ಯಾಕೆ ಎಲ್ಲರೂ ತಮ್ಮ ಸಂಬಂಧಗಳ ಬಗ್ಗೆ ಮರೆ ಮಾಚುತ್ತಾರೆ?

ಎಲ್ಲಾ ಸಮಯದಲ್ಲೂ ನೀವು ಸುಂದರವಾಗಿರುವುದಿಲ್ಲ

ಸಂಬಂಧಗಳ ಆರಂಭದಲ್ಲಿದ್ದಷ್ಟು ಶಾಂತತೆ, ಪ್ರೀತಿ ಮತ್ತು ಸುಂದರ ಭಾವ ಎಂದಿಗೂ ಒಂದೇ ರೀತಿಯಲ್ಲಿ ಇರುವುದಿಲ್ಲ. ವಾಸ್ತವವಾಗಿ ನಿಮ್ಮ ಪಾಲುದಾರರು ಮಾಡುವ ಕೆಲವು ವಿಷಯಗಳು ನಿಮಗೆ ಕಿರಿಕಿರಿಯನ್ನುಂಟುಮಾಡುತ್ತಿರುತ್ತದೆ. ಸಮಯದೊಂದಿಗೆ ನಿಮ್ಮ ಸಂಗಾತಿಯ ಭಾವನೆ ಹಾಗೂ ಗುಣಗಳು ಬದಲಾಗುತ್ತಿರುತ್ತದೆ. ಹಾಗಂತ ಇದು ನಿಮ್ಮ ಸಂಬಂಧಗಳ ಕುಸಿತದ ಗುಣಮಟ್ಟ ಎಂದರ್ಥವಲ್ಲ. ವಾಸ್ತವವಾಗಿ ನೀವು ಪ್ರೌಢಾವಸ್ಥೆಗೆ ಒಲವನ್ನು ತೋರುತ್ತೀರಿ.

ಪ್ರತಿ ಸ್ಪರ್ಶವೂ ರೋಮಾಂಚನಕಾರಿಯಾಗಿರುವುದಿಲ್ಲ

ಸಂಬಂಧ ಬೆಳೆಸುವ ಮುಂಚೆ ನಾವು ಕಾಲ್ಪನಿಕವಾಗಿ ಸೃಷ್ಟಿಸಿಕೊಳ್ಳುವ ಸನ್ನಿವೇಶಗಳ ಹಾಗೇ ಎಲ್ಲಾ ಸಮಯದಲ್ಲೂ ಸಂಗಾತಿಯ ಸ್ಪರ್ಶವು ರೋಮಾಂಚನಕಾರಿ ಅನುಭವವನ್ನು ನೀಡುವುದಿಲ್ಲ. ನಮ್ಮ ಜೀವನವು ಮಸಾಲೆಯುಕ್ತ ಜೀವನದಂತೆ ಊಹಿಸುವುದು ಸಹಜ. ಆದರೆ ಆ ಕಲ್ಪನೆಯಂತೆ ಜೀವನ ಇರುವುದಿಲ್ಲ. ಕೆಲವು ದಿನಗಳಕಾಲ ಅಂದರೆ ಆರಂಭದಲ್ಲಿ ಇದೇ ರೀತಿಯ ಅನುಭವವನ್ನು ಹೊಂದಬಹುದು. ದಿನಗಳು ಉರುಳಿದಂತೆ ಸಾನಿಧ್ಯದಲ್ಲಿ ಸ್ವಲ್ಪ ಅಂತರ ಸೃಷ್ಟಿಯಾಗಬಹುದು. ಆದರೆ ಪ್ರೀತಿ ವಾತ್ಸಲ್ಯಗಳು ಪರಸ್ಪರ ಹಾಗೇ ಉಳಿದಿರುತ್ತದೆ. ಹಾಗಾಗಿ ದೀರ್ಘಕಾಲದ ಸಂಬಂಧ ಉತ್ತಮವಾದದ್ದು ಎನ್ನುತ್ತಾರೆ.

