ನಿಮಗಾಗಿರುವುದು ಲವ್ವಾ, ಅಟ್ರಾಕ್ಷನಾ? ಕಂಡು ಹಿಡಿಯುವುದು ಹೇಗೆ?

ಎರಡರ ನಡುವೆ ವ್ಯತ್ಯಾಸ ಕಂಡು ಹಿಡಿಯುವುದೇ ಒಂದು ಗೊಂದಲ

ಹೌದು ನನಗೆ ಆಗಿರುವುದು ಲವ್ವಾ ಅಥವಾ ಆಕರ್ಷಕಣೆ ಮಾತ್ರನಾ ಎಂದು ಕಂಡು ಹಿಡಿಯುವುದು ನಿಮಗೆ ಸ್ವಲ್ಪ ಕಷ್ಟದ ಕೆಲಸವೇ ಆಗಬಹುದು. ಏಕೆಂದರೆ ಒಬ್ಬ ವ್ಯಕ್ತಿ ಮೇಲೆ ಲವ್‌ ಇದ್ದಾಗ ಅಲ್ಲಿ ಆಕರ್ಷಣೆ ಇರುತ್ತದೆ. ಆದರೆ ಆಕರ್ಷಣೆ ಇದ್ದರೆ ಅಲ್ಲಿ ಲವ್‌ ಇರಬೇಕೆಂದೇನು ಇಲ್ಲ,

ನಿಮಗೆ ಸರಳವಾಗಿ ಹೇಳುವುದಾದರೆ ನಿಮಗೆ ಯಾವುದೋ ವ್ಯಕ್ತಿಯನ್ನು ನೋಡಿದಾಗ ಏನೋ ಒಂದು ರೀತಿಯ ಆಕರ್ಷಣೆ ಉಂಟಾಗುತ್ತದೆ, ಹಾಗಂತ ಅದು ಪ್ರೀತಿಯಾಗಿರಬೇಕಿಲ್ಲ, ಅದು ಆ ಕ್ಷಣ ಅಥವಾ ಆ ನಿಮಿಷಕ್ಕೆ ಉಂಟಾದ ಆಕರ್ಷಣೆಯಾಗಿರುತ್ತದೆ. ಇಲ್ಲಾಆ ರೀತಿಯ ಆಕರ್ಷಣೆ ಸ್ವಲ್ಪ ಸಮಯವಷ್ಟೇ ಇರುತ್ತದೆ. ಹೆಚ್ಚಿನವರು ಇದನ್ನು ಅರಿಯದೆ ಗೊಂದಲಕ್ಕೆ ಬಿದ್ದು ಅದೇ ಪ್ರೀತಿಯೆಂದು ಜೀವನದಲ್ಲಿ ನೋವನ್ನು ತಂದುಕೊಳ್ಳುತ್ತಾರೆ.

ನಿಜವಾಗಲೂ ಇದಕ್ಕಾಗಿ ದುಃಖಿಸಬೇಕೆ? ಖಂಡಿತವಿಲ್ಲ, ಏಕೆಂದರೆ ಆಕರ್ಷಣೆ ಉಂಟಾಗುವುದು ಮನುಷ್ಯನ ಸ್ವಾಭಾವಿಕ ಗುಣ.

ನಿಮಗಾಗಿರುವುದು ಆಕರ್ಷಣೆ ಮಾತ್ರ, ಪ್ರೀತಿಯಲ್ಲ ಎಂದು ತಿಳಿಯುವುದು ಹೇಗೆ?

ಆಕರ್ಷಣೆ ಎನ್ನುವುದು ಅಯಸ್ಕಾದಂತೆ ನಿಮ್ಮನ್ನು ಆ ವ್ಯಕ್ತಿ ಸೆಳೆಯಬಹುದು. ನಿಮಗೆ ಆ ವ್ಯಕ್ತಿಯನ್ನು ನೋಡದೆ, ಮಾತನಾಡದೆ ಇರಲು ಸಾಧ್ಯವಾಗದೇ ಇರಬಹುದು. ಆ ವ್ಯಕ್ತಿಗೋಸ್ಕರ ಏನು ಬೇಕಾದರೂ ಮಾಡಲು ಸಿದ್ಧರಾಗಬಹುದು, ಆದರೆ ಈ ರೀತಿಯ ಆಕರ್ಷಣೆ ಕೊನೆಯವರೆಗೆ ಉಳಿಯಲು ಸಾಧ್ಯವಿಲ್ಲ. ಎಷ್ಟೋ ಜನರ ಪಾಗಲ್‌ ಪ್ರೇಮಿಗಳಾಗುವುದು ಕೂಡ ಈ ರೀತಿಯ ಆಕರ್ಷಣೆಯಿಂದಲೇ...

