ಫೋಟೋದಲ್ಲೇಕೆ ನೈಜ ಸೌಂದರ್ಯ ಮರೆಯಾಗುತ್ತದೆ?

ಕನ್ನಡಿಯೊಂದಿಗೆ ನಿಮಗಿರುವ ಪರಿಚಿತತೆ

ನಮ್ಮ ಮುಖದ ಪರಿಪೂರ್ಣ ಅಂದ ಅಥವಾ ಸೌದರ್ಯದ ಕ್ಲಿಯರ್ ಚಿತ್ರಣ ಸಿಗುವುದು ನಾವು ನೋಡುವ ಕನ್ನಡಿಯಲ್ಲಿ ಮಾತ್ರ. ಅದು ನೀಡುವ ಪ್ರತಿಫಲನವನ್ನೇ ನಾವು ನಂಬುವುದು. ನಿತ್ಯ ಬಹುತೇಕ ಬಾರಿ ಅಥವಾ ಆಗಾಗ್ಗೆ ಕನ್ನಡಿಯನ್ನು ನೋಡಿಕೊಳ್ಳುತ್ತಲೇ ಇರುತ್ತೇವೆ. ಮನೆಯಿಂದ ಹೊರ ಹೋಗುವಾಗಂತೂ ಅಂದವಾಗಿ ಕಾಣಲು ಪ್ರಸಾಧನಗಳನ್ನು ಬಳಸಿ ಮುಖವನ್ನು ಇನ್ನಷ್ಟು ಅಂದಗಾಣಿಸಿ ಕನ್ನಡಿಯಲ್ಲೇ ಪದೇ ಪದೇ ನೋಡಿಕೊಂಡು ಚೆನ್ನಾಗಿದೆ ಎಂದು ಖಚಿತವಾದ ಮೇಲೆಯೇ ಮನೆಯಿಂದ ಹೊರಗೆ ಹೋಗುವುದು. ಇದಕ್ಕೆ ಹೆಣ್ಣುಮಕ್ಕಳು ಮಾತ್ರ ಸೀಮಿತರಾಗಿಲ್ಲ, ಪುರುಷರು ಸಹ ಈ ಅಭ್ಯಾಸದಿಂದ ಹೊರತಾಗಿಲ್ಲ. ನಿತ್ಯ ಇಷ್ಟೆಲ್ಲಾ ಹೊತ್ತು ಕನ್ನಡಿ ಮುಂದೆ ಕಳೆಯುವ ನಾವು ಇದ್ದಕ್ಕಿಂದ್ದಂತೆ ನಮ್ಮ ಪ್ರತಿಫಲನ್ನು ವಿರುದ್ಧವಾಗಿ ತೋರಿಸುವ ಕ್ಯಾಮೆರಾ ಅಥವಾ ಸೆಲ್ಫಿಯಲ್ಲಿ ನಮ್ಮ ಪ್ರತಿಬಿಂಬ ಕಂಡಾಗ ಅದು ನಮಗೆ ಅಹಿತವೆನಿಸುತ್ತದೆ ಅಥವಾ ವಿಭಿನ್ನ ಎನಿಸದಿರದು.

ಫೋಟೋಜೆನಿಕ್ ಫೇಸ್

ನಿಮ್ಮ ಮುಖ ವಿಭಿನ್ನವಾಗಿ ಅಥವಾ ನೀವಂದುಕೊಂಡಂತೆ ಕಾಣದೇ ಇರಲು ಕಾರಣ ಗೊತ್ತೆ?, ನೀವು ಇಷ್ಟು ದಿನ ಕನ್ನಡಿಯಲ್ಲಿ ನೋಡುತ್ತಿದ್ದ ಪ್ರತಿಬಿಂಬವೇ ನಿಮ್ಮ ನಿಜವಾದ ಸೌಂದರ್ಯ, ಅದೇ ನೀವು ಎಂಬುದು ನಿಮ್ಮ ಅಭಿಪ್ರಾಯವಾಗಿತ್ತು, ಆದರೆ ನಿತ್ಯದ ದಿನಚರಿಗಿಂತ ಭಿನ್ನವಾಗಿ ಮೊಬೈಲ್ ಕ್ಯಾಮೆರಾದಲ್ಲಿ ನಿಮ್ಮ ಪ್ರತಿಬಿಂಬವನ್ನು ಕಂಡಾಕ್ಷಣ ಏನೋ ವಿಚಿತ್ರವಾಗಿದೆ ಎಂಬ ಭಾವನೆ ನಿಮ್ಮಲ್ಲಿ ಮೂಡುತ್ತದೆ. ಮತ್ತೊಂದು ಕಾರಣ ನಿಮ್ಮ ಮುಖದ ಚಹರೆ. ಕೆಲವರ ಮುಖದ ಚಹರೆ ಫೋಟೋಗೆ ತಾನು ಇರುವುದಕ್ಕಿಂತ ತುಂಬಾನೆ ಚೆನ್ನಾಗಿ ಕಂಡರೆ ಇನ್ನೂ ಕೆಲವರಿಗೆ ಇರುವ ಅಂದವೂ ಫೊಟೋದಲ್ಲಿ ಕಾಣುವುದಿಲ್ಲ. ಆದ್ದರಿಂದ, ನೀವು ಸಂಪೂರ್ಣವಾಗಿ ಫೋಟೋಗೆ ಒಪ್ಪುವ ಮುಖವನ್ನು ಹೊಂದಿರಲಾರದಿದ್ದರೆ, ನಿಮಗೆ ಕ್ಯಾಂಡಿಡ್ ಫೋಟೋಗಳನ್ನು ಸಹ ಇಷ್ಟಪಡದೇ ಇರುವ ಸಾಧ್ಯತೆಗಳೇ ಹೆಚ್ಚಿದೆ.

