For Quick Alerts
ALLOW NOTIFICATIONS  
For Daily Alerts

ದೀಪಾವಳಿ ಹಬ್ಬದ ಸಂಭ್ರಮಕ್ಕಾಗಿ ಸಿಹಿ ಸಮೋಸ ರೆಸಿಪಿ

By Manu
|

ಪ್ರತಿ ವರ್ಷ ಆಗಸ್ಟ್ ತಿಂಗಳಿಂದ ಹಿಡಿದು, ನವೆಂಬರ್ ತಿಂಗಳವರೆಗೂ ಹಬ್ಬಗಳ ಸಂಭ್ರಮಕ್ಕೆ ಬರವಿಲ್ಲದ ತಿಂಗಳು ಅಂತಾನೆ ಹೇಳಬಹುದು, ಏಕೆಂದರೆ ಈ ಮಾಸದಲ್ಲಿ ಹಬ್ಬಗಳು, ಸಾಲು, ಸಾಲಾಗಿ ಒಂದರ ಹಿಂದೆ ಒಂದರಂತೆ ಧಾವಿಸುತ್ತಲೇ ಇರುತ್ತದೆ. ಇನ್ನೇನು ದೀಪಗಳ ಹಬ್ಬ ದೀಪಾವಳಿಗೆ ಕೆಲವೇ ಕೆಲವು ದಿನಗಳು ಬಾಕಿ ಇದೆ. ಅಲ್ಲದೆ ಹಬ್ಬದ ಸಂಭ್ರಮವನ್ನು ಇಮ್ಮಡಿಗೊಳಿಸುವ ವರ್ಣರಂಜಿತ ಪಟಾಕಿಗಳ ಆರ್ಭಟ, ಬಗೆ ಬಗೆಯ ಸಿಹಿತಿಂಡಿ, ವಿಶೇಷ ಪೂಜೆ ಪುನಸ್ಕಾರಗಳ ದೀಪಾವಳಿಯನ್ನು ಸ್ವಾಗತಿಸಲು ಎಲ್ಲರೂ ತುದಿಗಾಲಲ್ಲಿ ಕಾಯುತ್ತಿದ್ದಾರೆ.

ಇನ್ನು ಹಬ್ಬದ ಸಂಭ್ರಮದಲ್ಲಿ ಮಗ್ನರಾದರೆ ಮಾತ್ರ ಸಾಕೇ ಮನೆಗೆ ಬಂದ ಅತಿಥಿಗಳ ಕಡೆಗೂ ವಿಶೇಷ ಗಮನವನ್ನು ನೀಡಬೇಕಾಗುತ್ತದೆ ಅಲ್ಲವೇ? ಅವರಿಗೆ ಇಷ್ಟವಾದ ಸಿಹಿಯನ್ನು ಮಾಡುವುದು, ಅವರ ಮುಖದಲ್ಲಿ ತೃಪ್ತಿಯ ನಗುವನ್ನು ಕಾಣುವುದು ಪ್ರತಿಯೊಬ್ಬ ಮನೆಯೊಡತಿಯ ಆಸೆಯಾಗಿರುತ್ತದೆ. ತಮ್ಮ ಮನೆಗೆ ಬಂದವರು ಹಬ್ಬದಡುಗೆಯನ್ನು ಉಂಡು ನಮ್ಮೊಂದಿಗೆ ಹರ್ಷದೊಂದಿಗೆ ಬೆರೆಯಬೇಕು ಎಂಬುದಾಗಿ ಅಂದುಕೊಂಡಿರುತ್ತಾರೆ. ದೀಪಾವಳಿಗೆ 7 ಬಗೆಯ ಸಿಹಿತಿಂಡಿಗಳ ರೆಸಿಪಿ

