ಕಿಸ್ ಕೊಡುವಾಗ ತಲೆ ಬಲಕ್ಕೆ ತಿರುಗುವುದು ಯಾಕೆ?

ಅಧ್ಯಯನಗಳು ಏನು ಹೇಳುತ್ತವೆ

ಹೆಚ್ಚಾಗಿ ಮಹಿಳೆಯರಿಗಿಂತ ಮೊದಲು ಪುರುಷರು ಕಿಸ್ ನೀಡಲು ಮುಂದಾಗುತ್ತಾರೆ ಎಂದು ಅಧ್ಯಯನವೊಂದು ಹೇಳಿದೆ. ಹೀಗೆ ಮಾಡುವಾಗ ಅವರು ತಮ್ಮ ತಲೆಯನ್ನು ಬಲಕ್ಕೆ ತಿರುಗಿಸುವರು. ಇದು ನಮಗೆ ಗೊತ್ತಿಲ್ಲದಂತೆ ನಡೆಯುವಂತೆ ಕ್ರಿಯೆ ಯಾಗಿದೆ. ಆರಂಭದಿಂದ.... ಹಿಂದಿನಿಂದಲೂ ಮನುಷ್ಯರು ಬಲಗೆ ತಿರುಗುವಂತಹ ಸ್ವಭಾವ ಬೆಳೆಸಿಕೊಂಡು ಬಂದಿದ್ದಾರೆ. ಗರ್ಭದಲ್ಲಿರುವ ಭ್ರೂಣದ ತಲೆ ಕೂಡ ಬಲದ ಬದಿಗೆ ತಿರುಗುವುದು. ಬೆಳೆದಂತೆ ನಾವು ಕೂಡ ಯಾವುದೇ ಕ್ರಿಯೆಗಳಿಗೆ ಬಲದ ಕೈ ಅಥವಾ ಬಲದ ಕಾಲನ್ನು ಮೊದಲು ಮುಂದೆ ತರುತ್ತೇವೆ.

ಬೇರೂರಿರುವ ಸ್ವಭಾವಗಳು

ಕೆಲವೊಂದು ಸ್ವಭಾವಗಳು ನಮ್ಮಲ್ಲಿ ಆಳವಾಗಿ ಬೇರೂರಿದೆ. ಇದನ್ನು ನಾವು ಜೀವಮಾನವಿಡಿ ಮುಂದುವರಿಸಿಕೊಂಡು ಹೋಗುತ್ತೇವೆ. ನಮ್ಮ ಮಧ್ಯ ಪ್ರವೇಶವಿಲ್ಲದೆ ನಡೆಯುವಂತಹ ಇಂತಹ ನೈಸರ್ಗಿಕ ಚಟುವಟಿಕೆಗಳನ್ನು ನಾವು ಪ್ರಶ್ನಿಸಲು ಹೋಗುವುದಿಲ್ಲ.

ಅಧ್ಯಯನಗಳು

ಅಧ್ಯಯನದ ಪ್ರಕಾರ ಕೆಲವು ದಂಪತಿಗೆ ಖಾಸಗಿಯಾಗಿ ಕಿಸ್ ಮಾಡಲು ಸೂಚಿಸಲಾಯಿತು. ಅಚ್ಚರಿಯ ವಿಷಯವೆಂದರೆ ಇದರಲ್ಲಿ ಎಲ್ಲಾ ಜೋಡಿಯು ತಮ್ಮ ತಲೆಯನ್ನು ಬಲ ಭಾಗಕ್ಕೆ ತಿರುಗಿಸುವ ಮೂಲಕ ಕಿಸ್ ನೀಡಿದರು. ಕಿಸ್ ನೀಡುವವರು ಹಾಗೂ ಪಡೆಯುವವರು ಮರು ಯೋಚಿಸದೆ ತಲೆಯನ್ನು ಬಲಕ್ಕೆ ತಿರುಗಿಸಿದ್ದರು.

ಆರಂಭಿಕರ ಕ್ರಮ

ಕಿಸ್ ನೀಡಲು ಮುಂದಾಗುವ ವ್ಯಕ್ತಿಯು ತಲೆಯನ್ನು ಬಲ ಭಾಗಕ್ಕೆ ತಿರುಗಿಸಲು ಮುಂದಾದಾಗ ಪಡೆಯುವಂತಹ ವ್ಯಕ್ತಿ ಕೂಡ ತಲೆಯನ್ನು ಬಲ ಭಾಗಕ್ಕೆ ತಿರುಗಿಸುತ್ತಾನೆ.

ಮೆದುಳಿನ ಚಟುವಟಿಕೆ

ಇದು ನೋಡಲು ನಮಗೆ ತುಂಬಾ ಸರಳು ಚಟುವಟಿಕೆಯೆಂದು ಅನಿಸಬಹುದು. ಆದರೆ ಇದರಲ್ಲಿ ಹಲವಾರು ರೀತಿಯ ಮೆದುಳಿನ ಚಟುವಟಿಕೆಗಳು ಒಳಗೊಂಡಿದೆ.

ಹಾರ್ಮೋನುಗಳು

ಟೆಸ್ಟೋಸ್ಟೆರಾನ್ ಮತ್ತು ಡೋಪಿನ್ ನಂತಹ ಹಾರ್ಮೋನುಗಳು ಈ ಚಟುವಟಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸಿವೆ ಎಂದು ಅಧ್ಯಯನಗಳು ಹೇಳಿವೆ. ಆದರೆ ಯಾವಾಗಲೂ ಎಡಗೈಯಲ್ಲಿ ಕೆಲಸ ಮಾಡುವವರು ಈ ಸಂದರ್ಭದಲ್ಲಿ ಎಡ ಬದಿಗೆ ತಿರುಗಬಹುದು.