ತಾಯ್ತನದ ನಂತರ, ಜವಾಬ್ದಾರಿಗಳ ಸರಮಾಲೆ.....

ಕಲಿತುಕೊಳ್ಳುವುದು ಮುಗಿಯುವುದಿಲ್ಲ

ಡೈಪರ್ ತೊಡಿಸುವುದು, ಮಕ್ಕಳಿಗೆ ಬಹಿರ್ದಿಶೆಗೆ ಹೋಗುವುದನ್ನು ಕಲಿಸುವುದನ್ನು ನೀವು ಅವರಿಗೆ ತಿಳಿಸಿ ಕೊಡಬೇಕಾಗುತ್ತದೆ. ಮಕ್ಕಳು ದೊಡ್ಡದಾದಂತೆ ಅವರು ಮಾಡಬೇಕಾದ ಕೆಲಸಗಳನ್ನು ಅವರೇ ನಿರ್ವಹಿಸುವಂತೆ ನೀವು ತಿಳಿಸಿಕೊಡಬೇಕು.

ಕೆಲಸ ಹೆಚ್ಚು

ಮಗುವಿನ ಜನನದ ನಂತರ ನಿಮ್ಮ ಕೆಲಸಗಳೂ ಹೆಚ್ಚಾಗುತ್ತದೆ. ಮಗುವನ್ನು ಸ್ವಚ್ಛಪಡಿಸುವುದು, ಅವರಿಗೆ ತಿನ್ನಿಸುವುದು, ಸಾಂತ್ವಾನಪಡಿಸುವುದು, ಹೀಗೆ ಈ ಕೆಲಸ ಕಾರ್ಯಗಳು ಎಂದಿಗೂ ಮುಗಿಯುವುದೇ ಇಲ್ಲ.

ಅಸಹಾಯಕತೆ

ತಮ್ಮದೇ ಮಗುವನ್ನು ನೋಡಿಕೊಳ್ಳುವಾಗ ತಾಯಂದಿರು ಅಸಹಾಯಕರಾಗಿ ಬಿಡುತ್ತಾರೆ. ಮನೆ ಕೆಲಸ, ಉದ್ಯೋಗ ಜೊತೆಗೆ ರಚ್ಚೆ ಹಿಡಿಯುವ ಮಗು ಉಸ್ಸಪ್ಪಾ ಸಾಕಾಗುತ್ತಿದೆ ಎಂಬ ಉದ್ಗಾರ ತಾಯಂದಿರಿಂದ ಬರುತ್ತದೆ.

ನಿಮ್ಮಿಂದಲೂ ತಪ್ಪುಗಳು ಸಂಭವಿಸಬಹುದು

ಹೊಸದಾಗಿ ತಾಯಿಯಾದವರು, ಅದರಲ್ಲೂ ಪ್ರಥಮ ಮಗುವನ್ನು ಪಡೆದುಕೊಂಡವರು, ಮಗುವಿನ ಕಾಳಜಿ ವಿಷಯದಲ್ಲಿ ಸಾಕಷ್ಟು ತಪ್ಪುಗಳನ್ನು ಮಾಡುತ್ತಾರೆ. ಈ ಸಮಯದಲ್ಲಿ ಆ ತಪ್ಪುಗಳನ್ನು ತಿದ್ದಿಕೊಂಡು ಮಗುವಿನ ಪೋಷಣೆಯನ್ನು ಮಾಡಬೇಕಾಗುತ್ತದೆ.

ತಮಗಾಗಿ ಸಮಯ ಇರುವುದಿಲ್ಲ

ಮಗುವನ್ನು ನೋಡಿಕೊಳ್ಳುವ ಭರದಲ್ಲಿ ತಮಗೆ ತಾವೇ ಮಹತ್ವ ನೀಡಲು ತಾಯಂದಿರಿಗೆ ಸಾಧ್ಯವಾಗುವುದಿಲ್ಲ. ಏಕೆಂದರೆ ಮಗುವಿಗೆ ತಾಯಿಯ ಅಗತ್ಯವಾಗಿರುತ್ತದೆ.

ಎದೆಹಾಲುಣಿಸುವುದು

ನೀವು ಎದೆಹಾಲುಣಿಸುವ ತಂತ್ರವನ್ನು ಕಲಿಯುವವರೆಗೆ ಅದು ಕಚಗುಳಿಯನ್ನುಂಟು ಮಾಡುವಂತೆಯೂ, ನೋಯುವಂತೆಯೂ, ಮುಜುಗರಕ್ಕೆ ಈಡಾಗುವಂತೆಯೂ ಮಾಡುತ್ತದೆ.

ನಿಮ್ಮ ದೇಹದಲ್ಲಾಗುವ ಮಾರ್ಪಾಡುಗಳು

ಮಗುವಿನ ಜನನದ ನಂತರ ನಿಮ್ಮ ದೇಹದಲ್ಲಿ ಕೆಲವೊಂದು ಶಾಶ್ವತ ಬದಲಾವಣೆಗಳು ಉಂಟಾಗುತ್ತದೆ. ಅಂದರೆ ತೂಕ ಏರಿಕೆ, ನೇತುಬಿದ್ದಿರುವ ಹೊಟ್ಟೆ, ಸ್ಟ್ರೆಚ್ ಗುರುತುಗಳು, ಆದರೆ ಅದರೊಂದಿಗೆ ಸ್ವಲ್ಪ ಕಾಲ ನೀವು ಹೊಂದಿಕೊಳ್ಳಬೇಕಾಗುತ್ತದೆ.