ಶಬ್ದಗಳಿಲ್ಲದೆ ಪ್ರೀತಿ ತೋರಿಸುವ ಮಾರ್ಗ ನಿಮಗೆ ಗೊತ್ತಿದೆಯಾ?

ಹೀಗೆ ಒಮ್ಮೆ ಮಾಡಿ...

ಗಂಡನಿಗೆ ನಿಮ್ಮ ಪ್ರೀತಿಯನ್ನು ತೋರಿಸಬೇಕು ಎಂದು ಕವನ ಅಥವಾ ಹೊಗಳಬೇಕೆಂದೇನೂ ಇಲ್ಲ. ಹೊರಗಡೆ ಕೆಲಸ ಮುಗಿಸಿ ಮನೆಗೆ ಬಂದ ತಕ್ಷಣ ಮನೆಕೆಲಸದ ಬಗ್ಗೆ ಅಥವಾ ಅಗತ್ಯ ವಸ್ತುಗಳ ಖರೀದಿ ಪಟ್ಟಿಯನ್ನು ಮುಂದಿಡಬೇಡಿ. ಮನೆಗೆ ಬಂದಾಗ ಸಂತೋಷದಿಂದ ಬರಮಾಡಿಕೊಳ್ಳಿ. ಮೊದಲು ಒಂದು ಗ್ಲಾಸ್ ನೀರನ್ನು ನೀಡಿ...ಸ್ವಲ್ಪ ಸಮಯ ವಿಶ್ರಮಿಸಲು ಬಿಡಿ. ನಂತರ ಅಗತ್ಯ ವಸ್ತುಗಳ ಬಗ್ಗೆ ಮಾತನಾಡಿ. ಯಾವುದೇ ಪದಗಳ ಬಳಕೆ ಮಾಡದೆ ತೋರುವ ಕಾಳಜಿಯು ಪ್ರೀತಿಯನ್ನು ಹೆಚ್ಚಿಸುತ್ತದೆ.

ಒಳ್ಳೆಯ ಕೇಳುಗರಾಗಿ

ನಮ್ಮವರು ಎಂದಾಗ ನಮಗೆ ತೋಚಿದನ್ನೆಲ್ಲಾ ಹೇಳಿಕೊಳ್ಳಲು ಇಷ್ಟಪಡುತ್ತೇವೆ. ಅದರಲ್ಲೂ ಪತಿ ಎಂದಾಗ ಆಫೀಸ್‍ನಲ್ಲಿ ನಡೆದ ಎಲ್ಲಾ ವಿಚಾರಗಳು, ಅಲ್ಲಿಯ ರಾಜಕೀಯ, ಸ್ನೇಹಿತೆಯ ಸಂಸಾರದ ವಿಚಾರ ಹೀಗೆ ಹಿಂದೆ ಮುಂದೆ ವಿಚಾರ ಮಾಡದೆ ಹೇಳುತ್ತಿರುತ್ತಾರೆ. ಈ ರೀತಿ ಮಾತುಗಳು ನೈಸರ್ಗಿಕವಾಗಿ ಬೇಸರವನ್ನುಂಟು ಮಾಡುವುದು ಸಹಜ. ಆದರೆ ಪತಿಯಾಗಿ ಅವುಗಳನ್ನು ಕೇಳಿಸಿಕೊಂಡು ಪ್ರತಿಕ್ರಿಯಿಸಿದರೆ ಅದು ನೀವು ಶಬ್ದವಿಲ್ಲದೆ ತೋರುವ ಪ್ರೀತಿಯ ಪರಿಯನ್ನು ಬಿಂಬಿಸುತ್ತದೆ.

ಇತರರೊಂದಿಗೆ ಖುಷಿಯಾಗಿರಲು ಬಿಡಿ

ನೀವು ಅತಿಯಾದ ತಲೆನೋವಿನೊಂದಿಗೆ ಮನೆಗೆ ಬಂದಿದ್ದೀರಾ... ಹೆಂಡತಿಯ ಬಳಿ ತಲೆಯ ಮಸಾಜ್ ಮಾಡುವಂತೆ ಹೇಳಬೇಕು ಎಂದು ಅಂದುಕೊಂಡಿರುತ್ತೀರಿ. ಆದರೆ ನೀವು ಆಕೆಯ ಬಳಿ ಹೇಳುವ ಮೊದಲು ಅವಳು ನಿಮ್ಮ ಬಳಿ ತವರಿಗೆ ಹೋಗುವ ವಿಚಾರ ಮುಂದಿಡುತ್ತಾಳೆ. ನೀವು ನಿಮ್ಮ ತಲೆ ನೋವಿನ ವಿಷಯ ಹೇಳಿದರೆ ಅವರು ಖಂಡಿತ ತಮ್ಮ ನಿರ್ಧಾರವನ್ನು ಬದಲಿಸುತ್ತಾರೆ. ಅದರ ಬದಲು ಅವರು ಅನೇಕ ದಿನದ ಬಳಿಕ ತಂದೆ ತಾಯಿಯನ್ನು ಭೇಟಿಯಾಗಲು ಹೋಗುವುದಕ್ಕೆ ಸಮ್ಮತಿಸುವುದು ನಿಮ್ಮ ಪ್ರೀತಿಯ ತೋರಿಸುವ ಒಂದು ಮೂಕ ಮಾರ್ಗ.

