ವೈದ್ಯರ ಮೊದಲ ಭೇಟಿ ವೇಳೆ ಗರ್ಭಿಣಿಯರು ಕೇಳಬೇಕಾದ ಪ್ರಶ್ನೆಗಳು

ನಾನು ಇನ್ನು ಎಷ್ಟು ತೂಕ ಹೆಚ್ಚಿಸಿಕೊಳ್ಳಬೇಕು?

ಗರ್ಭಧಾರಣೆ ಆಗಿದೆ ಎಂದ ಬಳಿಕ ಹೆಚ್ಚಿನ ಮಹಿಳೆಯರಿಗೆ ಚಿಂತೆಯಾಗುವುದು ಈ ವಿಚಾರದ ಬಗ್ಗೆ. ಗೂಗಲ್ ನಿಮಗೆ ಮೂಲ ಪ್ರಶ್ನೆಗಳಿಗೆ ಉತ್ತರ ನೀಡಬಹುದು. ಆದರೆ ತುಂಬಾ ಹತ್ತಿರದಿಂದ ನಿಮ್ಮನ್ನು ನೋಡಿರುವಂತಹ ಪ್ರಸೂತಿ ತಜ್ಞರು ಸೂಕ್ತ ಉತ್ತರ ನೀಡಬಲ್ಲರು.

ನಾನು ವ್ಯಾಯಾಮ ಮಾಡಬಹುದೇ?

ನೀವು ಯಾವಾಗಲೂ ಫಿಟ್ನೆಸ್ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವವರು ಮತ್ತು ಈ ಸಮಯದಲ್ಲಿ ಜಿಮ್ ನಿಂದ ದೂರ ಉಳಿಯಬೇಕು ಎಂದು ನಿಮಗೆ ಅನಿಸುತ್ತಲಿದ್ದರೆ. ನಿಮಗೊಂದು ಅಚ್ಚರಿಯು ಎದುರಾಗಲಿದೆ. ಅದೇನೆಂದರೆ ವ್ಯಾಯಾಮವು ನಿಮಗೆ ಹಾಗೂ ನಿಮ್ಮ ಮಗುವಿಗೆ ಸುರಕ್ಷಿತ ಮಾತ್ರವಲ್ಲದೆ, ಇದು ತುಂಬಾ ಲಾಭಕಾರಿಯಾಗಿರಲಿದೆ. ನೀವು ಜಿಮ್ ನಲ್ಲಿ ಅತಿಯಾಗಿ ಭಾರ ಎತ್ತುವಂತಹ ವ್ಯಾಯಾಮವನ್ನು ಮಾಡಬಾರದು. ಆದರೆ ಸಾಮಾನ್ಯವಾದ ಕೆಲವು ವ್ಯಾಯಾಮ ಮಾಡಬಹುದು. ಇದರು ಆರೋಗ್ಯಕ್ಕೆ ಹಾಗೂ ದೇಹಕ್ಕೆ ತುಂಬಾ ಒಳ್ಳೆಯದು. ಇದರಿಂದ ನಿಮಗೆ ಹೆರಿಗೆ ಕೂಡ ಸಾಮಾನ್ಯವಾಗಿ ಆಗುವುದು.

ತುರ್ತಾಗಿ ಅಥವಾ ತುರ್ತು ಇಲ್ಲದ ಸಂದರ್ಭದಲ್ಲಿ ನಾನು ಎಲ್ಲಿಗೆ ಭೇಟಿ ನೀಡಬೇಕು?

ವೈದ್ಯರ ಕ್ಲಿನಿಕ್ ನ ಸಮಯವು ಗರ್ಭದಲ್ಲಿರುವ ಮಗುವಿಗೆ ತಿಳಿದಿರದ ಕಾರಣದಿಂದಾಗಿ ನಿಮಗೆ ಯಾವುದೇ ತಡರಾತ್ರಿಯಲ್ಲೂ ಸಮಸ್ಯೆಯು ಕಾಣಿಸಿಕೊಳ್ಳಬಹುದು. ಇಂತಹ ಸಮಯದಲ್ಲಿ ನೀವು ಆದಷ್ಟು ಬೇಗನೆ ವೈದ್ಯರನ್ನು ಭೇಟಿಯಾಗಬೇಕು. ನೀವು ಪರೀಕ್ಷೆಗೆ ಹೋದ ವೇಳೆ ಆಸ್ಪತ್ರೆಯಲ್ಲಿ ಒಂದು ತುರ್ತು ದೂರವಾಣಿ ಸಂಖ್ಯೆ ನೀಡಿರುತ್ತಾರೆ. ಇದನ್ನು ಸಂಪರ್ಕಿಸಿದರೆ ನಿಮಗೆ ಸೇವೆಯು ಎಲ್ಲಾ ಸಮಯದಲ್ಲಿ ಲಭ್ಯವಿರುವುದು. ವೃತ್ತಿಪರರು ಕೂಡ ನೀವು ಇದ್ದಲ್ಲಿಗೆ ತಲುಪಿ, ನಿಮಗೆ ಹಾಗೂ ನಿಮ್ಮ ಮಗುವಿಗೆ ಬೇಕಿರುವಂತಹ ನೆರವನ್ನು ನೀಡುವರು.

