ತಾಯ್ತನ, ಉದ್ಯೋಗ ಇವೆರಡನ್ನೂ ನಿಭಾಯಿಸುವುದು ಹೇಗೆ?

ಕಚೇರಿಯಲ್ಲಿ ಕೂಡ ಗರ್ಭಿಣಿ ಸ್ತ್ರೀಯರು ಬೆಳಗ್ಗಿನ ವಾಕರಿಕೆ ಸಮಸ್ಯೆಯನ್ನು ಎದುರಿಸಬೇಕಾಗಿದೆ. ಇದಕ್ಕಾಗಿ ಮುಂಜಾನೆ ಬೇಗನೇ ಏಳುವ ಅಭ್ಯಾಸವನ್ನು ಮಾಡಿಕೊಳ್ಳಿ. ಇದರಿಂದ ನಿಮ್ಮ ಹೊಟ್ಟೆಯು ಸಮಸ್ಥಿತಿಗೆ ಬರುತ್ತದೆ. ಇದಕ್ಕಾಗಿ ವೈದ್ಯರ ಸಲಹೆಯನ್ನು ನೀವು ಪಡೆದುಕೊಳ್ಳಬಹುದಾಗಿದೆ.

ಗರ್ಭಾವಸ್ಥೆಯಲ್ಲಿ ವಾಕರಿಕೆ ಶಮನಕ್ಕೆ ಮನೆ ಮದ್ದು ರಾಮಬಾಣ

ನಿಮ್ಮನ್ನು ಯಾರಾದರೂ ಕಚೇರಿಗೆ ಕರೆದುಕೊಂಡು ಹೋಗಿ ಬಿಡುವುದು ಉತ್ತಮ ಸಲಹೆಯಾಗಿದೆ. ಆದರೆ ಇದು ಸಾಧ್ಯವಿಲ್ಲ ಎಂದಾದಲ್ಲಿ ನೀವೇ ಕಾರು ಚಾಲನೆ ಮಾಡಿಕೊಂಡು ಕಚೇರಿಗೆ ಹೋಗಿ. ನೀವು ಕ್ಯಾಬ್‌ನಲ್ಲಿ ಪ್ರಯಾಣ ಬೆಳೆಸುತ್ತಿದ್ದೀರಿ ಎಂದಾದಲ್ಲಿ ಕ್ಯಾಬ್ ಡ್ರೈವರ್‌ ಬಳಿ ನಿಧಾನವಾಗಿ ಕಾರು ಚಲಾಯಿಸುವಂತೆ ಕೇಳಿಕೊಳ್ಳಿ.

ಕಚೇರಿಗೆ ಆದಷ್ಟು ಹಗರುವಾಗಿರುವ ಉಡುಪುಗಳನ್ನು ಧರಿಸಿಕೊಂಡು ಹೋಗಿ. ಕಚೇರಿಯ ಉಡುಪುಗಳು ಈ ಸಮಯದಲ್ಲಿ ನಿಮಗೆ ಫಿಟ್ ಆಗಬೇಕೆಂದೇನಿಲ್ಲ, ಅದಕ್ಕಾಗಿ ಕಷ್ಟಪಟ್ಟು ಉಡುಪು ಧರಿಸಿಕೊಂಡು ಹೋಗದಿರಿ. ನಿಮಗೆ ಆರಾಮವಾಗಿರುವ ದಿರಿಸನ್ನೇ ಧರಿಸಿ.

ನಿಮ್ಮ ಕುರ್ಚಿಗೆ ಒರಗಿಕೊಂಡು ಆದಷ್ಟು ಆರಾಮ ಭಂಗಿಯಲ್ಲಿ ಕುಳಿತುಕೊಳ್ಳಿ. ಮುಂದಕ್ಕೆ ಕೀಬೋರ್ಡ್‌ನಲ್ಲಿ ಟೈಪ್ ಮಾಡಲು ಬಾಗುವುದನ್ನು ಕಡಿಮೆ ಮಾಡಿ. ಇದರಿಂದ ನಿಮ್ಮ ಹೊಟ್ಟೆಗೆ ಹೆಚ್ಚಿನ ಒತ್ತಡ ಬೀಳಬಹುದು.

