ಗರ್ಭಿಣಿಯರು ಮೂಲಂಗಿ ತಿನ್ನಬಹುದು! ಆದರೆ ಇದೆಲ್ಲಾ ಸಂಗತಿಗಳು ನೆನಪಿರಲಿ

ಮೂಲಂಗಿಯಲ್ಲಿ ಇರುವಂತಹ ಆರೋಗ್ಯ ಲಾಭಗಳು

ನಿಮ್ಮ ಆಹಾರದಲ್ಲಿ ಒಂದು ಮೂಲಂಗಿಯನ್ನು ದಿನಕ್ಕೆ ಸೇವಿಸಿದರೆ ಆಗ ಗರ್ಭದಲ್ಲಿರುವ ಮಗುವಿನ ಬೆಳವಣಿಗೆಗೆ ಬೇಕಾಗುವಂತಹ ಎಲ್ಲಾ ರೀತಿಯ ಪೋಷಕಾಂಶಗಳು ಸಿಗುವುದು. ಮೂಲಂಗಿಯಲ್ಲಿ ಕ್ಯಾಲ್ಸಿಯಂ ಅಧಿಕವಾಗಿದೆ. ಗರ್ಭಿಣಿಯರಿಗೆ ಈ ಸಮಯದಲ್ಲಿ ಕ್ಯಾಲ್ಸಿಯಂ ಅಗತ್ಯವಾಗಿ ಬೇಕು. ಇದರಿಂದ ಮಗುವಿನ ಮೂಳೆಗಳು ಹಾಗೂ ಸ್ನಾಯುಗಳು ಬೆಳವಣಿಗೆಯಾಗಲು ನೆರವಾಗುವುದು. ಗರ್ಭಿಣಿಯರಿಗೆ ಬೇಕಾಗಿರುವ ಕ್ಯಾಲ್ಸಿಯಂನ್ನು ಮೂಲಂಗಿಯು ಒದಗಿಸಿಕೊಡುವುದು. ಮೂಲಂಗಿಯಲ್ಲಿ ಫಾಲಿಕ್ ಆಮ್ಲವು ಸಮೃದ್ಧವಾಗಿದೆ ಮತ್ತು ಇದು ಗರ್ಭಿಣಿಯರಿಗೆ ಪ್ರಮುಖವಾಗಿ ಬೇಕಾಗಿರುವಂತಹ ಪೋಷಕಾಂಶವಾಗಿದೆ. ಫಾಲಿಕ್ ಆಮ್ಲವು ಸರಿಯಾದ ಪ್ರಮಾಣದಲ್ಲಿ ಇದ್ದರೆ ಆಗ ಹುಟ್ಟುವಾಗ ಕಾಣಿಸಿಕೊಳ್ಳುವ ಅಂಗವೈಕಲ್ಯದಿಂದ ಮಗುವನ್ನು ಕಾಪಾಡುವುದು. ಇದರೊಂದಿಗೆ ಮೂಲಂಗಿಯಲ್ಲಿ ಪ್ರಮುಖವಾಗಿ ಪೊಟಾಶಿಯಂ, ಕಬ್ಬಿನಾಂಶ ಮತ್ತು ವಿಟಮಿನ್ ಸಿ ಕೂಡ ಇದೆ. ಇದು ಗರ್ಭಿಣಿ ಮಹಿಳೆಯರಿಗೆ ಅಗತ್ಯವಾಗಿ ಬೇಕಾಗಿರುವಂತಹ ಪೋಷಕಾಂಶಗಳಾಗಿವೆ.

ಗರ್ಭಧಾರಣೆ ವೇಳೆ ಮೂಲಂಗಿಯು ಒಳ್ಳೆಯದೇ?