Deepavali special: mouthwatering sweet samosa

ಹಾಗಿದ್ದರೆ ಯಾವ ಖಾದ್ಯ ತಿಂಡಿಯನ್ನು ತಯಾರಿಸುವುದೆಂದು ಚಿಂತಿಸದಿರಿ. ನಿಮ್ಮ ಸ್ವಾದವನ್ನು ಪರಿಪೂರ್ಣಗೊಳಿಸುವುದರ ಜೊತೆಗೆ ಮನೆಗೆ ಬರುವ ಅತಿಥಿಗಳನ್ನು ಸಂತೃಪ್ತಿಪಡಿಸಲು ಮತ್ತು ಹಬ್ಬದ ವಾತಾವರಣವನ್ನು ಇನ್ನಷ್ಟು ಸಿಹಿಗೊಳಿಸಲು ಸಿಹಿ ಸಮೋಸ ರೆಸಿಪಿ ತಯಾರಿಕೆಯನ್ನು ಇಂದಿನ ಲೇಖನದಲ್ಲಿ ನಾವು ನಿಮಗೆ ತಿಳಿಸಿಕೊಡುತ್ತಿದ್ದೇವೆ. ಇಲ್ಲಿರುವ ತಯಾರಿ ವಿಧಾನವನ್ನು ಒಮ್ಮೆ ಚೆನ್ನಾಗಿ ಮನನ ಮಾಡಿಕೊಳ್ಳಿ. ತದನಂತರ ಸಮೋಸವನ್ನು ತಯಾರಿಸಿ. ಖಂಡಿತ ಇದು ನಿಮ್ಮ ಹಬ್ಬದ ಕಳೆಯನ್ನು ದುಪ್ಪಟ್ಟುಗೊಳಿಸುತ್ತದೆ.

ತಯಾರಿಕಾ ಪ್ರಮಾಣ: ಐವರಿಗೆ ಒಂದು ಹೊತ್ತಿಗಾಗುವಷ್ಟು

*ಸಿದ್ಧತಾ ಸಮಯ: ಇಪ್ಪತ್ತು ನಿಮಿಷಗಳು

*ತಯಾರಿಕಾ ಸಮಯ: ಹತ್ತು ನಿಮಿಷಗಳು

ಅಗತ್ಯವಿರುವ ಸಾಮಾಗ್ರಿಗಳು:

*ಮೈದಾ ಹಿಟ್ಟು: ಅರ್ಧ ಕೇಜಿ

*ಬೆಣ್ಣೆ : ಮೂರು ದೊಡ್ಡಚಮಚ

*ತುಪ್ಪ: ಮುನ್ನೂರು ಗ್ರಾಂ

ಒಳಗಣ ಹೂರಣಕ್ಕಾಗಿ:

*ಬಿಳಿ ಎಳ್ಳು: 1/3 ಚಿಕ್ಕ ಚಮಚ (ಕರಿ ಎಳ್ಳನ್ನೂ ಬಳಸಬಹುದು)

*ಖೋವಾ : ಕಾಲು ಕೇಜಿ (ಮಾವಾ ಎಂದೂ ಕರೆಯುತ್ತಾರೆ)

*ಒಣದ್ರಾಕ್ಷಿ: ಅರ್ಧ ಕಪ್

*ಸಕ್ಕರೆ: ಅರ್ಧ ಕಪ್

*ಕಾಯಿ ತುರಿ: ಒಂದು ಕಪ್

*ಗಸಗಸೆ: ಎರಡು ದೊಡ್ಡ ಚಮಚ

*ವೆನಿಲ್ಲಾ ಸುಗಂಧ: ½ ಚಿಕ್ಕ ಚಮಚ

*ಉಪ್ಪು ರುಚಿಗನುಸಾರ

ತಯಾರಿಸುವ ವಿಧಾನ:

*ಮೈದಾ, ಅರ್ಧದಷ್ಟು ಬೆಣ್ಣೆ ಮತ್ತು ಕೊಂಚ ಉಗುರುಬೆಚ್ಚನೆಯ ನೀರನ್ನು ಒಂದು ಪಾತ್ರೆಯಲ್ಲಿ ಹಾಕಿ ಚೆನ್ನಾಗಿ ಕಲಸಿ ಕೊಂಚ ಹೊತ್ತು ಹಾಗೇ ಬಿಡಿ. ನಾದಿರುವ ಹಿಟ್ಟು ಮೃದುವಾದ ಬಳಿಕ ಲಟ್ಟಿಸಿ ಅಗಲವಾದ ರೊಟ್ಟಿಗಳನ್ನು ತಯಾರಿಸಿ.

