ಈ ಕೆಲಸಗಳನ್ನು ಎಲ್ಲಾ ಜೋಡಿಗಳು ಮಾಡಿರುತ್ತಾರೆ... ಆದರೆ ಒಪ್ಪಿಕೊಳ್ಳುವುದಿಲ್ಲ!

ಹುಟ್ಟಲಿರುವ ಮಗುವಿನ ಹೆಸರಿನ ಕುರಿತು

ಸಾಮಾನ್ಯವಾಗಿ ಹೆಚ್ಚಿನ ದಂಪತಿಗಳು ಈ ಕೆಲಸವನ್ನು ಮಾಡಿರುತ್ತಾರೆ. ಮುದವೆಗಿಂತ ಮುಂಚೆ ಪಾರ್ಕ್‍ಗಳಲ್ಲಿ ಕುಳಿತಾಗ ಅಥವಾ ಅವರಿಷ್ಟದ ಸ್ಥಳಗಳಿಗೆ ಭೇಟಿ ನೀಡಿದಾಗ ತಮ್ಮ ಭವಿಷ್ಯದ ಮಗುವಿನ ಬಗ್ಗೆ ಹಾಗೂ ಅದರ ಹೆಸರಿನ ಬಗ್ಗೆ ಚರ್ಚಿಸಿರುತ್ತಾರೆ. ಈ ಕುರಿತು ಕೆಲವು ತಮಾಷೆಗಳನ್ನು ಮಾಡಿರುತ್ತಾರೆ. ಅದೇ ವಿಚಾರವನ್ನು ಮದುವೆ ಆದ ಬಳಿಕ ಅಥವಾ ಕೆಲವು ವರ್ಷಗಳ ನಂತರ ಹೇಳುವಾಗ ಹಾಗೆ ಮಾಡಲಿಲ್ಲ ಎನ್ನುವ ಉತ್ತರವೇ ಆಗಿರುತ್ತದೆ.

ಒಳ್ಳೆಯ ವಿಚಾರಕ್ಕೆ ಹೋಲಿಕೆ

ಸಾಮಾನ್ಯವಾಗಿ ಎಲ್ಲಾ ದಂಪತಿಗಳು ಮಾಡಿರುತ್ತಾರೆ. ಬೇರೆ ಜೋಡಿಗಳು ಸಂತೋಷವಾಗಿರುವುದನ್ನು ನೋಡಿದಾಗ ಅವರೆಷ್ಟು ಖುಷಿಯಲ್ಲಿದ್ದಾರೆ, ಹೊಂದಾಣಿಕೆ ಮಾಡಿಕೊಂಡಿದ್ದಾರೆ. ಬಹಳ ಖುಷಿಯಿಂದ ಇದ್ದಾರೆ ಎಂದು ಕೊಳ್ಳುತ್ತಾರೆ. ಜೊತೆಗೆ ನಾವು ಹಾಗಿಲ್ಲ ಎನ್ನುವ ಬೇಸರವನ್ನು ಮನಸ್ಸಲ್ಲೇ ಇಟ್ಟಿಕೊಳ್ಳುವರು. ಕೆಲವರು ತಾವು ಇತರರಂತೆ ಬಹಳ ಖುಷಿಯಾಗಿ ಇದ್ದೇವೆ. ನಮ್ಮಲ್ಲಿ ಪ್ರೀತಿ ಹೆಚ್ಚಿದೆ ಎನ್ನುವುದನ್ನು ಸಾರ್ವಜನಿಕವಾಗಿ ತೋರಿಸಿಕೊಳ್ಳಲು ಇಷ್ಟಪಡುತ್ತಾರೆ.

