ಆತ ಇನ್ನೂ ಹೀಗೆಲ್ಲಾ ಮಾಡುತ್ತಿದ್ದರೆ, ಮಕ್ಕಳಾಟ ಬಿಟ್ಟಿಲ್ಲ ಎಂದರ್ಥ!

ಆತ ಕುಡಿದು ತೂರಾಡಬಹುದು...ಹುಚ್ಚನಂತೆ...

ಎಲ್ಲಾ ಸಮಯದಲ್ಲೂ ಕುಡಿದು ತೂರಾಡುವುದು ಮತ್ತು ಮಕ್ಕಳಂತೆ ವರ್ತಿಸುವುದು ಸರಿಯಾದ ನಡವಳಿಕೆಯಲ್ಲ. ಆತ ಕವನಗಳನ್ನು ಬರೆದು ನಿಮ್ಮ ಸೌಂದರ್ಯವನ್ನು ಹೊಗಳಬಹುದು. ಆದರೆ ಆತ ಅಮಲೇರಿದ ಸ್ಥಿತಿಯಲ್ಲಿರುತ್ತಾನೆ. ಒಂದು ದಿನ ಇದೆಲ್ಲವೂ ನಿಮಗೆ ತುಂಬಾ ಕೆಟ್ಟದಾಗಿ ಕಾಣಬಹುದು.

ಆತ ಪ್ರತಿಯೊಬ್ಬರನ್ನು ಗೇಲಿ ಮಾಡಬಹುದು

ಆರಂಭದಲ್ಲಿ ಇದು ತುಂಬಾ ತಮಾಷೆಯಾಗಿ ಕಾಣಿಸಬಹುದು. ಆದರೆ ಸಮಯ ಕಳೆದಂತೆ ಇದು ನಿಮಗೆ ಕೂಡ ತುಂಬಾ ಕೆಟ್ಟ ಭಾವನೆ ಮೂಡಿಸಬಹುದು. ಗೇಲಿ ಮಾಡುವುದು ಮತ್ತು ಇತರರ ಬಗ್ಗೆ ಕೆಟ್ಟದಾಗಿ ಮಾತನಾಡುವುದು ಪ್ರೌಢತೆಯ ಲಕ್ಷಣವಲ್ಲ. ಆತ ಬೆಳೆಯಬೇಕು.

ಹಣವನ್ನು ನೀರಿನಂತೆ ಖರ್ಚು ಮಾಡುತ್ತಾನೆ

ಹೌದು, ಇದು ನಿಮಗೆ ಖುಷಿ ನೀಡಬಹುದು. ಆದರೆ ಇದೇ ಗುಣವು ಆರ್ಥಿಕ ಮುಗ್ಗಟ್ಟನ್ನು ಉಂಟು ಮಾಡಬಹುದು. ಇದರಿಂದ ಭವಿಷ್ಯಕ್ಕೆ ತೊಂದರೆಯಾಗಬಹುದು. ಇಂದು ಆತ ನಿಮ್ಮ ಉಡುಗೊರೆಗಳಿಗೆ ಹಣ ವ್ಯಯಿಸುತ್ತಾ ಇರಬಹುದು. ಆದರೆ ಮುಂದೆ ಆತ ನಿಮ್ಮಿಬ್ಬರ ಭವಿಷ್ಯಕ್ಕಾಗಿ ಹಣ ಉಳಿಸಬೇಕು.

ಆತ ಕೆಲವು ಮುಟ್ಠಾಳತನದ ಪ್ರಶ್ನೆ ಕೇಳುತ್ತಾನೆಯಾ?

ಕೆಲವು ಸಲ ಹಠಾತ್ ಆಗಿ ಕರೆ ಮಾಡಿ ಅನ್ನ ಮಾಡುವುದು ಹೇಗೆ ಎಂದು ಪ್ರಶ್ನಿಸುತ್ತಾನೆಯಾ? ಇದು ನಿಮಗೆ ತುಂಬಾ ಮುದ್ದಾದ ಪ್ರಶ್ನೆ ಎಂದೆನಿಸಬಹುದು. ಇದು ಸರಿ. ಆದರೆ ಇದೇ ರೀತಿಯ ಪೆದ್ದು ಪೆದ್ದಾದ ಪ್ರಶ್ನೆ ಕೇಳುತ್ತಿದ್ದರೆ ನೋ ಎನ್ನಿ.

