ಗಾಳಿಯಲ್ಲಿ ಹುಟ್ಟಿದ ಪ್ರೀತಿ ಜೀವನವನ್ನೇ ತೇಲಿಸಿತು!

ಅವರ ಪ್ರೀತಿ ಹುಟ್ಟಿದ್ದು...

ಆ ಎರಡು ಹೃದಯದ ಪ್ರೇಮ ಗೀತೆ ಮಿಡಿದಿದ್ದು ಭೂಮಿಯಿಂದ ಸರಿ ಸುಮಾರು 10,000 ಅಡಿ ಎತ್ತರದಲ್ಲಿ. ಮನಸ್ಸನ್ನು ಕಾಡಿದ ಆ ಪ್ರೀತಿಗಾಗಿ ಆತ ಕೊಂಚ ಚಿಂತೆಯನ್ನೂ ಮಾಡಲಿಲ್ಲ. ಹುಟ್ಟಿದ ಪ್ರೀತಿಯನ್ನು ಆಕೆಯ ಮುಂದಿಟ್ಟ... ಆ ನಿರ್ಮಲ ಪ್ರೀತಿಯನ್ನು ಆಕೆ ಹೇಗೆ ಸ್ವೀಕರಿಸಿದಳು ಎನ್ನುವುದು ಸಹ ಕುತೂಹಲವೆ...

ಅವಳು ಬಂದ ದಾರಿ...

ಅವಳು ನೋಡಲು ಸುಂದರಿ ಹಾಗೂ ಬುದ್ಧಿವಂತ ಹುಡುಗಿ. ಗಗನಸಖಿಯಾಗುವ ಕನಸು ಅವಳದ್ದು. ತನ್ನ ವಿದ್ಯಾಭ್ಯಾಸವನ್ನು ಮುಗಿಸಿ ಗಗನಸಖಿಯ ತರಬೇತಿಯನ್ನು ಪಡೆದು ಉತ್ತೀರ್ಣಳಾದಳು. ಅವಳ ಕನಸಂತೆ ಪ್ರತಿಷ್ಠಿತ ಸಂಸ್ಥೆಯಾದ ಏರ್ ಇಂಡಿಯಾದಲ್ಲಿ ಗಗನ ಸಖಿಯಾಗಿ ಕೆಲಸ ನಿರ್ವಹಿಸುತ್ತಿದ್ದಳು.

ಅದು ಅವನ ಕಥೆ

ಅರುಣ್ ಮೂಲತ: ತಮಿಳುನಾಡಿನ ಹುಡುಗ. ಮಧ್ಯಮ ವರ್ಗದ ಕುಟುಂಬದಲ್ಲಿ ಬೆಳೆದು ಬಂದವನು. ಐಐಟಿ ಮತ್ತು ಜೆಇಇಯಲ್ಲಿ ಮೊದಲ ಬಾರಿಗೇ ಉತ್ತೀರ್ಣನಾಗಲು ಸಾಧ್ಯವಾಗಲಿಲ್ಲ. ಆದರೆ ತನ್ನದೇ ಆದ ಶ್ರದ್ಧೆಯನ್ನು ತೋರುವ ಮೂಲಕ ವಿದ್ಯಾಭ್ಯಾಸವನ್ನು ಪೂರ್ಣಗೊಳಿಸಿದನು. ನಂತರ ತನ್ನ ವೃತ್ತಿ ಜೀವನ ನಡೆಸಲು ಪ್ರಾರಂಭಿಸಿದನು.

ಅವನ ಹೆಜ್ಜೆ...

ದೆಹಲಿಯಲ್ಲಿ ಐಐಟಿ ಮಿಗಿಸಿ ಬೆಂಗಳೂರು ಮೂಲದ ಬಹು ಅಂತಾರಾಷ್ಟ್ರೀಯ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ. ಸಂಸ್ಥೆಯ ಕೆಲಸದ ನಿಮಿತ್ತ ಆಗಾಗ ಪ್ರಯಾಣ ಮಾಡಬೇಕಿತ್ತು. ಒಮ್ಮೆ ಹೀಗೆ ಪ್ರಯಾಣ ಮಾಡುವಾಗ ಅವನಲ್ಲಿ ಒಂದು ಪ್ರೀತಿ ಹುಟ್ಟಿತು..