ಕ್ಯಾಮೆರಾದ ಆ್ಯಂಗಲ್

ನೀವು ಹೆಚ್ಚು ಲೈಕ್ಸ್ ಅಥವಾ ಕಮೆಂಟ್ ಗಳನ್ನು ಪಡೆಯಲು ಸಾಮಾನ್ಯವಾಗಿ ದಿ ಬೆಸ್ಟ ಫೋಟೋಗಳನ್ನು ಮಾತ್ರ ಯಾವುದೇ ಸಾಮಾಜಿಕ ಜಾಲತಾಣಗಳಲ್ಲಿ ಹಾಕುತ್ತೇವೆ. ಇದಕ್ಕಾಗಿ ಹತ್ತಾರು ಫೋಟೋಗಳನ್ನು ಭಿನ್ನ ಭಿನ್ನ ಆ್ಯಂಗಲ್ ನಲ್ಲಿ ತೆಗೆದುಕೊಳ್ಳುತ್ತೇವೆ. ಆದರೆ ಛಾಯಾಚಿತ್ರಗಳು ನಿಜ ಜೀವನದ 2-ಡಿ ಆವೃತ್ತಿಯಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ. ಇದರರ್ಥ ಫೋಟೋಗಳು ನಿಮ್ಮ ಮುಖದ ವೈಶಿಷ್ಟ್ಯಗಳನ್ನು ಚಪ್ಪಟೆಗೊಳಿಸುತ್ತವೆ ಅಥವಾ ಕೆಲವು ಕೋನಗಳಿಂದಾಗಿ ಅವುಗಳನ್ನು ವಿರೂಪಗೊಳ್ಳುತ್ತವೆ. ಅಲ್ಲದೆ, ಫೋಟೋಗಳು ನಿಮ್ಮ ಮುಖದ ಪ್ರತಿಯೊಂದು ಚಹರೆಯನ್ನು ಸಂಗ್ರಹಿಸುವುದರಿಂದ ನಿಜ ಜೀವನದಲ್ಲಿ ಗಮನಕ್ಕೆ ಬಾರದ ಹಲವು ವಿಚಿತ್ರ ಚಹರೆಗಳಳನ್ನು ನೀವು ನೋಡಲು ಸಾಧ್ಯವಾಗುತ್ತದೆ.

ಆದರೆ ನೆನಪಿಡಿ

ಒಂದು ಅತ್ಯುತ್ತಮ ಚಿತ್ರ ಉತ್ತಮ ಬೆಳಕು+ ಅತ್ಯುತ್ತಮವಾದ ಆ್ಯಂಗಲ್ + ಬೆಸ್ಟ್ ಭಂಗಿಯ ಮಿಶ್ರಣ.

ಸಲಹೆ: ನಿಮ್ಮ ಫೋನ್‌ನ ಫ್ಲ್ಯಾಷ್ ಲೈಟ್ ನಿಮ್ಮ ಮುಖದಲ್ಲಿ ಆಕರ್ಷಕವಾಗಿಲ್ಲದ ಎಲ್ಲವನ್ನೂ ಹೈಲೈಟ್ ಮಾಡುತ್ತದೆ. ಆದ್ದರಿಂದ ಆದಷ್ಟು ಫೋಟೋಗಳನ್ನು ತೆಗೆದುಕೊಳ್ಳುವಾಗ ನೈಸರ್ಗಿಕವಾದ ಬೆಳಕನ್ನು ಬಳಸಿಕೊಳ್ಳಿ.