ಹಲವಾರು ಪೋಷಕಾಂಶಗಳನ್ನು ಹೊಂದಿರುವಂತಹ ಮೂಲಂಗಿಯನ್ನು ಗರ್ಭಧಾರಣೆ ವೇಳೆ ಸೇವನೆ ಮಾಡುವುದರಿಂದ ಅಪಾಯವು ಎದುರಾಗಬಹುದು ಎಂದು ಕೇಳಿ ನಿಮಗೆ ಅಚ್ಚರಿಯಾಗಬಹುದು. ಗರ್ಭಧಾರಣೆಯ ಸಮಯದಲ್ಲಿ ಮಗುವಿನ ಬೆಳವಣಿಗೆಯು ಮುಖ್ಯ ಅಂಶವಾಗಿರುವುದು ಮತ್ತು ಇದು ತುಂಬಾ ಸೂಕ್ಷ್ಮ ಸಮಯವಾಗಿರುವುದು. ಕೊಲೊರಾಡೊ ಸ್ಟೇಟ್ ಯೂನಿವರ್ಸಿಟಿ ಪ್ರಕಾರ, ಗರ್ಭಧಾರಣೆ ವೇಳೆ ಅನಾರೋಗ್ಯಕ್ಕೆ ಒಳಗಾಗುವಂತಹ ಮಹಿಳೆಯ ಪ್ರತಿರೋಧಕ ಶಕ್ತಿಯು ತುಂಬಾ ಕುಗ್ಗಿರುವುದು. ವಿಷಕಾರಿಯಾಗಿರುವ ಮಣ್ಣಿನಲ್ಲಿ ಬೆಳೆದಿರುವಂತಹ ಆಹಾರವು ಕೂಡ ವಿಷಕಾರಿಯಾಗಿರಬಹುದು. ಹಸಿ ತರಕಾರಿಯಲ್ಲಿರುವಂತಹ ಕೀಟಾಣುಗಳು ದೇಹದೊಳಗೆ ಸಾಗಿ ಅದರಿಂದ ಸೋಂಕು ಹರಡಬಹುದು.

ಗರ್ಭಧಾರಣೆ ವೇಳೆ ಮೂಲಂಗಿಯು ಒಳ್ಳೆಯದೇ?

ಹಸಿ ತರಕಾರಿಗಳನ್ನು ತೊಳೆಯದೆ ಹಾಗೆ ಸೇವನೆ ಮಾಡುವ ಪರಿಣಾಮವಾಗಿ ಕೆಲವೊಂದು ಗಂಭೀರ ರೂಪದ ಸೋಂಕುಗಳಾಗಿರುವ ಸಾಲ್ಮೊನೆಲ್ಲಾ ಮತ್ತು ಇಕೊಲಿ ಕಾಣಿಸಿಕೊಳ್ಳಬಹುದು. ಜ್ವರ ಮತ್ತು ನಿರ್ಜಲೀಕರಣವು ಈ ಸೋಂಕುಗಳಿಗೆ ಸಂಬಂಧಿಸಿರುವಂತಹ ಕೆಲವೊಂದು ಸಾಮಾನ್ಯ ಲಕ್ಷಣಗಳಾಗಿರುವುದು. ಈ ಸೋಂಕುಗಳು ಗರ್ಭದಲ್ಲಿರುವ ಮಗುವಿನ ಮೇಲೆ ನೇರ ಪರಿಣಾಮ ಬೀರಬಹುದು. ಕೆಲವೊಂದು ಸಂದರ್ಭದಲ್ಲಿ ಸೋಂಕು ಅತಿಯಾಗಿ ಕಾಡಿದರೆ ಅದರಿಂದ ಗರ್ಭಪಾತ, ಸಾವು ಮತ್ತು ಅಕಾಲಿಕ ಹೆರಿಗೆ ಆಗಬಹುದು.

ಪಾಲಿಸಬೇಕಾಗಿರುವ ಸುರಕ್ಷಿತ ಕ್ರಮಗಳು

ಸೋಂಕು ಬರುವ ಭೀತಿಯಿಂದಾಗಿ ನೀವು ಮೂಲಂಗಿಯನ್ನು ಸಂಪೂರ್ಣವಾಗಿ ತ್ಯಜಿಸಬೇಕೆಂದು ಹೇಳಲಾಗುತ್ತಿಲ್ಲ. ಯಾಕೆಂದರೆ ಗರ್ಭಧಾರಣೆ ವೇಳೆ ಬೇಕಾಗುವಂತಹ ಪೋಷಕಾಂಶಗಳು ಈ ತರಕಾರಿಯಲ್ಲಿದೆ. ಇದಕ್ಕಾಗಿ ನೀವು ಕೆಲವೊಂದು ಪ್ರಮುಖ ಸುರಕ್ಷಿತ ಕ್ರಮಗಳನ್ನು ಪಾಲಿಸಿಕೊಂಡು ಹೋಗಬೇಕಾಗಿದೆ. ಅದರಲ್ಲೂ ಮೂಲಂಗಿ ಮತ್ತು ಕೆಲವು ಹಸಿ ತರಕಾರಿಗಳನ್ನು ತಿನ್ನುವ ವೇಳೆ ನೀವು ಕೆಲವು ಮುನ್ನೆಚ್ಚರಿಕೆ ವಹಿಸಬೇಕು. ಹಸಿ ತರಕಾರಿಗಳು ಅಥವಾ ಮೂಲಂಗಿಯನ್ನು ಸಲಾಡ್ ರೂಪದಲ್ಲಿ ನೀವು ತಿನ್ನುವಿರಾದರೆ ಆಗ ತೆಗೆದುಕೊಳ್ಳಬೇಕಾದ ಸುರಕ್ಷಿತ ಕ್ರಮಗಳನ್ನು ನೀವು ಈ ಕೆಳಗೆ ತಿಳಿಯಿರಿ.