ಹಠ ಹಿಡಿಯುತ್ತಾನೆ!

ಇದು ಖಂಡಿತವಾಗಿಯೂ ಮಕ್ಕಳಾಟ. ಮಕ್ಕಳು ಮಾತ್ರ ತಮ್ಮ ವಾದ ಅಥವಾ ಏನಾದರೂ ಪಡೆಯಲು ಹೀಗೆ ಹಠ ಹಿಡಿಯುವರು. ಡೇಟಿಂಗ್ ಮಾಡುವಂತಹ ಪುರುಷರು ಬೆಳೆಯಬೇಕು ಮತ್ತು ಹೇಗೆ ವರ್ತಿಸಬೇಕೆಂದು ಕಲಿಯಬೇಕು. ಆತ ಇದರ ಬಗ್ಗೆ ಮಾತನಾಡಬೇಕು.

ತನ್ನ ಸೌಂದರ್ಯದ ಬಗ್ಗೆ ಹೆಚ್ಚಿನ ಕಾಳಜಿ

ಆತ ಸುಂದರವಾಗಿ ಕಾಣಬೇಕೆನ್ನುವುದು ನಿಜ. ಆದೆ ಯಾವಾಗಲೂ ಆತ ಕನ್ನಡಿ ಮುಂದೆ ಇರುವುದು ಸರಿಯಲ್ಲ. ಆತ ಬೆಳೆಯಬೇಕು ಮತ್ತು ಸ್ವಯಂಗೀಳು ಕಡಿಮೆ ಮಾಡಬೇಕು. ಇದು ರೋಗವಾಗಬಹುದು.

ನಿಮ್ಮ ತಂದೆಗೆ ಹೆದರುತ್ತಾನಾ?

ಆತ ಒಂದು ದಿನ ನಿಮ್ಮ ಮನೆಗೆ ಬಂದು ನಿಮ್ಮ ತಂದೆಯಲ್ಲಿ ಮಾತನಾಡಲೇಬೇಕು. ಇದಕ್ಕಾಗಿ ಆತ ಪುರುಷನಾಗಬೇಕು.

ನೀವು ಗಂಭೀರವಾಗಿದ್ದಾಗ ಜೋಕ್ಸ್ ಹೇಳುತ್ತಾನಾ?

ಇದು ಒಳ್ಳೆಯ ವಿಷಯವಲ್ಲ. ಆತ ಪ್ರೌಢನಾಗಬೇಕು. ನೀವು ಚರ್ಚೆ ಮಾಡುತ್ತಿರುವ ವಿಷಯದ ಗಂಭೀರತೆಯನ್ನು ಆತ ಅರ್ಥ ಮಾಡಿಕೊಳ್ಳಬೇಕು.

ನಿಮಗೆ ಮನಸ್ದಿಲ್ಲದಿದ್ದರೆ ತುಂಬಾ ಹತ್ತಿರಕ್ಕೆ ಬರುತ್ತಾನೆಯಾ?

ಆತನ ಈ ಗುಣಗಳನ್ನು ನೀವು ಇಂದು ಇಷ್ಟಪಡಬಹುದು. ಆದರೆ ಮುಂದೆ ನೀವು ತಾಳ್ಮೆ ಕಳೆದುಕೊಂಡು ಆತನ ಕೆನ್ನೆಗೆ ಬಾರಿಸಲು ಬಯಸಬಹುದು.

ಆತ ಚತುರನೆಂದು ತೋರಿಸಿಕೊಳ್ಳುತ್ತಾನಾ?

ತುಂಬಾ ಚತುರನಂತೆ ವರ್ತಿಸಿ ನಿಮ್ಮನ್ನು ಆಕರ್ಷಿಸಲು ಪ್ರಯತ್ನಿಸುವಂತಹದ್ದು ದೀರ್ಘ ಕಾಲ ತನಕ ಉಳಿಯದು. ಆತ ತುಂಬಾ ಬಾಲಕನಂತೆ ವರ್ತಿಸುವ ಬದಲು ಪ್ರೌಢತೆ ಪ್ರದರ್ಶಿಸಬೇಕು ಮತ್ತು ನಿಮ್ಮ ಜೀವನದ ಸಂಗಾತಿಯಾಗಬೇಕು.