ್ಟು ಬೇರೆ ಯಾರನ್ನೂ ಪ್ರೀತಿಸಲು ಸಾಧ್ಯವಿಲ್ಲ ಎನ್ನುವ ಮಟ್ಟಿಗಿದೆ. ಈ ಕಾರಣಕ್ಕೆ ಜೂನ್‌ 11ಕ್ಕೆ ಅವಳು ಅವಳನ್ನೇ ಮದುವೆಯಾಗಲಿದ್ದಾಳೆ. ಇದು ಭಾರತದಲ್ಲಿ ನಡೆಯುತ್ತಿರುವ ಮೊದಲ ಸೋಲೋಗಮಿ ಅಥವಾ ಸೋಲೋ ವೆಡ್ಡಿಂಗ್‌ ಆಗಿದೆ.

ಹಿಂದೂ ಸಂಪ್ರದಾಯದಂತೆ ನಡೆಯಲಿದೆ ಮದುವೆ

ಕ್ಷಮಾ ಅವಳಿಗೆ ಅವಳೇ ತಾಳಿ ಕಟ್ಟಿಕೊಳ್ಳುತ್ತಾಳೆ. ಜೊತೆಗೆ ಮದುವೆಯಲ್ಲಿ ಮಾಡುವ ಎಲ್ಲಾ ಶಾಸ್ತ್ರಗಳು ನೆರವೇರಲಿವೆ. ಗೋತ್ರಿ ದೇವಾಲಯದಲ್ಲಿ ಆಕೆಯ ಮದುವೆ ನಡೆಯಲಿದೆ.

ಮದುವೆ ಬಳಿಕ 2 ವಾರ ಹನಿಮೂನ್‌ ಪ್ಲ್ಯಾನ್ ಕೂಡ ಇದೆ

ಮದುವೆ ಬಳಿಕ ಸೋಲೋ ಹನಿಮೂನ್‌ ಹೋದವರು ಇದ್ದಾರೆ, ಆದರೆ ತನ್ನನ್ನು ತಾನೇ ಮದುವೆ ಮಾಡಿಕೊಂಡು ಸೋಲೋ ಹನಿಮೂನ್‌ ಮಾಡುತ್ತಿರುವುದು ಈಕೆ ಮಾತ್ರ.

"women matter" ಹೈಲೈಟ್‌ ಮಾಡುವ ಉದ್ದೇಶದಿಂದಾಗಿ ಈ ರೀತಿ ಮಾಡುತ್ತಿರುವುದಾಗಿ ಹೇಳಿದ್ದಾಳೆ.'

ಮದುವೆಯಾಗಬೇಕೆಂದು ಎಂದೂ ಬಯಸಿಯೇ ಇರಲಿಲ್ಲ

ಕ್ಷಮಾ ಮಾಧ್ಯಮದವರ ಜೊತೆ ಮಾತನಾಡುತ್ತಾ "ನಾನು ಮದುವೆಯಾಗಬೇಕೆಂದು ಬಯಸಿಯೇ ಇರಲಿಲ್ಲ, ಆದರೆ ಮದು ಮಗಳು ಆಗಲು ಬಯಸಿದೆ, ಆ ಕಾರಣಕ್ಕೆ ನನ್ನನ್ನೇ ನಾನು ಮದುವೆಯಾಗುತ್ತಿದ್ದೇನೆ. ಭಾರತದಲ್ಲಿ ಈ ರೀತಿಯ ಮದುವೆ ಈ ಹಿಂದೆ ಆಗಿದೆಯೇ ಎಂದು ಸರ್ಚ್ ಮಾಡಿದೆ, ಎಲ್ಲೂ ಆಗಿರಲಿಲ್ಲ, ನಾನೇ ಮೊದಲು ಆಗುತ್ತಿರುವುದು. ಸೆಲ್ಫ್‌ ಮ್ಯಾರೇಜ್‌ ಎಂಬುವುದು ಕಮಿಟಿಮೆಂಟ್‌, ಜೊತೆಗೆ ನನ್ನ ಮೇಲೆ ನನಗಿರುವ ಅಪಾರ ಪ್ರೀತಿ, ನನ್ನನ್ನು ನಾನು ಸ್ವೀಕರಿಸುವ ಮಾರ್ಗ ಕೂಡ, ನಾನು ನನ್ನನ್ನು ತುಂಬಾ ಪ್ರೀತಿಸುತ್ತೇನೆ, ಆ ಕಾರಣಕ್ಕೆ ಆಗುತ್ತಿದ್ದೇನೆ.

ನನ್ನ ಪೋಷಕರು ಓಪನ್‌ ಮೈಡೆಂಡ್, ಆ ಕಾರಣಕ್ಕೆ ಒಪ್ಪಿದರು" ಎಂದು ಹೇಳಿದ್ದಾರೆ.