ಎದೆ ಹಾಲು ಕುಂದಲು ಕಾರಣಗಳು

1. ದುರ್ಬಲ ಗ್ರಂಥಿಗಳ ಅಂಗಾಂಶ:

ಎದೆಹಾಲಿನ ಉತ್ಪಾದನೆಗೆ ಹಲವಾರು ಕಾರಣಗಳು ಪ್ರಮುಖವಾಗಿರುತ್ತವೆ. ಕೆಲವರಲ್ಲಿ ಹಾಲು ಉತ್ಪಾದಿಸುವ ಸಾಕಷ್ಟು ನಾಳಗಳು ಇರುವುದಿಲ್ಲ. ಗರ್ಭಾವಸ್ಥೆಯಲ್ಲಿ ಇರುವ ಮಹಿಳೆಯರಿಗೆ ನಾಳಗಳ ಬೆಳವಣಿಗೆಯಾಗುತ್ತಿರುತ್ತವೆ.

ನಂತರ ಇವು ಹಾಲು ಉತ್ಪಾದನೆಗೆ ಉತ್ತೇಜಿಸುತ್ತವೆ. ಸಾಕಷ್ಟು ಪ್ರಮಾಣದ ಗ್ರಂಥಿಗಳು ಇಲ್ಲದಿರುವಾಗ ಹಾಲಿನ ಉತ್ಪಾದನೆ ಕಡಿಮೆ ಮಟ್ಟದಲ್ಲಿ ಇರುತ್ತವೆ.

ಅಂತಹ ಸಂದರ್ಭದಲ್ಲಿ ವೈದ್ಯರಿಂದ ಸೂಕ್ತ ಸಲಹೆ ಹಾಗೂ ತಪಾಸಣೆಗೆ ಒಳಗಾಗಬೇಕು. ಆಗ ಮಗುವಿಗೆ ಅಗತ್ಯವಿರುವಷ್ಟು ಹಾಲಿನ ಉತ್ಪಾದನೆ ಮಾಡಬಹುದು.

2. ಹಾರ್ಮೋನ್ ಸಮಸ್ಯೆ:

ಥೈರಾಯ್ಡ್ ಕಾಯಿಲೆ, ಮಧುಮೇಹ, ಅಧಿಕ ರಕ್ತದೊತ್ತಡ, ಪಾಲಿಸಿಸ್ಟಿಕ್ ಓವೆರೆಸಿ ಸೇರಿದಂತೆ ಇನ್ನಿತರ ಸಮಸ್ಯೆಗಳಿಂದಾಗಿ ಎದೆಹಾಲು ಉತ್ಪಾದನೆಯಲ್ಲಿ ಕಡಿಮೆ ಪ್ರಮಾಣ ಇರುವುದು. ಜೊತೆಗೆ ಹಾಲುಣಿಸುವ ತೊಟ್ಟುಗಳು ಬಹಳ ಗಡುಸನ್ನು ಹೊಂದಿರುತ್ತವೆ.

ಹಾಗಾಗಿ ಹಾರ್ಮೋನ್‍ಗಳ ನಿಯಂತ್ರಣದಲ್ಲಿಡಲು ಮತ್ತು ಉತ್ತಮ ಹಾಲಿನ ಪ್ರಮಾಣಕ್ಕಾಗಿ ವೈದ್ಯರ ಸಲಹೆಗೆ ಒಳಪಡುವುದು ಉತ್ತಮ.

3. ಸ್ತನ ಶಸ್ತ್ರ ಚಿಕಿತ್ಸೆ:

ವೈದ್ಯಕೀಯ ಅಥವಾ ಕಾಸ್ಮೆಟಿಕ್ ಕಾರಣಗಳಿಂದಾಗಿ ಎದೆಹಾಲಿನ ಉತ್ಪಾದನೆಯಲ್ಲಿ ತೊಂದರೆ ಅಥವಾ ಪ್ರಮಾಣ ಕಡಿಮೆಯಾಗುವುದು. ಇದೊಂದು ಪರಿಶೀಲಿಸಲೇ ಬೇಕಾದ ಸಮಸ್ಯೆಗಳಾಗಿರುವುದರಿಂದ ವೈದ್ಯರ ತಪಾಸಣೆ ಬಹು ಮುಖ್ಯವಾಗಿರುತ್ತದೆ.