ಅವರಿಬ್ಬರ ಭೇಟಿ...

ಆತ ಕೆಲಸಕ್ಕಾಗಿ ವಿಮಾನ ಪ್ರಯಾಣ ಬೆಳೆಸಿದ್ದ. ಈಕೆ ಸ್ಮøತಿ ತನ್ನ ಕೆಲಸದ ನಿಮಿತ್ತ ಪ್ರಯಾಣಿಕರಿಗೆ ಸೇವೆಯನ್ನು ಸಲ್ಲಿಸುತ್ತಿದ್ದಳು. ಸ್ಮøತಿಯ ಕೆಲಸ ಹಾಗೂ ಅವಳ ಹಾವ ಭಾವಕ್ಕೆ ಅರುಣ್ ನ ಮನಸ್ಸನ್ನು ಗೆದ್ದಿತ್ತು. ಅವನು ಅವಳನ್ನು ಕಂಡ ಮೊದಲ ನೋಟದಲ್ಲಿಯೇ ಅವಳ ಪ್ರೀತಿಗೆ ಬಿದ್ದಿದ್ದ. ಅದನ್ನು ಅವಳಿಗೆ ಹೇಳಬೇಕು, ಅವಳನ್ನೇ ತನ್ನ ಸಂಗಾತಿಯಾಗಿ ಪಡೆಯಬೇಕು ಎನ್ನುವ ಹಂಬಲವನ್ನು ಹೊಂದಿದ. ಅವನ ಮನಸ್ಸಿನ ಆಸೆಯಂತೆ ವಿಮಾನದಿಂದ ಇಳಿಯುವುದರೊಳಗೆ ಅವಳ ಸಂಪರ್ಕಿಸಲು ಫೋನ್ ನಂಬರ್ ಪಡೆದುಕೊಳ್ಳಲು ಬಯಸಿದ.

ಅವನು ಕೇಳಿ ಬಿಟ್ಟ...

ಅವನ ಆತ್ಮ ವಿಶ್ವಾಸ ಹಾಗೂ ನಿರ್ಮಲ ಪ್ರೀತಿಯ ಕಾರಣಕ್ಕಾಗಿ ನನ್ನ ಕೈ ಹಿಡಿದು ತನ್ನನ್ನು ವಿವಾಹವಾಗುವೆಯಾ? ಎಂದು ಕಳಿದ... ಅವನ ವರ್ತನೆ ಹಾಗೂ ಪ್ರೀತಿಯ ಪರಿ ಅವಳ ಮನಸ್ಸನ್ನು ಗೆದ್ದಿತು. ಆಕೆ ಅದಕ್ಕೆ ಸಮ್ಮತಿ ಸೂಚಿಸಿದಳು. ಇಬ್ಬರ ಮನೆಯಲ್ಲೂ ಅವರ ಪ್ರೀತಿಯ ಬಗ್ಗೆ ಅಷ್ಟಾಗಿ ಯಾವುದೇ ವಿರೋಧಗಳಿರಲಿಲ್ಲ. ಆ ಕಾರಣದಿಂದ ದಿನದಿಂದ ದಿನಕ್ಕೆ ಇಬ್ಬರ ನಡುವೆ ಸಂಭಾಷಣೆಗಳು ಹೆಚ್ಚ ತೊಡಗಿತು.

ಇದೀಗ ಅವರದ್ದು ಸುಖ ಜೀವನ...

ಎರಡು ಹೃದಯವು ಒಬ್ಬರನ್ನೊಬ್ಬರು ಅರಿತು ಕೊಂಡವು. ಅಂತೆಯೇ ಎರಡು ಕುಟುಂಬದವರನ್ನು ಒಪ್ಪಿಸಿತು. ಇದೀಗ ಪ್ರೀತಿಯ ಸುಖ ಜೀವನವನ್ನು ನಡೆಸುತ್ತಿದ್ದಾರೆ.