ವಾಕರಿಕೆಯಂತಹ ಸಮಸ್ಯೆಗಳನ್ನು ದೂರಮಾಡಲು ಲಿಂಬೆ ಹಣ್ಣಿನ ಸಹಾಯ ಪಡೆದುಕೊಳ್ಳಿ. ನಿಮ್ಮ ಡೆಸ್ಕ್‌ನಲ್ಲಿ ಲಿಂಬೆಯನ್ನು ಇರಿಸಿಕೊಳ್ಳಿ. ಅಂತೆಯೇ ತಾಜಾ ಹೂವನ್ನು ನಿಮ್ಮ ಕ್ಯಾಬಿನ್‌ನಲ್ಲಿ ಇರಿಸಿಕೊಳ್ಳಿ. ಇದರಿಂದ ಹೂವಿನ ಸುಗಂಧ ನಿಮ್ಮ ವಾಕರಿಕೆಯನ್ನು ದೂರಮಾಡಬಹುದು.

ನಿಮ್ಮ ಗರ್ಭಾವಸ್ಥೆಯ ಸಮಯದಲ್ಲಿ ನಿಮ್ಮ ಕಾಲುಗಳು ಪಾದಗಳು ಬಾತುಕೊಳ್ಳಬಹುದು. ನಿಮ್ಮ ಡೆಸ್ಕ್‌ ಬಳಿ ಸಣ್ಣ ಸ್ಟೂಲ್ ಅನ್ನು ಇರಿಸಿಕೊಳ್ಳಿ ಮತ್ತು ಅದರಲ್ಲಿ ನಿಮ್ಮ ಕಾಲುಗಳನ್ನು ಇರಿಸಿ. ಅಂತೆಯೇ ಕೆಲಸದ ನಡುವೆ ವಿಶ್ರಾಂತಿಯನ್ನು ಪಡೆದುಕೊಳ್ಳಿ. ಸಣ್ಣ ವಾಕ್ ಅನ್ನು ಸಾಧ್ಯವಾದಲ್ಲಿ ಮಾಡಿ.

ನಿಮ್ಮ ಬಳಿ ಸಾಕಷ್ಟು ತರಕಾರಿ, ಹಣ್ಣುಗಳ ಸ್ಟಾಕ್ ಅನ್ನು ಇರಿಸಿಕೊಳ್ಳಿ. ಬಿಸ್ಕೆಟ್, ಡ್ರೈ ಫ್ರುಟ್ಸ್‌ನಂತಹ ಸಾಮಾಗ್ರಿಗಳನ್ನು ಆಗಾಗ್ಗೆ ಸೇವಿಸುತ್ತಿರಿ.

ನೀವು ಗರ್ಭಿಣಿಯಾಗಿದ್ದಾಗ ಆದಷ್ಟು ದಿನದಲ್ಲಿ 6 ಲೀಟರ್‌ಗಳಷ್ಟು ನೀರು ಕುಡಿಯಬೇಕು. ನಿಮ್ಮ ಕೆಲಸದ ನಡುವೆ ನೀರು ಕುಡಿಯುವುದನ್ನು ಮರೆಯದಿರಿ.

ನಿಮ್ಮ ದೇಹದಲ್ಲಿ ಗರ್ಭಾವಸ್ಥೆಯು ಹಾರ್ಮೋನಲ್ ಅಸಮತೋಲವನ್ನು ಉಂಟುಮಾಡಬಹುದು. ನಿಮಗೆ ಕೋಪ, ಹತಾಶೆ, ಮರೆಗುಳಿತನ ಮೊದಲಾದ ಮಾನಸಿಕ ತೊಳಲಾಟಗಳು ಸಂಭವಿಸುವ ಪರಿಸ್ಥಿತಿ ಕೂಡ ಇರುತ್ತದೆ. ಇದರಿಂದ ನಿಮ್ಮ ಕೆಲಸ ಹಿಮ್ಮುಖವಾಗಬಹುದು. ಆದ್ದರಿಂದ ನೀವು ಕಚೇರಿಯಲ್ಲಿ ಮಾಡಬೇಕಾಗಿರುವ ಕೆಲಸಗಳ ಪಟ್ಟಿಯನ್ನು ತಯಾರಿಸಿ ಮತ್ತು ಅದರಂತೆಯೇ ಕೆಲಸ ಮಾಡಿ.

