ಗರ್ಭದಲ್ಲಿರುವ ಕಂದಮ್ಮನಿಗೆ ಎಲ್ಲವೂ ಅರ್ಥವಾಗುತ್ತದೆಯಂತೆ!

ಕಣ್ಣು ಮತ್ತು ಕಿವಿಗಳ ಬೆಳವಣಿಗೆ

ಗರ್ಭಧಾರಣೆಯಾದ ಎಂಟನೆ ವಾರದಲ್ಲಿ ನಿಮ್ಮ ಮಗುವಿಗೆ ಸಣ್ಣ ಕಿವಿ ಮತ್ತು ಕಣ್ಣುಗಳು ಬೆಳೆಯಲು ಆರಂಭಿಸುತ್ತವೆ. ಈ ಅವಧಿಯಲ್ಲಿ ಮಗುವು ಅಡಿಯಿಂದ ಮುಡಿಯವರೆಗೆ ಎರಡು ಸೆಂಟಿ ಮೀಟರ್ ಉದ್ದವಿರುತ್ತದೆ.ಈ ಅವಧಿಯಲ್ಲಿ ಮುಖ ಸಹ ಬೆಳೆಯಲು ಆರಂಭವಾಗುತ್ತದೆ.

ಬಾಹ್ಯ ಜನನಾಂಗಗಳು

ಮಗುವಿನ ಜನನಾಂಗಗಳು ಯಾವಾಗ ಬೆಳೆಯುತ್ತವೆ? ನಿಮ್ಮ ಮಗುವಿನ ಜನನಾಂಗಗಳು ಗರ್ಭ ಧರಿಸಿ ಒಂಬತ್ತು ವಾರವಾದ ಮೇಲೆ ಬೆಳೆಯುತ್ತವೆ. 12 ವಾರದ ನಂತರವಷ್ಟೇ ಈ ಜನನಾಂಗಗಳು ಗಂಡೋ, ಹೆಣ್ಣೋ ಎಂದು ತೀರ್ಮಾನಿಸಲು ಸಾಧ್ಯವಾಗುತ್ತದೆ. ಇದು ಮಗುವಿನ ಕುರಿತಾದ ಒಂದು ಕುತೂಹಲಕಾರಿ ಅಂಶವಾಗಿರುತ್ತದೆ.

ಸಂಪೂರ್ಣ ದೇಹ ಬೆಳೆಯುತ್ತದೆ

12 ವಾರದಲ್ಲಿ ನಿಮ್ಮ ಮಗು ಅಡಿಯಿಂದ ಮುಡಿಯವರೆಗೆ 5 ಸೆಂ.ಮೀ ಬೆಳೆದಿರುತ್ತದೆ. ಈ ಅವಧಿಯಲ್ಲಿ ಕಣ್ಣು, ಉಗುರು, ಬೆರಳು ಮತ್ತು ಕಿವಿ ಹೀಗೆ ಎಲ್ಲಾ ಅಂಗಗಳು ಮಗುವಿಗೆ ಬೆಳೆದಿರುತ್ತವೆ.

ನಿಮ್ಮ ಮಗು ಹುಟ್ಟುವಾಗ ಅರ್ಧದಷ್ಟು ಬೆಳೆದಿರುತ್ತದೆ

20 ನೇ ವಾರದಲ್ಲಿ ನಿಮ್ಮ ಮಗು ಅಡಿಯಿಂದ ಮುಡಿಯವರೆಗೆ 18 ಸೆಂ.ಮೀ ಬೆಳೆದಿರುತ್ತದೆ. ಈ ಅವಧಿಯಲ್ಲಿ ಮಗು ಹೊಟ್ಟೆಯ ಒಳಗೆ ಚಲಿಸಲು ಆರಂಭಿಸುತ್ತದೆ. ಈ ಅವಧಿಯಲ್ಲಿ ಉಗುರುಗಳು ಮತ್ತು ಕಣ್ಣು ಹುಬ್ಬುಗಳು ಸಹ ಬೆಳೆಯುತ್ತವೆ.

ಮಗುವಿಗೆ ಕೇಳುವಿಕೆ ಸಾಮರ್ಥ್ಯ ಬರುತ್ತದೆ

24ನೇ ವಾರದಲ್ಲಿ ನಿಮ್ಮ ಮಗು ಗರ್ಭದ ಹೊರಗೆ ಆಗುವ ಶಬ್ದಗಳು ಕೇಳುತ್ತವೆ. ಅದಕ್ಕೆ ಅದು ಪ್ರತಿಕ್ರಿಯಿಸುತ್ತದೆ. ಈ ಅವಧಿಯಲ್ಲಿ ನಿಮ್ಮ ಮಗುವಿನ ಮುಖ ಮತ್ತು ಅಂಗಗಳು ಸಹ ಬೆಳವಣಿಗೆಯಾಗಿರುತ್ತವೆ. ಈ ಅವಧಿಯಲ್ಲಿ ಮಗುವಿನ ತ್ವಚೆಯು ತೆಳುವಾಗಿರುತ್ತದೆ ಮತ್ತು ಅಂಟು ಅಂಟಾಗಿರುತ್ತದೆ.