ಪ್ರೀತಿಯ ಜೀವನದಲ್ಲಿ ಎರಡನೇ ಅವಕಾಶ ಸಿಕ್ಕಾಗ...

ಆನಂದಿಯ ಜೀವನ...

ಆನಂದಿ 23 ವರ್ಷದ ಯುವತಿ. ಈಕೆ ಚೆನ್ನೈನಲ್ಲಿ ಸೇಂಟ್ ಸ್ಟೀಫನ್ಸ್ ಕಾಲೇಜಿನಲ್ಲಿ ತನ್ನ ಪದವಿ ವಿದ್ಯಾಭ್ಯಾಸವನ್ನು ಮುಗಿಸಿದ್ದಳು. ಮಗಳ ಸುಂದರ ಬದುಕಿಗಾಗಿ ಅವಳ ಪಾಲಕರು ಎಮ್‍ಬಿಎ ಓದಿರುವ ರಾಘವ ಎನ್ನುವ ಹುಡುಗನಿಗೆ ವಿವಾಹ ಮಾಡಿದರು. ವಿವಾಹದ ನಿಶ್ಚಯ ಹಾಗೂ ತಯಾರಿ ಎಲ್ಲವೂ ಕೇವಲ ಒಂದು ತಿಂಗಳ ಅವಧಿಯಲ್ಲಿಯೇ ನಡೆದು ಹೋಯಿತು... ರಾಘವನ ಜೊತೆ ಮಗಳು ಬಹಳ ಸಂತೋಷದಿಂದ ದಿನ ಕಳೆಯುತ್ತಾಳೆ ಎನ್ನುವ ನಂಬಿಕೆ ಹಾಗೂ ಖುಷಿಯಲ್ಲಿ ಇದ್ದರು....

ಆದರೆ ಅದೃಷ್ಟ ಬೇರೆಯೇ ಆಗಿತ್ತು....

ಸುಂದರ ಜೀವನದ ಕನಸು ಕಂಡ ಆನಂದಿಯ ಬದುಕಲ್ಲಿ ಆ ಕನಸುಗಳು ಬಹಳ ದಿನಗಳವರೆಗೆ ಉಳಿದಿರಲಿಲ್ಲ. ನಿತ್ಯವೂ ಕುಡಿದು ಬರುತ್ತಿದ್ದ ರಾಘವನ ಚಟದಿಂದ ಆನಂದಿ ಬೇಸತ್ತಿದ್ದಳು. ವಿವಾಹವಾಗಿ ಎರಡು ತಿಂಗಳಲ್ಲಿಯೇ ರಾಘವ ತನ್ನ ನಿಜ ರೂಪವನ್ನು ತೋರಲು ಪ್ರಾರಂಭಿಸಿದ್ದ. ಜೊತೆಗೆ ಆನಂದಿಗೆ ಹೊಡೆಯುತ್ತಿದ್ದ. ಇದನ್ನು ಸಹಿಸಿಕೊಳ್ಳದ ಆನಂದಿ ವಿವಾಹದ ಜೀವನಕ್ಕೆ ಪೂರ್ಣವಿರಾಮ ಇಡಲು ಮುಂದಾದಳು...

ವಿವಾಹ ಬಂಧನ ಒಡೆಯಿತು...

ಕುಡಿತದ ಚಟಕ್ಕೆ ದಾಸನಾದ ರಾಘವನವ ಜೊತೆಗೆ ಜೀವನ ಕಷ್ಟವಾದ ಕಾರಣ ಆನಂದಿ ವಿಚ್ಛೇದನಕ್ಕೆ ಮುಂದಾದಳು. ಅವಳ ಈ ಕಾರ್ಯಕ್ಕೆ ಮನೆಯವರ ಅನುಮತಿಯನ್ನು ಪಡೆದಳು. ಕೆಲವು ತಿಂಗಳಲ್ಲಿ ವಿಚ್ಛೇದನವನ್ನು ಪಡೆದಳು. ಸಂಬಂಧ ವಿಚ್ಛೇದನದಲ್ಲಿ ಮುಕ್ತಾಯವನ್ನು ಕಂಡಿತ್ತಾದರೂ ಮನಸ್ಸು ನೋವಿನಿಂದ ಒದ್ದಾಡುತ್ತಿತ್ತು. ಅಲ್ಲದೆ ಬಂಧುಗಳೆಲ್ಲರೂ ತಲೆಗೊಂದರಂತೆ ಮಾತನಾಡಲು ಪ್ರಾರಮಭಿಸಿದರು...