ಹಾರ್ಮೋನಲ್ ಬದಲಾವಣೆಗಳಿಂದ ಗರ್ಭವತಿಯು ಮಾನಸಿಕ ಕ್ಲೇಶೆಗಳನ್ನು ಅನುಭವಿಸಬೇಕಾಗುತ್ತದೆ. ಕೋಪ, ಅಳು, ನಗು ಮೊದಲಾದ ಪ್ರಕ್ರಿಯೆಗಳು ಆಗಾಗ್ಗೆ ಸಂಭವಿಸುತ್ತವೆ. ಈ ರೀತಿಯಾದಾಗ ಆಳವಾಗಿ ಉಸಿರಾಡಿ ಮತ್ತು ಹೊರಹೋಗಿ ತಾಜಾ ಗಾಳಿ ಸೇವಿಸಿ

ವಾರಾಂತ್ಯಗಳಲ್ಲಿ ನಿಯಮಿತವಾಗಿ ವೈದ್ಯರನ್ನು ಹೋಗಿ ಕಾಣಿ. ಆದಷ್ಟು ವಾರದ ಮಧ್ಯದಲ್ಲಿ ಚೆಕಪ್‌ಗಳನ್ನು ನಿರ್ವಹಿಸದೇ ವಾರಾಂತ್ಯದ ಸಮಯವನ್ನು ಇದಕ್ಕಾಗಿ ಮೀಸಲಿರಿಸಿ.

ನೀವು ಮನೆಯಲ್ಲಿದ್ದಾಗ, ಹಾಸಿಗೆಯಲ್ಲಿ ಹಾಗೆಯೇ ಮಲಗಿಕೊಂಡು ಆರಾಮ ಮಾಡಿ. ನೀವು ಗರ್ಭವತಿಯಾಗಿದ್ದಾಗ ತುಸು ಕಾಲ ವಿಶ್ರಾಂತಿ ನಿಮಗೆ ಅಗತ್ಯವಿದೆ.

ನಿಮ್ಮನ್ನು ಒತ್ತಡರಹಿತರನ್ನಾಗಿ ಮಾಡಿಕೊಳ್ಳುವುದು ಕೂಡ ನೀವು ಪಾಲಿಸಬೇಕಾದ ಕೆಲಸವಾಗಿದೆ. ಸಂಗೀತವನ್ನು ಆಸ್ವಾದಿಸಿ ಮತ್ತು ಚಲನಚಿತ್ರಗಳನ್ನು ನೋಡಿ. ಇದರಿಂದ ಒತ್ತಡವನ್ನು ನಿವಾರಿಸಿಕೊಳ್ಳಬಹುದಾಗಿದೆ.

ನಿಮಗೆ 3 ತಿಂಗಳ ಪಾವತಿ ಇರುವ ಗರ್ಭಾವಸ್ಥೆ ರಜಾದಿನಗಳು ದೊರೆಯಬಹುದು. ನೀವು ಪಾವತಿ ಇಲ್ಲದೇ ಇರುವ ಇನ್ನೊಂದಿಷ್ಟು ತಿಂಗಳು ನಿಮ್ಮ ರಜೆಯನ್ನು ಮುಂದೂಡಬಹುದಾಗಿದೆ. ನಿಮ್ಮ ಗರ್ಭಾವಸ್ಥೆಯ ಕೊನೆಯ ತಿಂಗಳವರೆಗೆ ಕಾರ್ಯನಿರ್ವಹಿಸಿ ಮತ್ತು ಇನ್ನಷ್ಟು ಸಮಯವನ್ನು ನಿಮ್ಮ ಮಗುವಿನೊಂದಿಗೆ ಕಳೆಯಿರಿ. 7 ರಿಂದ 8 ತಿಂಗಳ ಕಾಲ ರಜೆಯನ್ನು ಪಡೆದುಕೊಳ್ಳಿ. ನಿಮ್ಮ ಹೆರಿಗೆ ಯಾವ ಪ್ರಕಾರದ್ದು ಎಂಬುದನ್ನು ನಿರ್ಧರಿಸಿಕೊಂಡು ರಜೆಯನ್ನು ಹೆಚ್ಚಿಸಿಕೊಳ್ಳಿ.