4. ಜನನ ನಿಯಂತ್ರಣದ ಹಾರ್ಮೋನ್ ಬಳಕೆ:

ಜನನ ನಿಯಂತ್ರಣಕ್ಕೆ ಬಳಸುವ ಹಾರ್ಮೋನ್ ಮಾತ್ರೆಗಳು ಕೆಲವು ಮಹಿಳೆಯರಲ್ಲಿ ಹಾಲು ಉತ್ಪಾದನೆಯ ಮಟ್ಟವನ್ನು ಕಡಿಮೆಗೊಳಿಸುತ್ತವೆ.

ನೀವು ಜನನ ನಿಯಂತ್ರಣಕ್ಕೆ ಬಳಸುತ್ತಿರುವ ಹಾರ್ಮೋನ್ ಇಂಜೆಕ್ಷನ್ ಅಥವಾ ಮಾತ್ರೆಗಳ ಬಗ್ಗೆ ಸೂಕ್ತ ಮಾಹಿತಿ ಪಡೆದುಕೊಳ್ಳುವುದು ಸೂಕ್ತ. ವೈದ್ಯರ ಸೂಕ್ತ ಸಲಹೆಯ ಮೇರೆಗೆ ಹಾಲಿನ ಉತ್ಪಾದನೆಯನ್ನು ಹೆಚ್ಚಿಸಬಹುದು.

5. ಔಷಧಿ ಹಾಗೂ ಗಿಡಮೂಲಿಕೆಗಳ ಸೇವನೆ:

ಕೆಲವೊಮ್ಮೆ ತಾಯಂದಿರು ಸೇವಿಸುವ ಔಷಧಿಗಳ ಸೇವನೆಯಿಂದಾಗಿ ಎದೆಹಾಲಿನ ಪೂರೈಕೆ ಕಡಿಮೆಯಾಗುತ್ತದೆ. ಔಷಧಗಳಲ್ಲಿರುವ ರಾಸಾಯನಿಕ ಪದಾರ್ಥಗಳು ಇಂತಹ ಸಮಸ್ಯೆಯನ್ನು ಹುಟ್ಟುಹಾಕುತ್ತವೆ.

ಕೆಲವರು ಸೇವಿಸುವ ಗಿಡಮೂಲಿಕೆ ಔಷಧಗಳು ಸಹ ಹಾರ್ಮೋನ್ ಅಥವಾ ಹಾಲು ಉತ್ಪಾದನೆ ಮಾಡುವುದರಲ್ಲಿ ಸಮಸ್ಯೆಯನ್ನು ಉಂಟುಮಾಡುತ್ತವೆ. ಅದಕ್ಕಾಗಿಯೇ ತಾಯಿ ಯಾವುದೇ ಔಷಧ ಸ್ವೀಕರಿಸುವ ಮೊದಲು ವೈದ್ಯರ ಸಲಹೆ ಪಡೆದುಕೊಳ್ಳಬೇಕು.

6. ಶಿಶುಗಳ ಹೀರುವ ಶಕ್ತಿ:

ಮಗು ತನ್ನ ತಾಯಿಯ ಎದೆಹಾಲನ್ನು ಹೇಗೆ ಹೀರಿ ತೆಗೆದುಕೊಳ್ಳುತ್ತದೆಯೋ ಅದರ ಆಧಾರದ ಮೇಲೆ ಹಾಲಿನ ಉತ್ಪಾದನೆ ಹೆಚ್ಚುತ್ತಾ ಹೋಗುತ್ತದೆ. ಹೀರುವ ಪ್ರಕ್ರಿಯೆಯಿಂದ ಸ್ತನವು ಸಂಕುಚಿತಗೊಳ್ಳುತ್ತವೆ. ಜೊತೆಗೆ ಹಾಲು ಉತ್ಪಾದನೆಗೆ ಪ್ರಚೋದಿಸುತ್ತವೆ. ಕೆಲವು ಶಿಶುಗಳು ಹಾಲನ್ನು ಹೀರುವ ಶಕ್ತಿಯನ್ನು ಹೊಂದಿರುವುದಿಲ್ಲ ಅಥವಾ ಹೀರುವ ಪ್ರಕ್ರಿಯೆ ತಿಳಿದಿರುವುದಿಲ್ಲ. ಈ ಕಾರಣದಿಂದಲೂ ತಾಯಿಯಲ್ಲಿ ಎದೆಹಾಲಿನ ಪ್ರಮಾಣ ಕಡಿಮೆಯಾಗಿರುತ್ತದೆ.