ಪರಸ್ಪರ ಬಟ್ಟೆಯ ಪರಿಮಳವನ್ನು ನೋಡುತ್ತಾರೆ

ದಂಪತಿಗಳು ಒಟ್ಟಿಗೆ ಇದ್ದಾಗ ಅದೆಷ್ಟೇ ಭಿನ್ನಾಭಿಪ್ರಾಯಗಳು ಉಂಟಾದರೂ ಪ್ರೀತಿ ಇದ್ದೇ ಇರುತ್ತದೆ. ಇಬ್ಬರಲ್ಲಿ ಒಬ್ಬರು ದೂರದ ಕೆಲಸಕ್ಕೆ ಹೋಗಿರುವಾಗ, ಮನೆಯಲ್ಲಿರುವವರು ಒಂಟಿ ತನವನ್ನು ಬೇಸರದಿಂದ ಸ್ವೀಕರಿಸುತ್ತಾರೆ. ಬದಲಿಗೆ ತಮ್ಮ ಸಂಗಾತಿಯ ಬಟ್ಟೆಯ ಪರಿಮಳವನ್ನು ನೋಡುವುದರ ಮೂಲಕ ಖುಷಿಯನ್ನು ಹೊಂದುತ್ತಾರೆ. ಈ ಕೆಲಸವನ್ನು ಸಾಮಾನ್ಯವಾಗಿ ಅನೇಕರು ಮಾಡಿರುತ್ತಾರೆ.

ಅಡುಗೆ ಮಾಡಲು ಬರದು!

ಪತಿಗಾಗಿ ಪತ್ನಿಯು ವಿಶೇಷ ಅಡುಗೆಯನ್ನು ಮಾಡಿರುತ್ತಾಳೆ. ಜೊತೆಗೆ ಗಂಡ ಈ ಎಲ್ಲಾ ಅಡುಗೆಯನ್ನು ತಿಂದು ಖುಷಿ ಪಡುತ್ತಾರೆ ಎನ್ನುವ ಚಿಂತೆಯಲ್ಲಿರುತ್ತೀರಿ. ಆದರೆ ಅದೃಷ್ಟವಶಾತ್ ಪತಿಯು ಮಾಡಿರುವ ವಿಶೇಷ ತಿನಿಸುಗಳನ್ನು ಚೂರು ರುಚಿ ನೋಡಿ, ಹಾಗೇಯೇ ಬಿಟ್ಟು ಬಿಡುತ್ತಾರೆ. ಅಲ್ಲಿಯವರೆಗೆ ನೀವು ಚೆನ್ನಾಗಿ ಅಡುಗೆ ಮಾಡಿದ್ದೀರಿ ಎಂದೇ ಭಾವಿಸಿರುತ್ತೀರಿ. ಆಗ ತಿಳಿಯುತ್ತದೆ ನಿಮಗೆ ಅಷ್ಟಾಗಿ ಅಡುಗೆ ಮಾಡಲು ಬರುವುದಿಲ್ಲ ಎಂದು.

ಗೌಪ್ಯವಾದ ಶಬ್ದಗಳ ಬಳಕೆ

ಮದುವೆಯ ಆರಂಭಿಕ ಹಂತದಲ್ಲಿ ಎಲ್ಲಾ ಜೋಡಿಗಳು ಕೆಲವು ಲೈಂಗಿಕ ವಿಚಾರದ ಕುರಿತಾಗಿ ಬರಹಗಳನ್ನು ಚಾಟ್ ಮಾಡಿರುತ್ತಾರೆ. ಇದನ್ನು ಓದಲು ಮತ್ತು ಕಳುಹಿಸಲು ಪರಸ್ಪರ ಆನಂದಿಸುತ್ತಾರೆ. ಹಾಗಂತ ಇದೇನು ಕೆಟ್ಟ ಕಲ್ಪನೆಯಲ್ಲ. ಆದರೆ ಯಾರ ಬಳಿಯೂ ಯಾರೂ ಹೇಳಿಕೊಳ್ಳುವುದಿಲ್ಲ.