ಸಂಗಾತಿಯ ಫ್ಲರ್ಟಿಂಗ್ ನೋಡಬಹುದು

ನಿಮ್ಮ ಸಂಗಾತಿಯು ಇತರರೊಂದಿಗೆ ಆಕರ್ಷಣೆಗೊಳಗಾಗುವುದು ಅಥವಾ ಹೆಚ್ಚು ಸಮಯ ಬೇರೆಯುವುದನ್ನು ನೀವು ನೋಡಬಹುದು. ಹಾಗಂತ ನಿಮ್ಮ ಸಂಗಾತಿ ನಿಮಗೆ ಮೋಸ ಮಾಡುತ್ತಾರೆ ಎಂದು ಚಿಂತಿಸಬೇಕಿಲ್ಲ. ದೀರ್ಘಾವಧಿಯ ಸಂಬಂಧದಲ್ಲಿ ದಂಪತಿಗಳು ಪರಸ್ಪರ ತಿಳುವಳಿಕೆಯನ್ನು ಹೊಂದಿರುತ್ತಾರೆ. ಚಿಕ್ಕ ಪುಟ್ಟ ವಿಚಾರಗಳು ಅವರಿಗೆ ಅಸುರಕ್ಷಿತ ಎನಿಸುವುದಿಲ್ಲ. ಅವರಿಗೆ ಯಾವುದು ಶಾಶ್ವತ ಹಾಗೂ ಯಾವುದು ತಾತ್ಕಾಲಿಕ ಎನ್ನುವ ಕಲ್ಪನೆಯಿರುತ್ತದೆ.

ಕ್ಷಮಿಸುವ ಕಲೆ ಬೇಕು

ಪರಸ್ಪರ ತಪ್ಪುಗಳನ್ನು ಮನ್ನಿಸುವಂತಹ ಕಲೆಯನ್ನು ಕಲಿಯುವ ತನಕ ಸಂಬಂಧಗಳು ವೃದ್ಧಿಯಾಗುವುದಿಲ್ಲ ಎನ್ನುವುದು ನಿಮಗೆ ಅರಿವಾಗುವುದು. ನೀವು ತುಂಬಾ ಸೂಕ್ಷ್ಮ ಹಾಗೂ ಕಠಿಣ ಸ್ವಭಾವದವರಾದರೆ ದೀರ್ಘಕಾಲಿನ ಸಂಬಂಧ ಬದುಕಲಾರದು. ನಿಮ್ಮ ಪಾಲುದಾರರ ಎಲ್ಲಾ ಚಿಕ್ಕ ಪುಟ್ಟ ಸಮಸ್ಯೆಗಳನ್ನು ಪರಿಗಣಿಸುತ್ತಿದ್ದರೆ ನೀವೇ ನಿಮ್ಮ ಸಂಬಂಧವನ್ನು ಕೈಯಾರೆ ಹಾಳು ಮಾಡಿಕೊಳ್ಳುತ್ತೀರಿ.

ಕೆಲವೊಮ್ಮೆ ನೀವು ದುರ್ಬಲರಾಗಬಹುದು

ನಿಮ್ಮ ಸಂಗಾತಿಯು ನಿಮ್ಮೊಂದಿಗೆ ಒರಟಾಗಿ ವರ್ತಿಸಿದರೆ ಅಥವಾ ಸಿಟ್ಟು ಮಾಡಿದರೆ ನಿಮಗೆ ಬೇಸರವಾಗುವುದು. ಕೆಲವು ವರ್ತನೆಗಳು ನಿಮಗೆ ಕಿರಿಕಿರಿಯನ್ನು ಉಂಟುಮಾಡಬಹುದು. ಅಂತಹ ವರ್ತನೆಗಳ ಬಗ್ಗೆ ಹೆಚ್ಚು ತಲೆ ಕೆಡಿಸಿಕೊಳ್ಳದೆ, ಹೊಂದಾಣಿಕೆಯ ಜೀವನ ನಡೆಸಲು ಹಾಗೂ ಮುಂದೆ ಸಾಗಲು ಅನುವುಮಾಡಿಕೊಡುತ್ತದೆ.

ನೀವು ಹೆಚ್ಚು ಒಳ್ಳೆಯವರಂತೆ ವರ್ತಿಸಬೇಕಿಲ್ಲ

ನಿಮ್ಮ ಸಂಗಾತಿಗೆ ನೀವು ಏನು ಎನ್ನುವುದು ಅರಿವಾಗಿರುತ್ತದೆ. ಹಾಗಾಗಿ ನಿತ್ಯವೂ ಒಳ್ಳೆಯವರಂತೆ ನಟಿಸುವ ಅಗತ್ಯವಿರುವುದಿಲ್ಲ. ಅಲ್ಲದೇ ದಿನವೂ ಮುಖವಾಡ ಧರಿಸಿ ಬದುಕುವ ಅಗತ್ಯವಿರುವುದಿಲ್ಲ. ಬದಲಿಗೆ ನೈಜ ವರ್ತನೆಯನ್ನೇ ತೋರಬಹುದು.