7. ರಾತ್ರಿಹೊತ್ತು ಹಾಲುಣಿಸದೆ ಇರುವುದು:

ಕೆಲವರು ಮಗುವಿಗೆ ರಾತ್ರಿ ಸಮಯದಲ್ಲಿ ಹಾಲುಣಿಸದೆ ಇರುತ್ತಾರೆ. ರಾತ್ರಿ ಹೊತ್ತು ಹಾಲುಣಿಸದೆ ಇದ್ದರೆ ಮಗುವಿನ ತೂಕ ನಿಯಂತ್ರಣದಲ್ಲಿ ಇಡಬಹುದು ಹಾಗೂ ತಾಯಿ ನಿದ್ರಾ ಹೀನತೆಯಿಂದ ದೂರವಾಗಬಹುದು ಎಂದು ಭಾವಿಸುತ್ತಾರೆ.

ಆದರೆ ಈ ವಿಧಾನ ಹಾಲು ಉತ್ಪಾದಿಸುವ ಹಾರ್ಮೋನ್‍ಗಳ ಮೇಲೆ ಪರಿಣಾಮ ಬೀರುತ್ತವೆ. ಇದರಿಂದಾಗಿ ಹಾಲು ಉತ್ಪಾದನೆಯು ಕಡಿಮೆಯಾಗುತ್ತದೆ.

8. ಹಾಲುಣಿಸುವ ಸಮಯ ನಿಗದಿಪಡಿಸುವುದು:

ಎದೆಹಾಲು ಉತ್ಪಾದನೆ ಹೆಚ್ಚಾಗಲು ಎಷ್ಟು ಬಾರಿ ಕಡಿಮೆಯಾಗಿದೆ ಎನ್ನುವುದನ್ನು ಆದರಿಸಿರುತ್ತದೆ. ಎಷ್ಟು ಬಾರಿ ಎದೆಹಾಲು ಕಡಿಮೆಯಾಗಿದೆ ಎನ್ನುವುದರ ಮೇಲೆ ಹಾಲು ಉತ್ಪಾದನೆ ಹೆಚ್ಚುತ್ತದೆ. ಹಾಲುಣಿಸುವ ಸಮಯ ನಿಗದಿಪಡಿಸುವುದರಿಂದ ಎದೆಹಾಲಿನ ಉತ್ಪಾದನೆ ಕಡಿಮೆಯಾಗುವುದು.

9. ಜನನದ ಸಮಯದಲ್ಲಿ ಸ್ವೀಕರಿಸಿದ ಔಷಧಗಳು:

ಕೆಲವೊಮ್ಮೆ ಎಪಿಡ್ಯೂರಲ್ ಅಥವಾ ಅರವಳಿಕೆ ಹಾಗೂ ಪ್ರಸವದ ಸಮಯದಲ್ಲಿ ಬಳಸಿದ ಔಷಧಗಳು ತಾಯಿಯ ಆರೋಗ್ಯದ ಮೇಲೆ ಋಣಾತ್ಮಕ ಪರಿಣಾಮ ಬೀರುತ್ತವೆ. ಇದರಿಂದ ಎದೆಹಾಲು ಉತ್ಪಾದನೆಯು ಕುಂಟಿತಗೊಳ್ಳುವುದು.

10. ಹಾಲು ಉತ್ಪಾದಿಸುವ ಔಷಧಗಳು:

ಹಾಲು ಉತ್ಪಾದನೆಯನ್ನು ಹೆಚ್ಚಿಸುವ ಮಾತ್ರೆಗಳು ಕೆಲವೊಮ್ಮೆ ಆರೋಗ್ಯದ ಮೇಲೆ ಗಣನೀಯವಾದ ಪರಿಣಾಮ ಬೀರುವುದು. ಹಾಲಿನ ಪ್ರಮಾಣ ಹೆಚ್ಚಿಸುವುದು ಅಥವಾ ಇಳಿಸುವ ಮಾತ್ರೆಗಳು ಗಂಭೀರವಾದ ಪರಿಣಾಮ ಬೀರುವುದು.

ಇದರಿಂದ ಹಾಲು ಉತ್ಪಾದನೆಯು ಕಡಿಮೆಯಾಗುತ್ತವೆ. ಮಾತ್ರೆ ಅಥವಾ ಔಷಧಿ ಸ್ವೀಕರಿಸುವ ಮುನ್ನ ವೈದ್ಯರ ಸಲಹೆ ಪಡೆಯುವುದನ್ನು ಮರೆಯದಿರಿ.