ಅವರ ಅಗತ್ಯವನ್ನು ಅರಿಯಿರಿ

ನಿಮ್ಮ ಬಟ್ಟೆಗಳೆಲ್ಲಾ ಟೆರೆಸ್ ಮೇಲೆ ಒಣಗಲು ಹಾಕಿದ್ದೀರಿ... ಮಳೆ ಹನಿಸಲು ಪ್ರಾರಂಭಿಸಿತು. ನಿಮ್ಮ ಬಟ್ಟೆಯನ್ನು ಮೊದಲು ತೆಗೆಯಬೇಕು ಎಂದು ಮನಸ್ಸು ಹೇಳುವುದು. ಆದರೂ ನೀವು ಮೊದಲು ಹೆಂಡತಿಯ ಬಟ್ಟೆಗಳನ್ನು ತೆಗೆದು ನಂತರ ನಿಮ್ಮ ಬಟ್ಟೆಯನ್ನು ತೆಗೆಯುತ್ತೀರಿ... ಆಗ ನಿಮ್ಮ ಹೆಂಡತಿ ನಿಮ್ಮ ಕೆಲಸವನ್ನು ಗಮನಿಸಿರುತ್ತಿರುತ್ತಾಳೆ. ನಿಮ್ಮ ಈ ಕೆಲಸವೇ ಶಬ್ದಗಳಿಲ್ಲದೆ ತೋರುವ ಕಾಳಜಿ ಹಾಗೂ ಪ್ರೀತಿಯನ್ನು ವ್ಯಕ್ತ ಪಡಿಸುತ್ತದೆ.

ಅಭಿನಂದಿಸಲು ಮರೆಯದಿರಿ

ಪತ್ನಿ ತಾನು ಹೊಸದಾಗಿ ತೆಗೆದುಕೊಂಡ ಹೊಸದಾದ ದುಬಾರಿ ಕೈಚೀಲವನ್ನು ನಿಮಗೆ ತೋರಿಸಲು ಬರುತ್ತಾಳೆ. ಆಗ ನೀವು ಇದೊಂದು ಹಣ ವ್ಯರ್ಥಮಾಡುವ ವಿಧಾನ ಎಂದು ಕಠಿಣ ಶಬ್ದ ಹೇಳುವುದನ್ನು ಬಿಟ್ಟು, ಸುಂದರವಾಗಿದೆ ಎಂದು ಆಕೆಯನ್ನು ಅಭಿನಂದಿಸಿ. ಆಗ ಅದು ಅವಳ ಭಾವನೆಗೆ ನೀಡುವ ಗೌರವ ಹಾಗೂ ಪ್ರೀತಿಯನ್ನು ತೋರಿಸುತ್ತದೆ.

ನಿರಾಶೆಗೊಂಡಾಗ ಪ್ರೋತ್ಸಾಹಿಸಿ

ನಿಮ್ಮ ಮನೆಯ ವಾಷಿಂಗ್ ಮಷಿನ್ ಹಾಳಾಗಿದೆ. ಅದನ್ನು ಸರಿ ಮಾಡುವ ಪ್ರಯತ್ನವನ್ನು ಪತಿ ಮಾಡುತ್ತಾರೆ. ಆದರೆ ಅದರಲ್ಲಿ ವಿಫಲಾರಗುತ್ತಾರೆ ಎಂದಾದರೆ ಆಗ ಪತ್ನಿಯಾಗಿ ನೀವು ಅವರ ಕೆಲಸದ ಬಗ್ಗೆ ಅಪಹಾಸ್ಯ ಮಾಡ ಬಾರದು. ಬದಲಿಗೆ ನನ್ನ ಕೆಲಸವನ್ನು ಸುಲಭ ಗೊಳಿಸಲು ಇಷ್ಟು ಕಷ್ಟ ಪಟ್ಟಿದ್ದೀರಿ ಎನ್ನುವ ಮಾತುಗಳನ್ನು ಹೇಳಿ ನಿರಾಶೆಗೊಂಡ ಮನಸ್ಸಿಗೆ ಪ್ರೋತ್ಸಾಹ ನೀಡಿ. ಆಗ ನಿಮ್ಮ ಪ್ರೀತಿಯು ಅರ್ಥವಾಗುವುದು.

ದೂರುವ ಬದಲು ಸಮಾಧಾನ ಮಾಡಿ

ಪತ್ನಿ ಇತ್ತೀಚೆಗೆ ಖರೀದಿಸಿದ ದುಬಾರಿ ಮೊಬೈಲ್ ಫೋನ್‍ಅನ್ನು ಕಳೆದುಕೊಂಡಿದ್ದಾರೆ... ಅದನ್ನು ಹೇಗೆ ಹುಡುಕುವುದು? ಏನು ಮಾಡುವುದು ಎನ್ನುವ ಚಿಂತೆಯಲ್ಲಿದ್ದಿದ್ದಾರೆ... ಅಂತಹ ಸಮಯದಲ್ಲಿ ನೀವು ಅವರ ಬೇಜವಾಬ್ದಾರಿ ಅಥವಾ ನಿಷ್ಕಾಳಜಿಯ ಬಗ್ಗೆ ಮಾತನಾಡಬೇಡಿ. ಬದಲಿಗೆ ಕೆಲವೊಮ್ಮೆ ಆಗುತ್ತದೆ ಎನ್ನುವ ಪದಗಳ ಮೂಲಕ ಸಂತೈಸಿ. ಆಗ ನಿಮ್ಮ ಪ್ರೀತಿ ಮತ್ತು ಕಾಳಜಿಯು ನಿಮ್ಮ ಸಂಬಂಧವನ್ನು ಗಟ್ಟಿಗೊಳಿಸುತ್ತದೆ.