ಪುರುಷರನ್ನು ನೋಡಿದರೆ ಸಾಕು, ಇವರು ತುಂಬಾ ಭಯಪಟ್ಟು ಕೊಳ್ಳುತ್ತಾರೆ!

ತಜ್ಞರು ಹೇಳುವುದೇನು?

ಪುರುಷರೊಂದಿಗೆ ಆರೋಗ್ಯಕರ ಸಂಬಂಧ ನಡೆಸಿದ ಬಳಿಕ ಹೆಚ್ಚಿನ ಮಹಿಳೆಯರು ಇಂತಹ ಭೀತಿಯಿಂದ ಹೊರಬರುತ್ತಾರೆ ಎಂದು ಸಂಬಂಧ ತಜ್ಞರು ಹೇಳಿದ್ದಾರೆ.

ಸಹೋದರಿಯರ ಬಗ್ಗೆ ?

ತಂದೆ, ಸಹೋದರ ಮತ್ತು ಸೋದರ ಸಂಬಂಧಿಗಳ ಬಗ್ಗೆ ಇಂತಹ ಭೀತಿ ಅವರಿಗೆ ಇರುವುದಿಲ್ಲ. ಆದರೆ ಕುಟುಂಬಕ್ಕಿಂತ ಹೊರಗಿನ ಪುರುಷರ ಬಗ್ಗೆ ಈ ಭೀತಿಯಿರುತ್ತದೆ.

ಇದು ಆರಂಭವಾಗುವುದು ಹೇಗೆ

ಬಾಲ್ಯದಲ್ಲಿ ಅನುಭವಿಸಿದಂತಹ ಯಾವುದೇ ರೀತಿಯ ಅಹಿತಕರ ಅನುಭವವೇ ಈ ಭೀತಿಗೆ ಪ್ರಮುಖ ಕಾರಣವಾಗಿದೆ. ಬಾಲ್ಯದಲ್ಲಿ ಯಾವುದೇ ಅಹಿತಕರ ಘಟನೆ ನಡೆದಾಗ ಮೆದುಳು ಇದನ್ನು ದಾಖಲು ಮಾಡಿಕೊಳ್ಳುತ್ತದೆ ಮತ್ತು ಇಂತಹ ಅಪಾಯದಿಂದ ಮುಂದೆ ದೂರ ಉಳಿಯುವಂತೆ ಅದು ಸೂಚಿಸುತ್ತದೆ.

ಅಪಾಯ ಹೆಚ್ಚಾಗಲು ಕಾರಣ

ಬಾಲ್ಯದಲ್ಲಿ ದೈಹಿಕ ಅಥವಾ ಲೈಂಗಿಕವಾಗಿ ಪೀಡನೆಗೆ ಒಳಗಾಗಿರುವಂತಹ ಮಹಿಳೆಯರು ಇಂತಹ ಭೀತಿಗೆ ಒಳಗಾಗುವ ಸಾಧ್ಯತೆ ಹೆಚ್ಚಾಗಿದೆ.

ಪುರುಷರ ಪ್ರಾಬಲ್ಯವನ್ನು ದೂರಬಹುದೇ?

ಎಲ್ಲಾ ಕುಟುಂಬಗಳಲ್ಲಿ ಹೆಚ್ಚಾಗಿ ಪುರುಷರೇ ಪ್ರಾಬಲ್ಯ ಮೆರೆದಿರುತ್ತಾರೆ. ಇಂತಹ ಸಮಯದಲ್ಲಿ ಮಹಿಳೆಯರು ಭೀತಿಗೆ ಒಳಗಾಗುತ್ತಾರೆ. ಕುಟುಂಬದಲ್ಲಿ ತಂದೆಯು ತುಂಬಾ ಹಿಂಸಾ ಪ್ರವೃತ್ತಿಯವರಾಗಿದ್ದರೆ ಹೆಣ್ಣು ಮಕ್ಕಳಲ್ಲಿ ಇಂತಹ ಭೀತಿ ಉಂಟಾಗುವುದು ಸಹಜ.

ಇದು ಅನುವಂಶೀಯವೇ?

ಕೆಲವೊಂದು ಸಂದರ್ಭಗಳಲ್ಲಿ ಇಂತಹ ಭೀತಿಯು ಮುಂದಿನ ಪೀಳಿಗೆಗೂ ಬರಬಹುದು. ಇದನ್ನು ಅನುವಂಶೀಯವಾಗಿ ಬರುವ ಭೀತಿ ಎನ್ನಲಾಗುತ್ತದೆ.

ಲಕ್ಷಣಗಳು

ಈ ಭೀತಿ ನಿಮ್ಮಲ್ಲಿ ಇದೆಯಾ ಎಂದು ತಿಳಿದುಕೊಳ್ಳುವುದು ಹೇಗೆ? ಪುರುಷರ ಸಂಘದಲ್ಲಿರುವಾಗ ನಿಮಗೆ ಭೀತಿ, ಬೆವರು ಮತ್ತು ವಾಕರಿಕೆ ಉಂಟಾಗುತ್ತಾ ಇದ್ದರೆ ನಿಮಗೆ ಭೀತಿಯಿದೆ ಎಂದರ್ಥ. ಈ ಭೀತಿ ಆರಂಭವಾದರೆ ಕೆಲವು ಮಹಿಳೆಯರ ಎದೆಯಲ್ಲಿ ನೋವು ಹಾಗೂ ಅತಿಯಾದ ಉಸಿರಾಟ ಉಂಟಾಗಬಹುದು. ಪುರುಷರು ನಮಗೆ ತುಂಬಾ ಅಪಾಯಕಾರಿ ಎಂಬ ಭಾವನೆ ಕೆಲವು ಮಹಿಳೆಯರಲ್ಲಿ ಮೂಡಬಹುದು.

ಏನು ಮಾಡಬೇಕು

ಈ ಭೀತಿಗೆ ಸರಿಯಾದ ಚಿಕಿತ್ಸೆ ನೀಡದೆ ಇದ್ದರೆ ಅದು ಖಿನ್ನತೆ ಮತ್ತು ಏಕಾಂಗಿತನಕ್ಕೆ ಕಾರಣವಾಗಬಹುದು. ಇದರಿಂದ ಸಾಮಾಜಿಕ ಹಾಗೂ ವೃತ್ತಿ ಜೀವನದ ಮೇಲೆ ಪರಿಣಾಮ ಬೀರಬಹುದು. ತಜ್ಞರ ನೆರವು ಪಡೆಯುವುದು ಅತೀ ಅಗತ್ಯವಾಗಿದೆ. ಭೂಮಿ ಮೇಲಿರುವ ಎಲ್ಲಾ ಪುರುಷರು ಕೆಟ್ಟವರಲ್ಲ, ಹೀಗಾಗಿ ನೀವು ಒಂಟಿಯಾಗಿಯೇ ಇರಬೇಕೆಂದಿಲ್ಲ. ಪುರುಷನೊಬ್ಬ ನಿಮ್ಮ ಜೀವನದೊಳಗೆ ಪ್ರವೇಶಿಸಿ ನಿಮ್ಮ ಜೀವನವೂ ಸುಂದರವಾಗಿದೆ ಎಂದು ಸಾಬೀತು ಮಾಡಬಹುದು.