ಚಿಕಿತ್ಸೆಗೆ ಶರಣಾದಳು...

ಮಗಳು ಮಾನಸಿಕವಾಗಿ ಕುಂದಿರುವ ಸ್ಥಿತಿಯನ್ನು ನೋಡಲಾಗದೆ ಪಾಲಕರು ಮನೋವೈದ್ಯರಲ್ಲಿ ಚಿಕಿತ್ಸೆ ಕೊಡಿಸಲು ಮುಂದಾದರು. ಅವರ ನಿರೀಕ್ಷೆಯಂತೆ ಆಗಷ್ಟೆ ತನ್ನ ವಿದ್ಯಾಭ್ಯಾಸ ಮುಗಿಸಿ ವೃತ್ತಿಯನ್ನು ಆರಂಭಿಸಿದ ಡಾ. ಅಮನ್ ಕೌಶಿಕ್ ಅವರ ಬಳಿ ಹೋದರು. ಆನಂದಿಗೆ ಥೆರಪಿಯನ್ನು ನೀಡಲು ವೈದ್ಯರು ಪ್ರಾರಂಭಿಸಿದರು. ಸೂಕ್ತ ಚಿಕಿತ್ಸೆಯ ನಂತರ ಆನಂದಿ ಮೊದಲಿನಂತೆಯೇ ಮಾನಸಿಕವಾಗಿ ಚೇತರಿಕೆ ಕಂಡಳು.

ಪಾಲಕರ ನಿರ್ಣಯವಾತ್ತು...

ಚಿಕ್ಕ ವಯಸ್ಸಿನಲ್ಲಿಯೇ ವಿವಾಹವನ್ನು ಮಾಡಿ ಬಹಳ ಮಾನಸಿಕ ನೋವನ್ನು ಅನುಭವಿಸುವಂತೆ ಮಾಡಿದೆವು, ಮತ್ತೆ ವಿವಾಹ ಎನ್ನುವ ಸುಳಿಗೆ ಸಿಲುಕಿ, ಮಾನಸಿಕ ಗೊಂದಲ ಹಾಗೂ ನೋವಿಗೆ ಒಳಗಾಗಬಾರದು ನಮ್ಮ ಮಗಳು ಎಂದು ಪಾಲಕರು ನಿರ್ಧರಿಸಿದ್ದರು.

ವಿಧಿ ಬೇರೆಯೇ ಹೇಳಿತ್ತು...

ಆನಂದಿಯನ್ನು ಇಷ್ಟ ಪಟ್ಟ ಡಾ. ಅಮನ್ ಆಕೆಯೊಂದಿಗೆ ವಿವಾಹವಾಗಲು ಬಯಸುತ್ತಿದ್ದರು. ಆನಂದಿಯನ್ನು ವಿವಾಹವಾಗುವುದಾಗಿ ಹಾಗೂ ಆಕೆಯ ಜವಾಬ್ದಾರಿಯನ್ನು ನಿರ್ವಹಿಸುವುದಾಗಿ ಆನಂದಿಯ ಪಾಲಕರಲ್ಲಿ ಹೇಳಿದರು. ಅವರ ಮಾತಿಗೆ ಒಪ್ಪಿಗೆಯನ್ನು ಸೂಚಿಸಿದ ಆನಂದಿಯ ತಂದೆ ತಾಯಿ ಅಮನ್ ಜೊತೆ ವಿವಾಹ ಮಾಡಿಕೊಟ್ಟರು.

ಇದೀಗ ಸಂತೋಷದ ಬದುಕನ್ನು ನಡೆಸುತ್ತಿದ್ದಾರೆ...

ಪರಸ್ಪರ ಪ್ರೀತಿಯನ್ನು ಅರಿತುಕೊಂಡು ಜೀವನ ನಡೆಸುತ್ತಿದ್ದ ಈ ಜೋಡಿ ಇದೀಗ ಸುಂದರ ಮಗುವನ್ನು ಪಡೆದುಕೊಂಡಿದ್ದಾರೆ. ಸಂತೋಷದ ಬದುಕನ್ನು ಮುಂದುವರಿಸುತ್ತಿದ್ದಾರೆ...