ಆ ದಿನದ ಗುಟ್ಟು, ಎಂದೆಂದಿಗೂ ಗುಟ್ಟಾಗಿಯೇ ಇರಲಿ!

ನಿಮ್ಮ ಪ್ರಥಮ ಚುಂಬನ

ಬಹುಶಃ ಹಲವರ ಜೀವನದಲ್ಲಿ ಆ ಪ್ರಥಮ ಚುಂಬನವು ತಾರುಣ್ಯದ ಅವಧಿಯಲ್ಲಿ, ಅದು ಯಾವುದೋ ರೂಪದಲ್ಲಿ ಬಂದಿರುತ್ತದೆ. ಕೆಲವರು ಇದನ್ನು ಹೇಳಿಕೊಳ್ಳುತ್ತಾರೆ. ಇನ್ನೂ ಕೆಲವರು ಇದನ್ನು ಹೇಳಿಕೊಳ್ಳುವುದಿಲ್ಲ. ಈ ರಹಸ್ಯವು ಅವರೊಳಗೆ ಒಂದು ರೋಮಾಂಚನವಾಗಿ ಉಳಿದುಕೊಂಡು ಬಿಟ್ಟಿರುತ್ತದೆ.

ಆ ದಿನಗಳು.....

ಆ ದಿನಗಳಲ್ಲಿ ತಾವು ಯಾರ ಯಾರ ಜೊತೆಗೆ ಸುತ್ತಾಡಿದೆವು ಎಂಬ ಅಂಶವನ್ನು ಯಾರೂ ತಮ್ಮ ಸಂಗಾತಿಗೆ ಹೇಳಿಕೊಳ್ಳುವುದಿಲ್ಲ. ಇದು ನಿಜಕ್ಕೂ ಸಂಬಂಧ ಮುರಿಯುವ ಸಂಗತಿ. ಓಡಾಡಿದರು ಎಂದ ಮಾತ್ರಕ್ಕೆ ತಪ್ಪಾಗಿ ಆ ಸಂಬಂಧವನ್ನು ದುರುಪಯೋಗಪಡಿಸಿಕೊಂಡರು ಎಂದರ್ಥವಲ್ಲ. ಆದರೆ ತಾರುಣ್ಯದ ಆ ದಿನಗಳ ಕುರಿತಾಗಿ ಕೆಲವಾದರು ರಹಸ್ಯಗಳು ಇದ್ದೇ ಇರುತ್ತವೆ. ಅದನ್ನು ತಮ್ಮ ಸಂಗಾತಿಯಿಂದ ಬಹುತೇಕ ಜನ ಮುಚ್ಚಿಡುತ್ತಾರೆ.

ಕೆಲವೊಂದು ಚಟಗಳು

ಮನುಷ್ಯ ಮೊದಲು ಚಟಗಳನ್ನು ಮಾಡಿಕೊಳ್ಳುತ್ತಾನೆ. ಆಮೇಲೆ ಚಟಗಳು ಅವನನ್ನು ನಿಯಂತ್ರಿಸುತ್ತವೆ ಎಂಬ ನಾಣ್ಣುಡಿ ಇದೆ. ಆದರೆ ಸುಮಾರು ಜನ ತಮ್ಮ ಚಟಗಳನ್ನು ತಮ್ಮ ಸಂಗಾತಿಯ ಮುಂದೆ ತೋರಿಸದೆ ರಹಸ್ಯವಾಗಿ ಕಾಪಾಡಿಕೊಂಡಿರುತ್ತಾರೆ.

ಕೌಟುಂಬಿಕ ಸಮಸ್ಯೆಗಳು

ಮನೆಯಲ್ಲಿ ಹೆಂಡತಿ ಬರುವ ಮುನ್ನ ಮತ್ತು ಬಂದ ಮೇಲೆ ಹಲವಾರು ಸಮಸ್ಯೆಗಳು ಕಾಣಿಸಿಕೊಂಡಿರುತ್ತವೆ. ಹಲವನ್ನು ಹೇಳುತ್ತಾರೆ ಮತ್ತು ಇನ್ನೂ ಹಲವನ್ನು ಮುಚ್ಚಿಡುತ್ತಾರೆ ಗಂಡಸರು. ಇದೇ ಮಾತು ಹೆಂಡತಿಯು ತನ್ನ ತವರು ಮನೆಯ ಕುರಿತಾಗಿ ಸತ್ಯ ಮಾಡುತ್ತಾಳೆ. ಇನ್ನೂ ಕೆಲವೊಮ್ಮೆ ಕೌಟುಂಬಿಕ ಜಗಳಗಳ ಕಾರಣವನ್ನು ಬಹುತೇಕ ಮಂದಿ ರಹಸ್ಯವಾಗಿ ಇಟ್ಟಿರುತ್ತಾರೆ.

ಹುಚ್ಚು ಹಂಬಲಗಳು

ಕೆಲವೊಂದು ಹುಚ್ಚು ಹಂಬಲಗಳು ಇರುತ್ತವೆ. ಅದನ್ನು ಎಲ್ಲರೂ ಎಲ್ಲರಿಗೂ ಹೇಳಿ ಅರ್ಥ ಮಾಡಿಸಲು ಆಗುವುದಿಲ್ಲ. ಅದಕ್ಕಾಗಿ ಅವನ್ನು ರಹಸ್ಯವಾಗಿ ತಮ್ಮಲ್ಲಿಯೇ ಇರಿಸಿಕೊಂಡಿರುತ್ತಾರೆ. ಕೇಳಿದವರು ನಗಬಹುದು ಎಂಬ ಕಾರಣಕ್ಕೆ!. ಇದು ಕೆಟ್ಟದ್ದಾಗಿರುವುದಿಲ್ಲ, ಆದರೆ ಕೇಳಿದವರು ವಿಚಿತ್ರವಾಗಿ ನೋಡುವಂತಹ ವಿಕೃತ ಆಸೆಗಳಾಗಿರುತ್ತವೆ.