ದ್ರವಾಹಾರ ಪಥ್ಯ ಮಾಡಿ ಮೆದುಳಿಗೆ ಹಾನಿ ಮಾಡಿಕೊಂಡ ಮಹಿಳೆ!

ಕೇವಲ ದ್ರವಾಹಾರ ಸೇವನೆ ಮಾಡಬೇಕೆಂದು ಸೂಚಿಸಲಾಗಿತ್ತು

ತನ್ನ 40ರ ಹರೆಯದಲ್ಲಿದ್ದ ಮಹಿಳೆಗೆ ಕೇವಲ ದ್ರವಾಹಾರ ಮಾತ್ರ ಸೇವನೆ ಮಾಡಬೇಕು ಎಂದು ಹೇಳಲಾಗಿತ್ತು. ಇಸ್ರೇಲಿನ ಟೆಲ್ ಅವಿವ್ ಆಸ್ಪತ್ರೆಗೆ ಆಕೆಯನ್ನು ಅಸ್ವಸ್ಥಗೊಂಡ ಹಿನ್ನೆಲೆಯಲ್ಲಿ ದಾಖಲಿಸಲಾಯಿತು.

ಮೂರು ವಾರಗಳ ಕಾಲ ಕೇವಲ ದ್ರವಾಹಾರ ಸೇವನೆ ಮಾಡುತ್ತಿದ್ದರು

ಟೆಲ್ ಅವಿವ್ ನಲ್ಲಿ ಆಕೆ ಒಬ್ಬರು ಪರ್ಯಾಯ ತಜ್ಞರನ್ನು ಭೇಟಿಯಾದ ಬಳಿಕ ಮೂರು ವಾರಗಳ ಕಾಲ ಕೇವಲ ದ್ರವಾಹಾರ ಮಾತ್ರ ಸೇವನೆ ಮಾಡುತ್ತಲಿದ್ದರು ಎಂದು ವರದಿಗಳು ಹೇಳಿವೆ.

ಆಕೆಯ ದ್ರವಾಹಾರದಲ್ಲಿ ಏನೆಲ್ಲಾ ಇತ್ತು

ಆಹಾರ ಪಥ್ಯದಿಂದಾಗಿ ಮಹಿಳೆಗೆ ಕೇವಲ ನೀರು ಮತ್ತು ಹಣ್ಣಿನ ಜ್ಯೂಸ್ ಗಳನ್ನು ಮಾತ್ರ ಸೇವಿಸಲು ಹೇಳಲಾಗಿತ್ತು. ಇದರಿಂದಾಗಿ ಆಕೆಯ ದೇಹದಲ್ಲಿ ಉಪ್ಪಿನಾಂಶದ ಅಸಮತೋಲನ ಉಂಟಾಯಿತು. ಈ ಹಂತದಲ್ಲಿ ಆಕೆಯ ತೂಕವು 40 ಕೆಜಿಗಿಂತ ಕಡಿಮೆ ಆಯಿತು.

ಆಕೆಯ ಪರಿಸ್ಥಿತಿ ಬಿಗಡಾಯಿಸಿತು

ವೈದ್ಯರು ಹೇಳುವ ಪ್ರಕಾರ ಮಹಿಳೆಗೆ ಹೈಪೋನಾಟ್ರಾಮಿಯಾ ಎನ್ನುವ ಸಮಸ್ಯೆಯು ಕಾಡಿತು. ಇದು ನೀರು ನಶೆಯಾಗುವಂತಹ ಪರಿಸ್ಥಿತಿಯಾಗಿದೆ. ರಕ್ತದಲ್ಲಿ ಉಪ್ಪಿನ ಅಂಶವು ತುಂಬಾ ಕಡಿಮೆ ಆದರೆ ಈ ರೀತಿಯ ಪರಿಸ್ಥಿತಿ ಬರುವುದು. ಹೊಟ್ಟೆಯು ಸರಿಯಾಗಿ ಇಲ್ಲದೆ ಇರುವ ವೇಳೆ ಅತಿಯಾಗಿ ನೀರು ಸೇವನೆ ಮಾಡುವಂತಹ ಜನರಲ್ಲಿ ಇಂತಹ ಸಮಸ್ಯೆ ಕಾಣಿಸುವುದು. ಇವರು ವಿದ್ಯುದ್ವಿಚ್ಛೇದಗಳ ಬಗ್ಗೆ ಚಿಂತೆ ಮಾಡುವುದಿಲ್ಲ. ಮಹಿಳೆಯ ಮೆದುಳಿಗೆ ಈಗ ಶಾಶ್ವತವಾಗಿ ಹಾನಿಯಾಗಿದೆ.

ವೃತ್ತಿಪರರ ಬಗ್ಗೆ

ಇಸ್ರೇಲ್ ನಲ್ಲಿ ಇರುವಂತಹ ಕಾನೂನಿನ ಪ್ರಕಾರ ಅವರುಗೆ ಥೆರಪಿಸ್ಟ್ ಎಂದು ಹೇಳಿಕೊಳ್ಳಲು ಯಾವುದೇ ರೀತಿಯ ಪದವಿ ಬೇಕಾಗಿಲ್ಲ ಮತ್ತು ಅವರು ಆರೋಗ್ಯ ಸಂಬಂಧಿ ಸಲಹೆಗಳನ್ನು ನೀಡಬಹುದಾಗಿದೆ.

ಮುಂದಿನ ಸಲ ತೂಕ ಇಳಿಸಲು ನೀವು ಪ್ರಯತ್ನಿಸುತ್ತಿರುವಿರಾದರೆ ಆಗ ಹೆಚ್ಚು ಗಮನಹರಿಸಿ. ಇದಕ್ಕಾಗಿ ಸ್ವಲ್ಪ ಹೆಚ್ಚು ತಿಳುವಳಿಕೆ ಬೇಕು ಮತ್ತು ಸ್ವಲ್ಪ ಸಂಶೋಧನೆಯನ್ನು ನಾವು ಮಾಡಬೇಕು. ಇದರಿಂದ ಸರಿಯಾದ ಆಹಾರ ಪಥ್ಯವು ನಮಗೆ ಸಿಗುವುದು.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆಯನ್ನು ನಮಗೆ ಬರೆದು ತಿಳಿಸಿ.