*ಚಾಕುವಿನಿಂದ ನಿಮಗಿಷ್ಟವಾದ ಗಾತ್ರದ ಮತ್ತು ಆಕೃತಿಯಲ್ಲಿ ಪಟ್ಟಿಗಳನ್ನು ತಯಾರಿಸಿಟ್ಟುಕೊಳ್ಳಿ.

*ಖೋವಾ, ಸಕ್ಕರೆ, ಎಳ್ಳು, ಕಾಯಿತುರಿ, ಗಸಗಸೆ ಮತ್ತು ವೆನಿಲ್ಲಾ ಸುಗಂಧಗಳನ್ನು ಚಿಕ್ಕ ಪಾತ್ರೆಯಲ್ಲಿ ಹಾಕಿ ಚೆನ್ನಾಗಿ ಕಲಸಿ. ಕತ್ತರಿಸಿಟ್ಟಿರುವ ಪಟ್ಟಿಗಳನ್ನು ನಿಮಗಿಷ್ಟವಾದ ಆಕೃತಿಯಲ್ಲಿ ಮಡಚಿ ಪೊಟ್ಟಣದಂತೆ ಮಾಡಿಕೊಳ್ಳಿ (ಜನಪ್ರಿಯವಾದ ಆಕೃತಿ ಎಂದರೆ ತ್ರಿಕೋಣ).

*ಈ ಪೊಟ್ಟಣದಲ್ಲಿ ಹೂರಣವನ್ನು ತುಂಬಿಸಿ ತೆರೆದಿರುವ ಅಂಚುಗಳನ್ನು ಕೊಂಚ ನೀರು ಸವರಿ ಒತ್ತಿ ಮುಚ್ಚಿಬಿಡಿ. (ಎಲ್ಲೂ ತೆರೆದಿರದಂತೆ ನೋಡಿಕೊಳ್ಳಿ, ಕೊಂಚ ತೆರೆದಿದ್ದರೂ ಎಣ್ಣೆ ಒಳಹೋಗಿ ಸಮೋಸವನ್ನು ಕೆಡಿಸುತ್ತದೆ).

*ಹೊರಭಾಗಕ್ಕೆ ಉಳಿದ ಬೆಣ್ಣೆಯನ್ನು ಸವರಿ ಎಣ್ಣೆಯಲ್ಲಿ ಕಡಿಮೆ ಉರಿಯಲ್ಲಿ ಕರಿಯಿರಿ. ನಡುನಡುವೆ ತಿರುವುತ್ತಾ ಕಂದು ಬಣ್ಣ ಬಂದ ಬಳಿಕ ಹೊರತೆಗೆದು ಟಿಶ್ಯೂ ಕಾಗದದ ಮೇಲೆ ಹರಡಿ. ತಣಿದ ಬಳಿಕ ತಿನ್ನಲು ನೀಡಿ. ತಕ್ಷಣ ತಿನ್ನಲು ಹೋಗಬೇಡಿ, ಏಕೆಂದರೆ ಹೊರಗಿನ ಕವಚ ತಣ್ಣಗಾಗಿದ್ದರೂ ಹೂರಣ ಬಹಳ ಬಿಸಿಯಾಗಿದ್ದು ನಾಲಿಗೆ, ಗಂಟಲು ಸುಡುವ ಅಪಾಯವಿರುತ್ತದೆ.

English summary

Deepavali special: mouthwatering sweet samosa

Diwali is a festival of lights. It is a time when you can prepare the most aewsome foods. It can be a sweet dish, main course or a snack dish. Today boldsky kannada share sweet somasa recipe
Story first published: Saturday, November 7, 2015, 23:30 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more