ಜ್ಯೋತಿಷ್ಯ ಪ್ರಕಾರ ಮಂಗಳವಾರ ಈ ಕಾರ್ಯಗಳನ್ನು ಅಪ್ಪಿ ತಪ್ಪಿಯೂ ಮಾಡಬಾರದು

ಶೇವಿಂಗ್, ಕಟ್ಟಿಂಗ್ ಮಾಡುವಂತಿಲ್ಲ

ಮಂಗಳವಾರದಂದು ಶೇವಿಂಗ್, ಕಟ್ಟಿಂಗ್ ಮಾಡುವಂತಿಲ್ಲ ಎಂದು ಹೇಳಲಾಗುವುದು. ಎಷ್ಟೋ ಜನರು ಇದನ್ನು ತುಂಬಾ ಕಟ್ಟು ನಿಟ್ಟಾಗಿ ಪಾಲಿಸುತ್ತಾರೆ ಕೂಡ. ಮನುಷ್ಯನ ದೇಹದ ಮೇಲೆ ಮಂಗಳನ ಪ್ರಭಾವ ಇರುತ್ತದೆ, ಮಂಗಳವಾರ ಕೂದಲು ಕತ್ತರಿಸುವುದು, ಶೇವಿಂಗ್ ಮಾಡುವುದು ಮಾಡಿದರೆ ಗಾಯವಾಗಬಹುದು ಎಂದು ಹೇಳಲಾಗುತ್ತದೆ. ಎಷ್ಟೋ ಜನರು ಈ ದಿನ ಮನೆ ಕೂಡ ಸ್ವಚ್ಛ ಮಾಡುವುದಿಲ್ಲ. ಮಂಗಳವಾರ ಉಗುರುಗಳನ್ನು ಕೂಡ ಕತ್ತರಿಸುವುದಿಲ್ಲ.

ಮೇಕಪ್ ಸಾಧನಗಳನ್ನು ಕೊಳ್ಳಬಾರದು

ಮಂಗಳವಾರ ಸೌಂದರ್ಯವರ್ಧಕ ಸಾಧನಗಳನ್ನು ಕೊಳ್ಳಬಾರದು, ಸೌಂದರ್ಯವರ್ಧಕ ಸಾಧನಗಳನ್ನು ಕೊಳ್ಳುವುದರಿಂದ ವೈವಾಹಿಕ ಸಂಬಂಧದಲ್ಲಿ ಸಮಸ್ಯೆ ಉಂಟಾಗುವುದು ಎಂಬ ನಂಬಿಕೆ ಇದೆ.

ಮಂಗಳವಾರ ಹಿರಿಯ ಸಹೋದರನ ಜೊತೆ ಜಗಳವಾಡಬಾರದು

ಮಂಗಳ ಗ್ರಹವನ್ನು ಹಿರಿಯ ಸಹೋದರ ಎಂದು ಪರಿಗಣಿಸಲಾಗಿದೆ. ಮಂಗಳವಾರ ಹಿರಿಯ ಸಹೋದರ ಜೊತೆ ಜಗಳವಾಡಿದರೆ ಮಂಗಳ ಗ್ರಹದ ಕೆಟ್ಟ ಪರಿಣಾಮ ಎದುರಿಸಬೇಕಾಗುವುದು. ಕುಟುಂಬದಲ್ಲಿ ಸಮಸ್ಯೆಗಳು ಹೆಚ್ಚಾಗುವುದು.

ಮೀನು ತಿನ್ನಬಾರದು

ಮಂಗಳವಾರದಂದು ಮೀನು ತಿನ್ನಬಾರದು ಎಂಬ ನಂಬಿಕೆ ಇದೆ.

ಕಡು ಬಣ್ಣದ ಬಟ್ಟೆ ಧರಿಸಬಾರದು

ಮಂಗಳವಾರದಂದು ಕೆಂಪು ಬಣ್ಣದ ಬಟ್ಟೆ ಧರಿಸಿದರೆ ಒಳ್ಳೆಯದು, ಇದರಿಂದ ಮಂಗಳ ದೊಷ ಕಡಿಮೆಯಾಗುವುದು ಎಂದು ಹೇಳಲಾಗುವುದು.

ಭೂಮಿ ಅಗೆಯಬಾರದು

ಮಂಗಳವಾರದೆಂದು ಮನೆ ಪೌಂಡೇಷನ್‌ಗೆ ಭೂಮಿ ಅಗೆಯಬಾರದೆಂದು ಹೇಳಲಾಗುವುದು. ಮಂಗಳನನ್ನು ಭೂಮಿ ಪುತ್ರ ಎಂದು ಹೇಳಲಾಗುವುದು. ಹಾಗಾಗಿ ಮಂಗಳವಾರದೆಂದು ಭೂಮಿ ಅಗೆಯಬಾರದು.