ಸುಮ್ನೆ ಕಿರಿಕಿರಿ ಮಾಡಿದರೆ, ಪುರುಷರಿಗೆ ಆಗಿ ಬರಲ್ಲವಂತೆ!

ಬೇಸರವಾದಾಗ

ಬೇಸರವಾದಾಗ ಪುರುಷರು ಮೌನವಾಗಿದ್ದು, ಏಕಾಂಗಿಯಾಗಿರಬೇಕೆಂದು ಬಯಸುತ್ತಾರೆ. ಅದೇ ಮಹಿಳೆಯರು ಬೇಸರವಾದಾಗ ಮೌನವಾಗಿರುವ ಬದಲು ಯಾರೊಂದಿಗಾದರೂ ಇದನ್ನು ಹಂಚಿಕೊಳ್ಳಲು ಬಯಸುತ್ತಾರೆ.

ಪುರುಷರು ನೇರನುಡಿಯವರು

ಎಲ್ಲವೂ ಸರಿಯಾಗಿದೆ ಎಂದು ಪುರುಷರು ಹೇಳಿದರೆಂದರೆ ಅಲ್ಲಿ ಎಲ್ಲವೂ ಸರಿಯಾಗಿದೆ ಎಂದರ್ಥ. ಮಹಿಳೆಯರು ಹೀಗೆ ಹೇಳಿದರೆ ಎಲ್ಲವೂ ಸರಿಯಾಗಿಲ್ಲ. ಇದರ ಹಿಂದೆ ಏನೋ ಇದೆ ಎಂದು ತಿಳಿದುಕೊಳ್ಳಿ. ಆ ಕಾರಣವನ್ನು ಪುರುಷರು ಹುಡುಕಬೇಕೆಂದು ಮಹಿಳೆಯರು ಬಯಸುತ್ತಾರೆ. ಆದರೆ ಪುರುಷರಿಗೆ ಮಹಿಳೆಯರಿಂದ ನೇರ ಉತ್ತರ ಬೇಕಾಗಿರುತ್ತದೆ.

ಪ್ರಶ್ನೆಗಳು ಇನ್ನೂ ಇರುತ್ತದೆ!

ಗಂಭೀರವಾದ ಚರ್ಚೆ ನಡೆಸಿದ ಬಳಿಕವೂ ಪುರುಷರಲ್ಲಿ ಕೆಲವೊಂದು ಪ್ರಶ್ನೆಗಳು ಹಾಗೆ ಉಳಿದಿರುತ್ತದೆ. ಇದನ್ನು ಕೇಳಿದರೆ ಮಹಿಳೆಯರಿಗೆ ಕೋಪ ಉಕ್ಕೇರಿ ಹರಿಯುತ್ತದೆ. ಪುರುಷರಿಗೆ ಎಲ್ಲದರಲ್ಲೂ ಸ್ಪಷ್ಟತೆ ಬೇಕು ಮತ್ತು ಇದರಿಂದಾಗಿಯೇ ಹಲವಾರು ಪ್ರಶ್ನೆಗಳು ಅವರಲ್ಲಿರುತ್ತದೆ.

ಪುರುಷರ ಸಂಕ್ಷಿಪ್ತ ಉತ್ತರ

ಯಾವುದೇ ಪುರುಷನಲ್ಲಿ ನಿಮ್ಮ ದಿನ ಹೇಗಿತ್ತು ಎಂದು ಕೇಳಿದಾಗ, ಒಳ್ಳೆಯದಾಗಿತ್ತು ಎಂದು ಹೇಳಿ ಹೊರಟು ಹೋಗುತ್ತಾನೆ. ಮಹಿಳೆಯರಲ್ಲಿ ಇದೇ ಪ್ರಶ್ನೆ ಕೇಳಿದರೆ ಕಚೇರಿಯಲ್ಲಿ ನಡೆದಿರುವ ಗಾಸಿಪ್, ಆಕೆ ತನ್ನ ಬಾಸ್ ಜತೆ ಜಗಳ ಮಾಡಿರುವುದು ಸೇರಿದಂತೆ ಪ್ರತಿಯೊಂದನ್ನು ನಿಮ್ಮಲ್ಲಿ ಹೇಳುತ್ತಾಳೆ. ಮಹಿಳೆಯರು ತಾವು ಹೇಳುವುದನ್ನು ಎದುರಿನವರು ಕೇಳಬೇಕೆಂದು ಬಯಸುತ್ತಾರೆ.

ಅದೇ ಪ್ರಶ್ನೆಗಳನ್ನು ಕೇಳಿದರೆ ಪುರುಷರಿಗೆ ಕೋಪ

ಪುರುಷರಲ್ಲಿ ದಿನದಲ್ಲಿ ಹಲವು ಬಾರಿ ನಿಮ್ಮ ದಿನ ಹೇಗಿತ್ತು ಎಂದು ಕೇಳಿದರೆ ಆಗ ಆತನಿಗೆ ಬರುವ ಕೋಪಕ್ಕೆ ನೀವು ತುತ್ತಾಗಬೇಕಾಗುತ್ತದೆ. ಅವರ ಬಗ್ಗೆ ಕಾಳಜಿಯಿಂದ ನೀವು ಕೇಳುತ್ತಿದ್ದರೂ ಇದು ಅವರನ್ನು ಕೆರಳಿಸುತ್ತದೆ. ಹಲವಾರು ಸಲ ಒಂದೇ ಪ್ರಶ್ನೆಯನ್ನು ಕೇಳಲು ಆತನಿಗೆ ಕಿರಿಕಿರಿಯಾಗಬಹುದು. ಆದರೆ ಮಹಿಳೆಯರಿಗೆ ಎಷ್ಟು ಸಲ ಈ ಪ್ರಶ್ನೆ ಕೇಳುತ್ತೀರೋ ಅಷ್ಟು ಸಲ ಅವರಿಗೆ ಸಂತೋಷವಾಗುತ್ತದೆ.