ಸ್ನಾನ ಗೃಹಗಳ ಬಳಕೆ ಹಂಚಿಕೆಯಾಗಿರುತ್ತದೆ

ದೀರ್ಘಾವಧಿಯ ಸಂಬಂಧಗಳಲ್ಲಿ ಇಬ್ಬರೂ ಪರಸ್ಪರ ಒಬ್ಬರನ್ನೊಬ್ಬರು ಅರಿತಿರುವಾಗ ಸ್ನಾನಗೃಹಗಳ ಬಳಕೆಗೆ ಮುಜುಗರ ಅಥವಾ ಯಾವುದಾದರೂ ವಸ್ತುಗಳ ಬಳಕೆಗೆ ಪರವಾನಗಿ ಪಡೆದುಕೊಳ್ಳುವ ಅಗತ್ಯವಿರುವುದಿಲ್ಲ. ಜೊತೆಗೆ ಸಂಗಾತಿ ಬಕೇಟ್ ನೀರನ್ನು ತರಲು ಹೇಳುವುದು, ಫ್ಲಷ್‍ಮಾಡು ಎಂದು ಹೇಳುವುದು ಎಲ್ಲವೂ ಸಹಕಾರ ಹೊಂದಾಣಿಕೆಯಲ್ಲಿಯೇ ನಡೆಯುತ್ತದೆ.

ಯಾವುದಾದರೂ ತರ್ಕಗಳು ನಡೆಯಬಹುದು

ಅಲ್ಪಾವಧಿಯ ಸಂಬಂಧದಲ್ಲಿರುವಾಗ ನಿಮಗೆ ಯಾವುದಾದರೂ ವಿಚಾರದ ಬಗ್ಗೆ ಮಾತನಾಡುವಾಗ ಅಥವಾ ತರ್ಕಮಾಡುವ ಸಂದರ್ಭಗಳಲ್ಲಿ ಯೋಚಿಸಿ ಮಾತನಾಡಬೇಕಾಗುತ್ತದೆ. ಅದೇ ದೀರ್ಘಾವಧಿಯ ಸಂಬಂಧದಲ್ಲಿ ಚಿಕ್ಕ ಪುಟ್ಟ ವಿಚಾರಗಳಿಗೂ ವಾದ-ಪ್ರತಿವಾದಗಳು ನಡೆಯುತ್ತಲೇ ಇರುತ್ತದೆ. ಇದಕ್ಕೆ ಯಾವುದೇ ಭಯವಿರುವುದಿಲ್ಲ. ಬದಲಿಗೆ ನಂತರ ಇಬ್ಬರೂ ಒಟ್ಟಿಗೆ ಇರುತ್ತೇವೆ ಎನ್ನುವ ನಂಬಿಕೆ ಇರುತ್ತದೆ.

ನಿಮ್ಮ ಸ್ಥಾನವನ್ನು ಪಡೆದುಕೊಳ್ಳಬಹುದು

ದೀರ್ಘಾವಧಿಯ ಸಂಬಂಧದಲ್ಲಿ ಪರಸ್ಪರ ಒಬ್ಬರಿಗೊಬ್ಬರೂ ಸ್ಪಂದಿಸುತ್ತಾರೆ. ಪರಸ್ಪರ ಒಬ್ಬರಿಗೊಬ್ಬರು ಸಮಯ ನೀಡಲು ಆಶಿಸುತ್ತಾರೆ. ಹಾಗೊಮ್ಮೆ ಸಿಗದಿದ್ದರೆ ಕೇಳಿ ಪಡೆದುಕೊಳ್ಳುತ್ತಾರೆ. ಜೊತೆಗೆ ಆಗಾಗ ಏಕಾಂತದಲ್ಲಿ ಸಮಯಕಳೆಯುತ್ತಾರೆ. ಚಿಕ್ಕ ಪುಟ್ಟ ಪ್ರವಾಸಗಳ ಮೂಲಕ ಸಂಬಂಧವನ್ನು ಗಟ್ಟಿಮಾಡಿಕೊಳ್ಳುತ್ತಾರೆ.

ಪ್ರೀತಿ ಹಳೆಯದಾಗುವುದಿಲ್ಲ

ಪ್ರೀತಿಯನ್ನು ವ್ಯಕ್ತಪಡಿಸುವಿಕೆಯು ಎಂದಿಗೂ ಹಳೆಯದಾಗುವುದಿಲ್ಲ. ಹಾಗಾಗಿ ದಶಕಗಳ ಕಾಲದ ನಂತರವೂ "ನಾನು ನಿನ್ನನ್ನು ಪ್ರೀತಿಸುತ್ತೇನೆ" ಎನ್ನುವ ಮಾತು ಖುಷಿಯನ್ನು ನೀಡುತ್ತದೆ. ವಯಸ್ಸಾದಂತೆ ಒಬ್ಬರಿಗೊಬ್ಬರ ಆಸರೆಯ ಅಗತ್ಯ ಹೆಚ್ಚಾಗುತ್ತದೆ. ಪ್ರೀತಿಯೂ ದ್ವಿಗುಣವಾಗುತ್ತದೆ. ಸಂಗಾತಿಯ ಬಾಯಿಂದ ಬರುವ ಪ್ರೀತಿಯ ಮಾತನ್ನು ಹೆಚ್ಚು ಆನಂದಿಸುತ್ತಾರೆ ಕೂಡ.