ಅಡ್ಡ ಹೆಸರನ್ನು ನೀಡುತ್ತಾರೆ

ಬಹುತೇಕವಾಗಿ ಎಲ್ಲಾ ದಂಪತಿಗಳು ಪರಸ್ಪರ ಪ್ರೀತಿ ವಿಶ್ವಾಸದಿಂದ ಅಡ್ಡ ಹೆಸರನ್ನು ಇಟ್ಟುಕೊಂಡಿರುತ್ತಾರೆ. ಕೆಲವೊಮ್ಮೆ ಆ ಹೆಸರಿನಿಂದಲೇ ಅವರನ್ನು ಕರೆಯುತ್ತಾರೆ. ಜೊತೆಗೆ ಅವರಿಗೆ ಆ ಹೆಸರಿನಿಂದ ಕರೆಯುವಾಗ ಆಂತರಿಕವಾಗಿ ಖುಷಿಪಡುತ್ತಾರೆ.

ಮಕ್ಕಳಂತೆ ದೂರು ನೀಡುತ್ತಾರೆ

ದಂಪತಿಗಳು ಪರಸ್ಪರ ಪ್ರೀತಿ ವಿಶ್ವಾಸ ಹಾಗೂ ದುಃಖದ ವಿಚಾರವನ್ನು ಬಹಳ ಆತ್ಮೀಯವಾಗಿ ಹಂಚಿಕೊಳ್ಳುತ್ತಾರೆ. ಖುಷಿಯಲ್ಲಿ ಇರುವಾಗ ಹಾಗೂ ದುಃಖದಲ್ಲಿರುವಾಗ ಮಕ್ಕಳಂತೆ ವರ್ತಿಸುತ್ತಾರೆ. ಸಂಗಾತಿಯ ಮಡಿಲಲ್ಲಿ ತಲೆಯಿಟ್ಟು ಮಲಗುವುದು, ದುಃಖಿಸುವುದು, ಸಂತೈಸುವುದು ಮತ್ತು ಮುದ್ದಿಸುವುದು ಸಹ ಮಕ್ಕಳಂತೆ. ಒಟ್ಟಿನಲ್ಲಿ ಇಬ್ಬರ ನಡುವೆಯೂ ಮುಗ್ಧ ಮಗುವಿನಂತಹ ವರ್ತನೆಗಳು ಇರುತ್ತದೆ.

ಅವರಿಗೆ ತೋರಿಸುತ್ತಾರೆ!

ನಮ್ಮ ದೇಹದ ಕೆಲವು ಭಾಗಗಲ್ಲಿ ಉಂಟಾದ ಗಾಯ ಅಥವಾ ವ್ಯತ್ಯಾಸಗಳನ್ನು ನಾವು ಕನ್ನಡಿಯಲ್ಲಿ ನೋಡಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಆ ಸಮಯದಲ್ಲಿ ಸಂಗಾತಿಗೆ ತೋರಿಸಿಕೊಂಡು ಆರೈಕೆ ಮಾಡಿಸಿಕೊಳ್ಳುತ್ತಾರೆ. ಇದು ಸಾಮಾನ್ಯವಾಗಿ ಎಲ್ಲಾ ದಂಪತಿಗಳು ಮಾಡುತ್ತಾರೆ. ಆದರೆ ಈ ಬಗ್ಗೆ ಯಾರೊಂದಿಗೂ ಹೇಳಿಕೊಳ್ಳುವುದಿಲ್ಲ.

ವಯಸ್ಸಾದಾಗ ಹೇಗಿರುತ್ತೇವೆ

ಸಾಮಾನ್ಯವಾಗಿ ನಮಗೆ ವಯಸ್ಸಾದಾಗ ಹೇಗಿರುತ್ತೇವೆ? ಅದರ ಚಿತ್ರಣ ಹೇಗಿರಬಹುದು ಎನ್ನುವ ಕಲ್ಪನೆ ಹಾಗೂ ಚಿತ್ರೀಕರಣವನ್ನು ಮಾಡಿಕೊಳ್ಳಲು ಇಷ್ಟ ಪಡುತ್ತಾರೆ. ಜೊತೆಗೆ ಹಾಗೆಯೇ ಒಮ್ಮೆಯಾದರೂ ವರ್ತಿಸಿರುತ್ತಾರೆ.