ಅದೇ ಪ್ರೀತಿಯಲ್ಲಿ ಆಕರ್ಷಣೆ ಇರುತ್ತದೆ, ಆದರೆ ಅಲ್ಲಿ ಆಕರ್ಷಣೆಯನ್ನೂ ಮೀರಿ ಮನಸ್ಸಿನ ಭಾವಗಳು ಹೆಚ್ಚು ಬೆಸೆದಿರುತ್ತದೆ.

ಆಕರ್ಷಣೆ ಎನ್ನುವುದು ದೈಹಿಕ ಆಕರ್ಷಣೆ

ಒಬ್ಬ ವ್ಯಕ್ತಿಯ ಅಂದ ಅಥವಾ ಅವರಲ್ಲಿರುವ ಬೇರೆ ಯಾವುದೋ ಒಂದು ಕಾರಣ ನೋಡಿ ಆಕರ್ಷಣೆ ಹುಟ್ಟಿಕೊಳ್ಳುತ್ತದೆ. ಉದಾಹರಣೆಗೆ ಅವನು/ಅವಳು ನೋಡಲು ತುಂಬಾ ಸುಂದರವಾಗಿದ್ದಾರೆ ಎಂದು ಅಥವಾ ಅವರ ಬುದ್ಧಿವಂತೆಕೆ, ಅಂತಸ್ತು, ಪ್ರಭಾವ ಹೀಗೆ ಯಾವುದೋ ಒಂದು ಕಾರಣ ನೋಡಿ ಅವರ ಮೇಲೆ ಆಕರ್ಷಣೆ ಹುಟ್ಟಿರುತ್ತದೆ.

ಆದರೆ ಪ್ರೀತಿ ಅವುಗಳೆನ್ನೆಲ್ಲಾ ನೋಡುವುದಿಲ್ಲ, ಆತ/ಆಕೆಯ ಹೃದಯ ಮಿಡಿತವನ್ನು ಸ್ಪಂದಿಸುತ್ತದೆ. ಪ್ರೀತಿಯಲ್ಲಿ ಯಾವುದೇ ನಿರ್ಬಂಧಗಳಿರುವುದಿಲ್ಲ.

ಬ್ರೇಕ್‌ಅಪ್‌ ಆದರೆ ಅವರ ಬಗ್ಗೆ ಚಿಂತಿಸುವುದು ಇಲ್ಲ

ಈ ಆಕರ್ಷಣೆಯನ್ನೇ ಪ್ರೀತಿಯೆಂದು ಭಾವಿಸಿ ಸಿನಿಮಾ ಜೋಡಿಗಳಂತೆ ಸುತ್ತಾಡಿ ಕೊನೆಗೊಂದು ದಿನ ಯಾವುದೋ ಕಾರಣಕ್ಕೆ ಬ್ರೇಕ್‌ಅಪ್ ಆದರೆ ನಂತರ ಅವರನ್ನು ಸುಲಭವಾಗಿ ಮರೆತು ಹೋದರೆ ಅದು ಖಂಡಿತವಾಗಿಯೂ ಪ್ರೀತಿಯಾಗಿರಲಿಲ್ಲ, ಅಲ್ಲಿ ಇದ್ದದ್ದು ಬರೀ ಆಕರ್ಷಣೆಯಷ್ಟೇ... ನಿಜವಾದ ಪ್ರೀತಿಯಾಗಿದ್ದರೆ ದಶಕ ಕಳೆದರೂ ಆ ವ್ಯಕ್ತಿಯನ್ನು ಮರೆಯಲು ಸಾಧ್ಯವಾಗುವುದಿಲ್ಲ, ಅವರ ನೆನಪುಗಳು ಸದಾ ಕಾಡುತ್ತಲೇ ಇರುತ್ತದೆ.

ನಿಮಗೆ ಯಾರ ಮೇಲಾದರೂ ಲವ್ ಆದರೆ ಅದು ಪ್ರೀತಿನಾ ಅಥವಾ ಬರೀ ಆಕರ್ಷಣೆಯಷ್ಟೇ ಇರಬಹುದಾ ಎಮದು ನಿಮ್ಮ ಮನಸ್ಸನ್ನೇ ಕೇಳಿಕೊಳ್ಳಿ. ಇಲ್ಲ ಆ ವ್ಯಕ್ತಿ ನಿಮ್ಮ ಬದುಕಿನಲ್ಲಿ ಬೇಕೇ ಬೇಕು ಎಂದು ನಿಮ್ಮ ಮನಸ್ಸು ಹೇಳಿದರೆ Just go head...