ಸ್ತನದ ಗಾತ್ರ v/s ಎದೆ ಹಾಲು-ಈ ವಿಷಯದಲ್ಲಿ ತಪ್ಪು ಕಲ್ಪನೆ ಬೇಡ!

ವಾಸ್ತವಾಂಶ #1

ಸ್ತನದ ಗಾತ್ರಕ್ಕೂ ಹಾಲಿನ ಪ್ರಮಾಣಕ್ಕೂ ಸಂಬಂಧವಿಲ್ಲ. ತಾಯಿಯ ಆರೋಗ್ಯವೇ ಈ ಪ್ರಮಾಣವನ್ನು ನಿರ್ಧರಿಸುವುದೇ ಹೊರತು ಸ್ತನದ ಗಾತ್ರವಲ್ಲ ಎಂದು ತಜ್ಞರು ಖಚಿತಪಡಿಸುತ್ತಾರೆ.

ವಾಸ್ತವಾಂಶ #2

ಸ್ತನದ ಗಾತ್ರಕ್ಕೆ ಸ್ತನಗಳಲ್ಲಿರುವ ಕೊಬ್ಬಿನ ಅಂಗಾಂಶವೇ ಕಾರಣ. ಈ ಅಂಗಾಂಶಕ್ಕೆ ಹಾಲನ್ನು ಉತ್ಪಾದಿಸುವ ಅಥವಾ ಸಂಗ್ರಹಿಸುವ ಗುಣ ಇಲ್ಲದಿರುವ ಕಾರಣ ಸ್ತನದ ಗಾತ್ರ ಹಾಲಿನ ಪ್ರಮಾಣವನ್ನು ನಿರ್ಧರಿಸುವುದಿಲ್ಲ.

ವಾಸ್ತವಾಂಶ #3

ಗರ್ಭಾವಸ್ಥೆಯಲ್ಲಿ ಹಾಗೂ ಹೆರಿಗೆಯ ನಂತರದ ಸಮಯದಲ್ಲಿ ತಾಯಿಯ ದೇಹದಲ್ಲಿ ಸ್ರವಿಸುವ ಕೆಲವಾರು ರಸದೂತಗಳು ಸೂಕ್ತಕಾಲದಲ್ಲಿ ಸ್ರವಿಸಿ ಹಾಲು ಉತ್ಪಾದನಾ ಗ್ರಂಥಿಗಳಲ್ಲಿ ಹಾಲು ಉತ್ಪತ್ತಿಯಾಗುವಂತೆ ಹಾಗೂ ಸಂಗ್ರಹಗೊಳ್ಳುವಂತೆ ನೋಡಿಕೊಳ್ಳುತ್ತವೆ.

ವಾಸ್ತವಾಂಶ #4

ಯಾವಾಗ ಹಾಲಿನ ಉತ್ಪತ್ತಿಯಾಗತೊಡಗಿ ಹಾಲು ಸಂಗ್ರಹವಾಗತೊಡಗುತ್ತದೆಯೋ, ಆಗ ಸ್ವಾಭಾವಿಕವಾಗಿ ಸ್ತನಗಳ ಗಾತ್ರ ಕೊಂಚ ಹೆಚ್ಚುತ್ತದೆ. ಆದರೆ ದೊಡ್ಡ ಸ್ತನಗಳಿದ್ದರೆ ಹೆಚ್ಚು ಹಾಲು ಚಿಕ್ಕ ಸ್ತನಗಳಿದ್ದರೆ ಕಡಿಮೆ ಹಾಲು ಎಂದೇನೂ ಇಲ್ಲ.

ವಾಸ್ತವಾಂಶ #5

ನಿಸರ್ಗ ತಾಯಿಗೆ ನೀಡಿದ ಇನ್ನೊಂದು ಅದ್ಭುತ ವರವೆಂದರೆ ಮಗು ಎಷ್ಟು ಹೆಚ್ಚು ಹಾಲು ಕುಡಿಯುತ್ತದೆಯೋ, ತಾಯಿಯ ದೇಹ ಅಷ್ಟೇ ಹೆಚ್ಚು ಹಾಲನ್ನು ಉತ್ಪಾದಿಸುತ್ತದೆ.

ವಾಸ್ತವಾಂಶ #6

ಒಂದು ವೇಳೆ ಗರ್ಭಾವಸ್ಥೆಯಲ್ಲಿ ಅಥವಾ ಹೆರಿಗೆಯ ಬಳಿಕ ಸ್ತನಗಳ ಗಾತ್ರ ಹೆಚ್ಚದೇ ಇದ್ದರೆ ಇದಕ್ಕೆ IFT (insufficient glandular tissue) ಅಥವಾ ಸ್ತನದ ಕೊಬ್ಬಿನ ಅಂಗಾಂಶದ ಕೊರತೆ ಎಂಬ ಕಾರಣವಿರಬಹುದು. ಈ ತೊಂದರೆ ಇರುವ ಮಹಿಳೆಯರು ಮಗುವಿಗೆ ಅಗತ್ಯವಿರುವಷ್ಟು ಹಾಲು ಉತ್ಪಾದಿಸಲಾರರು. ತಜ್ಞ ವೈದ್ಯರು ಮಾತ್ರ ಸೂಕ್ತ ಪರೀಕ್ಷೆಗಳ ಮೂಲಕ ಅಗತ್ಯವಾದ ಔಷಧಿಗಳನ್ನು ನೀಡಿ ಈ ಕೊರತೆಯನ್ನು ನೀಗಿಸಬಲ್ಲರು.

ವಾಸ್ತವಾಂಶ #7

ಸೂಕ್ತ ಪ್ರಮಾಣದಲ್ಲಿ ಹಾಲು ಉತ್ಪತ್ತಿಯಾಗದೇ ಇರಲು ಇರುವ ಕಾರಣಗಳೆಂದರೆ ಗರ್ಭ ನಿರೋಧಕ ಗುಳಿಗೆಗಳ ಹೆಚ್ಚಿನ ಬಳಕೆ, ಸ್ತನಗಳ ಶಸ್ತ್ರಚಿಕಿತ್ಸೆ ಹಾಗೂ ಧೂಮಪಾನಗಳಂತಹ ದುರಭ್ಯಾಸಗಳಾಗಿವೆ.