ಗರ್ಭಿಣಿಯರು ಬಿಸಿ ನೀರಿನಲ್ಲಿ ಸ್ನಾನ ಮಾಡಬಾರದೇ?

ಬಿಸಿ ನೀರಿನ ಸ್ನಾನವನ್ನು ಗರ್ಭಿಣಿಯರು ಮಾಡಬಹುದೇ?

10 ನಿಮಿಷಕ್ಕಿಂತ ಹೆಚ್ಚು ಕಾಲ ಬಿಸಿ ನೀರಿನಲ್ಲಿ ಇರುವುದು ಮಗುವಿನ ಜೀವಕ್ಕೆ ಹಾನಿಯುಂಟು ಮಾಡಬಹುದು. ಇದು ಮಗುವಿಗೆ ಸರಬರಾಜಾಗುವ ರಕ್ತವನ್ನು ತಡೆಯುತ್ತದೆ. ಇದು ಮಗುವಿನ ಜೀವಕ್ಕೆ ಅಪಾಯವನ್ನುಂಟು ಮಾಡುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಬಿಸಿ ನೀರಿನ ಸ್ನಾನವನ್ನು ಗರ್ಭಿಣಿಯರು ಮಾಡಬಹುದೇ?

ಇದಲ್ಲದೆ ಈ ಬಿಸಿ ನೀರಿನಿಂದ ಗರ್ಭಿಣಿಯರ ಜನನಾಂಗದಲ್ಲಿ ಇನ್‌ಫೆಕ್ಷನ್‌ಗೆ ಕಾರಣವಾಗಬಹುದು. ಆದರೂ ವೈದ್ಯರ ಸಲಹೆಯ ಮೇರೆಗೆ ಸ್ವಲ್ಪ ಸಮಯದಲ್ಲಿ ಅಥವಾ ಕಿರು ಅವಧಿಯಲ್ಲಿ ಉಗುರು ಬೆಚ್ಚನೆಯ ಬಿಸಿ ನೀರಿನ ಸ್ನಾನ ಮಾಡುವುದು ಒಳ್ಳೆಯದು.

ಸ್ನಾನ ಮಾಡಲು ಸರಿಯಾದ ಸಮಯವನ್ನು ಆರಿಸಿ

ಗರ್ಭಿಣಿಯಾಗಿರುವಾಗ ನಿಮ್ಮ ದೇಹವು ತೀರಾ ಸೂಕ್ಷ್ಮವಾಗಿ ಪ್ರತಿಕ್ರಿಯಿಸಲು ಆರಂಭಿಸುತ್ತದೆ. ಮುಂಜಾನೆ ಮತ್ತು ತಡ ರಾತ್ರಿ ಸ್ನಾನ ಮಾಡುವುದು ಗರ್ಭಿಣಿಯರಿಗೆ ಒಳ್ಳೆಯದಲ್ಲ. ಜೊತೆಗೆ ಅವರ ಹೊಟ್ಟೆಯಲ್ಲಿ ಬೆಳೆಯುವ ಮಗುವಿಗು ಸಹ ಇದರಿಂದ ಒಳ್ಳೆಯದಾಗುವುದಿಲ್ಲ. ಇದು ನಿಮ್ಮ ಮಗುವಿನ ದೇಹದ ತಾಪಮಾನವನ್ನು ಗಣನೀಯವಾಗಿ ಹೆಚ್ಚಿಸಬಹುದು ಮತ್ತು ಹಲವಾರು ಇನ್‌ಫೆಕ್ಷನ್‌ಗಳನ್ನು ಮಗುವಿಗೆ ಉಂಟು ಮಾಡಬಹುದು. ಅದಕ್ಕಾಗಿ ನಿಮಗೆ ಮತ್ತು ನಿಮ್ಮ ಮಗುವಿಗೆ ಸರಿಹೊಂದುವ ಸ್ನಾನದ ಸಮಯವನ್ನು ನಿರ್ಧರಿಸಿಕೊಳ್ಳಿ.

ಹಾಟ್ ಟಬ್‌ನಲ್ಲಿ ಸ್ನಾನ ಮಾಡಬೇಡಿ

ಸೌನ ಅಥವಾ ಹಾಟ್ ಟಬ್‌ನಲ್ಲಿ ಸ್ನಾನ ಮಾಡಬೇಡಿ. ಇದು ಗರ್ಭದ ಬೆಳವಣಿಗೆಯನ್ನು ನಿಲ್ಲಿಸುತ್ತದೆ. ಜೊತೆಗೆ ಜನನಾಂಗದ ರಕ್ತಸ್ರಾವವನ್ನು ಉಂಟು ಮಾಡುತ್ತದೆ ಅಥವಾ ಅಮ್ನಿಯೊಟಿಕ್ ದ್ರವದ ಸೋರಿಕೆಗೆ ಕಾರಣವಾಗಬಹುದು.

ಊಟವಾದ ತಕ್ಷಣ ಸ್ನಾನ ಮಾಡಬೇಡಿ

ಊಟವಾದ ತಕ್ಷಣ ಸ್ನಾನ ಮಾಡಲು ಹೋಗಬೇಡಿ. ಇದು ಸಹ ರಕ್ತ ನಾಳಗಳನ್ನು ಹಿಗ್ಗಿಸಲು ಸಹಾಯ ಮಾಡುತ್ತದೆ. ಹಾಗಾಗಿ ರಕ್ತ ಸಂಚಾರದಲ್ಲಿ ವ್ಯತ್ಯಯವುಂಟಾಗುತ್ತದೆ. ಅಲ್ಲದೆ ದೇಹದ ಕೆಳ ಭಾಗದಲ್ಲಿರುವ ಅಂಗಗಳಿಗೆ ರಕ್ತ ಪೂರೈಕೆಯು ಇದರಿಂದ ಕುಂಠಿತಗೊಳ್ಳುತ್ತದೆ. ಆಗ ಮಗುವಿಗೆ ಇದರಿಂದ ಪ್ರತಿಕೂಲ ಪರಿಣಾಮಗಳು ಎದುರಾಗುತ್ತವೆ. ಇದಲ್ಲದೆ ಹೀಗೆ ಮಾಡುವುದರಿಂದ ನಿಮ್ಮ ಜೀರ್ಣ ಕ್ರಿಯೆಯು ಸಹ ಕುಂಠಿತಗೊಳ್ಳುತ್ತದೆ.