ಆಹಾರಕ್ರಮ ಮತ್ತು ಜೀವನಶೈಲಿಯಲ್ಲಿ ಯಾವ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು?

ಮಗು ಆರೋಗ್ಯಕಾರಿಯಾಗಿ ಇರಬೇಕೆಂದರೆ ಜೀವನಶೈಲಿಯಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು. ಆಲ್ಕೋಹಾಲ್ ಗೆ ಗುಡ್ ಬೈ ಹೇಳುವುದರೊಂದಿಗೆ ಧೂಮಪಾನ ಮುಕ್ತವಾಗಿರುವಂತಹ ಜೀವನ ಸಾಗಿಸಬೇಕು. ಆಹಾರ ವಿಚಾರಕ್ಕೆ ಬಂದರೆ ಆಗ ನೀವು ಜೀವನಪೂರ್ತಿ ತುಂಬಾ ಆರೋಗ್ಯಕಾರಿ ಎಂದು ಭಾವಿಸಿ ತಿಂದುಕೊಂಡು ಬಂದಿರುವಂತಹ ಆಹಾರವು ಈ ಸಮಯಲ್ಲಿ ಮಗುವಿಗೆ ಹಾನಿಯನ್ನು ಉಂಟು ಮಾಡಬಹುದು. ಗರ್ಭಧಾರಣೆ ವೇಳೆ ತಿನ್ನಬಾರದ ಕೆಲವೊಂದು ಆಹಾರಗಳ ಬಗ್ಗೆ ನಿಮಗೆ ವೈದ್ಯರು ಸೂಚಿಸಲಿರುವರು. ಈ ಬಗ್ಗೆ ಅವರು ನಿಮಗೆ ವಿವರಣೆ ಕೂಡ ನೀಡುವ ಕಾರಣದಿಂದಾಗಿ ಮುಂದಿನ ಸಲ ನೀವು ಅದನ್ನು ಸೇವಿಸುವ ಬದಲು ಕಡೆಗಣಿಸಬೇಕು.

ಕೆಲವೊಂದು ಔಷಧಿಗಳು ಸುರಕ್ಷಿತವೇ?

ಸಾಮಾನ್ಯವಾಗಿ ತಲೆನೋವಿಗೆ ತೆಗೆದುಕೊಳ್ಳುವಂತಹ ಮಾತ್ರೆಯು ಗರ್ಭಧಾರಣೆ ಸಮಯದಲ್ಲಿ ಮಗುವಿನ ಮೇಲೆ ಪರಿಣಾಮ ಬೀರಬಹುದು. ಇದರಿಂದಾಗಿ ನೀವು ಸೇವಿಸುವಂತಹ ಪ್ರತಿಯೊಂದು ಮಾತ್ರೆ ಹಾಗೂ ಔಷಧಿ ಬಗ್ಗೆ ವೈದ್ಯರೊಂದಿಗೆ ಚರ್ಚಿಸಬೇಕು. ಮಗುವಿಗೆ ಯಾವುದೇ ರೀತಿಯ ಹಾನಿಯಾಗದಂತೆ ವೈದ್ಯರು ನಿಮಗೆ ಬೇರೆ ಮಾತ್ರೆ ಅಥವಾ ಔಷಧಿಯನ್ನು ಸೂಚಿಸುವರು.

ಇದು ನಿಮಗೆ ನೀಡಿರುವಂತಹ ಐದು ಸಲಹೆಗಳು. ನಿಮ್ಮ ಮನಸ್ಸಿನಲ್ಲಿ ಇರುವಂತಹ ಪ್ರಶ್ನೆಗಳಿಗೆ ವೈದ್ಯರಿಂದ ಉತ್ತರ ಪಡೆಯಿರಿ. ಗರ್ಭಧಾರಣೆ ವೇಳೆ ನೆನಪಿನ ಶಕ್ತಿ ಕೂಡ ಕುಂದುವ ಕಾರಣದಿಂದಾಗಿ ಒಂದು ಪೆನ್ ತೆಗೆದುಕೊಂಡು ಕಾಗದದ ಮೇಲೆ ಬರೆದುಕೊಳ್ಳಿ. ಇದನ್ನು ಬಳಿಕ ನೀವು ವೈದ್ಯರಿಗೆ ತಿಳಿಸಿ. ಮೊದಲ ಸಲ ಪ್ರಸೂತಿತಜ್ಞರನ್ನು ಭೇಟಿಯಾಗುವ ವೇಳೆ ಯಾವುದೇ ಪ್ರಶ್ನೆಗಳು ಬಾಕಿ ಉಳಿಯದಂತೆ ನೋಡಿಕೊಳ್ಳುವುದು ಅತೀ ಅಗತ್ಯವಾಗಿದೆ.