ಮಕ್ಕಳ ಬುದ್ಧಿ ಶಕ್ತಿ ಹೆಚ್ಚಲು ನೀಡಬೇಕಾದ ಆಹಾರಗಳು

Updated: Monday, September 23, 2013, 11:31 [IST]

ನಿಮ್ಮ ಮಕ್ಕಳು ಜೀನಸ್ ಆಗಬೇಕೆಂದು ಬಯಸುತ್ತಿದ್ದೀರಾ? ಹಾಗಾದರೆ ನೀವು ಮೊದಲು ಮಾಡಬೇಕಾದ ಕೆಲಸವೆಂದರೆ ಅವರ ಆಹಾರಕ್ರಮದ ಬಗ್ಗೆ ಗಮನ ಕೊಡುವುದು! ಮಕ್ಕಳಿಗೆ ಚಾಕಲೇಟ್, ಚಿಪ್ಸ್, ಐಸ್ ಕ್ರೀಮ್, ಫಾಸ್ಟ್ ಫುಡ್ಸ್ ಈ ರೀತಿಯ ಆಹಾರಗಳೇ ಇಷ್ಟವಾಗುವುದು. ಆರೋಗ್ಯಕರ ಆಹಾರವನ್ನು ಬಾಯಿಗೆ ತುರುಕಿದರೂ ತಿನ್ನುವುದಿಲ್ಲ, ಬೇಡದ ಆಹಾರಗಳನ್ನು ನಾವು ಕೊಡಿಸದಿದ್ದರೂ ಬೇಕೆಂದು ಹಠ ಮಾಡಿ ಅವರಿಗೆ ಅದನ್ನು ಕೊಡಿಸುವಂತೆ ಮಾಡುತ್ತಾರೆ.

ಮಕ್ಕಳ ಬ್ರೈನ್ (ಮಿದುಳು) ಶಾರ್ಪ್ ಆಗಲು ಕೆಲವೊಂದು ಪೋಷಕಾಂಶಗಳು ಅವಶ್ಯಕ. ಆದ್ದರಿಂದ ಅವರು ಇಷ್ಟಪಟ್ಟು ತಿನ್ನುವ ಆಹಾರಗಳ ಜೊತೆ ಈ ಆಹಾರಗಳನ್ನೂ ತಿನ್ನುವಂತೆ ಮಾಡಿದರೆ ಮಕ್ಕಳ ಮಿದುಳಿನ ಶಕ್ತಿ ವೃದ್ಧಿಯಾಗುವುದು:

ಮೊಟ್ಟೆ

ಇದರಲ್ಲಿರುವ ಅಂಶ ಮಕ್ಕಳ ಮಿದುಳಿನ ನರಗಳ ಶಕ್ತಿಯನ್ನು ವೃದ್ಧಿಸಿ, ಜ್ಞಾಪಕ ಶಕ್ತಿ ಹೆಚ್ಚುವಂತೆ ಮಾಡುತ್ತದೆ. ಮಕ್ಕಳ ಬ್ರೇಕ್ ಫಾಸ್ಟ್ ನ ಜೊತೆ ಒಂದು ಮೊಟ್ಟೆ ಕೊಡುವುದು ಒಳ್ಳೆಯದು.

ಮೊಸರು

ಮೊಸರು ಕೂಡ ಮಕ್ಕಳ ಮಿದುಳಿನ ಆರೋಗ್ಯವನ್ನು ವೃದ್ಧಿಸುತ್ತದೆ. ಬರೀ ಮೊಸರು ತಿನ್ನದಿದ್ದರೆ ಮೊಸರು ಬಳಸಿ ಅವರಿಗೆ ಇಷ್ಟವಾದ ಆಹಾರ ಮಾಡಿ ಕೊಡಿ.

ಓಟ್ ಮೀಲ್ಸ್

ಓಟ್ ಮೀಲ್ಸ್ ಅಷ್ಟೊಂದು ರುಚಿಕರವಲ್ಲದ ಕಾರಣ ಮಕ್ಕಳಿಗೆ ಇಷ್ಟವಾಗುವುದಿಲ್ಲ. ಅದಕ್ಕೆ ಅವರು ಇಷ್ಟ ಪಡುವ ಫ್ರೂಟ್ಸ್ ಹಾಕಿ ಅವರ ಬಾಯಿ ರುಚಿಗೆ ಇಷ್ಟವಾಗುವಂತೆ ಮಾಡಿಕೊಟ್ಟರೆ ಖಂಡಿತ ತಿನ್ನುತ್ತಾರೆ.