1.ತರಕಾರಿಗಳನ್ನು ಸರಿಯಾಗಿ ಶುದ್ಧ ನೀರಿನಿಂದ ತೊಳೆಯಿರಿ ಮತ್ತು ಅದರ ಮೇಲಿರುವಂತಹ ಕೊಳೆ ತೆಗೆಯಿರಿ. ಸರಿಯಾಗಿ ತೊಳೆಯದೆ ಇರುವಂತಹ ಹಸಿ ತರಕಾರಿಗಳನ್ನು ಯಾವತ್ತೂ ಸೇವಿಸಬೇಡಿ.

2.ತರಕಾರಿ ಮೇಲಿರುವ ಮಣ್ಣು ಮತ್ತು ಕೊಳೆ ತೆಗೆಯಲು ನೀವು ಒಂದು ಶುದ್ಧ ಬ್ರಷ್ ತೆಗೆದುಕೊಂಡು ಅದರಿಂದ ಸ್ಕ್ರಬ್ ಮಾಡಿ.

3.ತರಕಾರಿ ಅಥವಾ ಮೂಲಂಗಿ ಸೇವನೆ ಮಾಡುವ ಮೊದಲು ಅದನ್ನು ಬೇಯಿಸಿ ಅಥವಾ ಹಬೆಯಲ್ಲಿಡಿ. ಬಿಸಿಯಿಂದಾಗಿ ಸೋಂಕು ಉಂಟು ಮಾಡುವ ಕೀಟಾಣುಗಳು ಸಾಯುವುದು ಮತ್ತು ಇದರಿಂದ ತರಕಾರಿಗಳನ್ನು ಸುರಕ್ಷಿತವಾಗಿ ಸೇವಿಸುವಂತೆ ಆಗುವುದು.

4.ಮೂಲಂಗಿಯನ್ನು ನೀವು ಸೂಪ್ ಅಥವಾ ಬೇರೆ ಯಾವುದೇ ರೀತಿಯ ಪದಾರ್ಥಕ್ಕೆ ಹಾಕಿಕೊಂಡು ಸೇವನೆ ಮಾಡಬಹುದು.

5.ನೀವು ಮೂಲಂಗಿಯನ್ನು ಕತ್ತರಿಸಿಕೊಳ್ಳುವ ಮೊದಲು ಚಾಕು ಮತ್ತು ಕತ್ತರಿಸುವ ಜಾಗವನ್ನು ಶುದ್ಧವಾಗಿಡಿ.

ಪಾಲಿಸಬೇಕಾಗಿರುವ ಸುರಕ್ಷಿತ ಕ್ರಮಗಳು

ಈ ಎಲ್ಲಾ ಕ್ರಮಗಳನ್ನು ಪಾಲಿಸಿಕೊಂಡು ನೀವು ಮೂಲಂಗಿ ಸೇವನೆ ಮಾಡಿದರೆ ಅದರಿಂದ ನಿಮಗೆ ಎಲ್ಲಾ ರೀತಿಯ ಪೋಷಕಾಂಶಗಳು ದೇಹಕ್ಕೆ ಸಿಗುವುದು. ಗರ್ಭಿಣಿಯರು ಮೂಲಂಗಿ ಸೇವನೆ ಮಾಡುವ ಮೊದಲು ವೈದ್ಯರ ಸಲಹೆ

ಪಡೆದುಕೊಳ್ಳಬಹುದು. ಸ್ವಚ್ಛತೆ ಕ್ರಮಗಳನ್ನು ಪಾಲಿಸಿಕೊಂಡು ಹೋದರೆ ಆಗ ನಮಗೆ ಕೆಲವೊಂದು ರೀತಿಯ ಸೋಂಕನ್ನು ತಡೆಯಲು ಸಾಧ್ಯವಾಗುವುದು. ನೀವು ಮೂಲಂಗಿ ಜ್ಯೂಸ್ ಅಥವಾ ಹಸಿ ಮೂಲಂಗಿಯನ್ನು ಗರ್ಭಧಾರಣೆ ವೇಳೆ ತಿಂದಿದ್ದರೆ ಅದರ ಬಗ್ಗೆ ನಮಗೆ ಈ ಕೆಳಗಿನ ಕಮೆಂಟ್ ಬಾಕ್ಸ್ ನಲ್ಲಿ ತಿಳಿಸಿ.