ತಡವಾಗಿ ಗರ್ಭಧರಿಸಿದರೆ ಆಯಸ್ಸು ಹೆಚ್ಚುತ್ತದೆಯೇ?

ಇತ್ತೀಚಿನ ಸಂಶೋಧನೆಯೊಂದರ ಪ್ರಕಾರ ತಮ್ಮ ಫಲಿತಾವಧಿಯ ಕಡೆಯ ವರ್ಷಗಳಲ್ಲಿ ಮಕ್ಕಳನ್ನು ಹೆತ್ತ ಮಹಿಳೆಯರು ಹೆಚ್ಚು ವರ್ಷ ಜೀವಿಸಿರುತ್ತಾರೆಂದು ಕಂಡುಕೊಳ್ಳಲಾಗಿದೆ. ಅಂದರೆ ಮೂವತ್ತರ ಬಳಿಕ ಮತ್ತು ನಲವತ್ತರ ಆಸುಪಾಸಿನಲ್ಲಿ ಹೆತ್ತ ಮಹಿಳೆಯರ ಆಯಸ್ಸು ಹೆಚ್ಚುತ್ತದೆ ಎಂದು ಹೇಳಲಾಗಿದೆ.

ಇದುವರೆಗೆ ತಡವಾಗಿ ಗರ್ಭಧರಿಸುವುದು ಆರೋಗ್ಯಕ್ಕೆ ಮಾರಕ ಎಂದೇ ಹೆಚ್ಚಿನವರು ತಿಳಿದುಕೊಂಡಿದ್ದರು. ಆದರೆ ಈ ನಂಬಿಕೆಯನ್ನು ಹೊಸ ಸಂಶೋಧನೆ ಬುಡಸಹಿತ ಅಲ್ಲಾಡಿಸುತ್ತಿದೆ. ಆದರೆ ಎಷ್ಟೋ ಮಹಿಳೆಯರಿಗೆ ಈ ವಿಷಯ ಒಂದು ಆಶಾಕಿರಣವಾಗಿ ಗೋಚರಿಸಿದೆ.

ಈ ಸಂಶೋಧನೆಯಲ್ಲಿ ಭಾಗಿಯಾದ ತಜ್ಞರ ಪ್ರಕಾರ 33 ವಯಸ್ಸಿನಲ್ಲಿ ಕಡೆಯ ಬಾರಿ ಗರ್ಭ ಧರಿಸಿದ ಮಹಿಳೆಯರು ತೊಂಭತ್ತು ವರ್ಷ ತೊಂಭತ್ತೈದು ವರ್ಷ ಆಯಸ್ಸು ಹೊಂದಿರುತ್ತಾರೆ. ಇದೇ ಹೊತ್ತಿನಲ್ಲಿ ಇಪ್ಪತ್ತೊಂಬತ್ತು ವರ್ಷಕ್ಕೂ ಮುನ್ನ ಗರ್ಭಧರಿಸಿದ ಮಹಿಳೆಯರು ತೊಂಬತ್ತಕ್ಕೂ ಕಡಿಮೆ ವರ್ಷ ಆಯಸ್ಸು ಹೊಂದಿರುತ್ತಾರೆ.

ಈ ಸಂಶೋಧನೆಯಲ್ಲಿ 450ಕ್ಕೂ ಹೆಚ್ಚು ಮಹಿಳೆಯರ ಆರೋಗ್ಯದ ಅಂಕಿ ಅಂಶಗಳನ್ನು ಸಂಗ್ರಹಿಸಿ ವಿಶ್ಲೇಷಿಸಲಾಯಿತು. ನಿಖರ ಪರಿಗಣನೆಗಾಗಿ ಆನುವಂಶಿಕ ಗುಣ ಮತ್ತು ಮಾಹಿತಿಗಳನ್ನೂ ಪರಿಗಣಿಸಲಾಗಿತ್ತು.

ವೈಜ್ಞಾನಿಕ ವಿಶ್ಲೇಷಣೆಯಿಂದ ತಡವಾಗಿ ಹೆರಿಗೆಯಾದ ಮಹಿಳೆಯರು ಹೆಚ್ಚು ಆಯಸ್ಸು ಹೊಂದಿರುತ್ತಾರೆ ಎಂದು ಕಂಡುಕೊಳ್ಳಲಾಯಿತು. ಆದರೆ ತಡವಾಗಿ ಹೊಂದುವ ಗರ್ಭಾವಸ್ಥೆಗೆ ತನ್ನದೇ ಆದ ಜಟಿಲತೆಗಳಿವೆ. ವಯಸ್ಸು ಹೆಚ್ಚಿದಂತೆಯೇ ಫಲವತ್ತತೆಯೂ ಕಡಿಮೆಯಾಗುತ್ತಾ ಹೋಗುವ ಕಾರಣ ಗರ್ಭ ಧರಿಸುವ ಸಾಧ್ಯತೆಯೇ ಕಡಿಮೆಯಾಗುತ್ತಾ ಹೋಗಬಹುದು.

ತಡ ವಯಸ್ಸಿನಲ್ಲಿ ಗರ್ಭಧಾರಣೆ, ಹೃದಯಕ್ಕೆ ಅಪಾಯವಿದೆಯೇ?

ನಲವತ್ತರ ಬಳಿಕದ ಗರ್ಭಧಾರಣೆ: ಅಪಾಯ ಕಟ್ಟಿಟ್ಟ ಬುತ್ತಿ