ತಂದೆಯ ಅಸ್ಥಿಪಂಜರ ಜತೆಗೆ ಕಲಾವಿದನ ಫೋಟೋ ಶೂಟ್!!

ತಂದೆ ಜತೆಗೆ ಫೋಟೊ ತೆಗೆಸಿಕೊಳ್ಳುವುದು ಆತನ ಕನಸಾಗಿತ್ತು

33 ಹರೆಯದ ಸಿಯುವಾನ್ ಝುಜಿ ಎಂಬಾತ ತನ್ನ ತಂದೆಯ ಅಸ್ಥಿಪಂಜರ ಜತೆಗೆ ಫೋಟೊ ತೆಗೆಸಿಕೊಳ್ಳುವುದು ತನ್ನ ಬಾಲ್ಯದ ಕನಸಾಗಿತ್ತು ಎಂದು ಹೇಳಿಕೊಂಡಿದ್ದಾನೆ. ಸಿಯುವಾನ್ ವೃತ್ತಿಯಲ್ಲಿ ಒಬ್ಬ ಕಲಾವಿದನಾಗಿದ್ದಾನೆ. ತನಗೆ ಮೂರು ವರ್ಷವಾಗಿದ್ದಾಗಲೇ ತಂದೆ ಲಿವರ್ ಕ್ಯಾನ್ಸರ್ ನಿಂದ ಮೃತಪಟ್ಟಿದ್ದರು ಎಂದು ಸಿಯುವಾನ್ ಹೇಳಿಕೊಂಡಿದ್ದಾರೆ.

ಸಮಾಧಿಯಿಂದ ತಂದೆಯ ಅಸ್ಥಿಪಂಜರ ಹೊರತೆಗೆದ

ಸಮಾಧಿಯಿಂದ ತನ್ನ ತಂದೆಯ ಅಸ್ಥಿಪಂಜರವನ್ನು ಹೊರತೆ ತೆಗೆದ ಚೀನಾದ ಕಲಾವಿದ ಈ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ ಬಳಿಕ ದೊಡ್ಡ ಮಟ್ಟದ ವಿವಾದ ಸೃಷ್ಟಿಯಾಗಿದೆ.

ಸಮಾಧಿಯಿಂದ ಮೂಳೆಗಳನ್ನು ತೆಗೆದು ಅದನ್ನು ಜೋಡಿಸಿದ

ಸಿಯುವಾನ್ ಝುಜಿ ತನ್ನ ತಂದೆಯ ಸಮಾಧಿಯಲ್ಲಿದ್ದ ಮೂಳೆಗಳನ್ನು ಹೊರಗೆ ತೆಗೆದು ಅದನ್ನು ಅಸ್ಥಿಪಂಜರದಂತೆ ಜೋಡಿಸಿದ. ಇದರ ಬಳಿಕ ಆತ ನಗ್ನವಾಗಿ ಅದರೊಂದಿಗೆ ಫೋಟೊಶೂಟ್ ಮಾಡಿದೆ. ಈ ಫೋಟೊಶೂಟ್ ನ್ನು ಆತನ ಪತ್ನಿ ಮಾಡಿದ್ದಾಳೆ.

ಚೀನಾದ ವೆಬ್ ಸೈಟ್ ನಲ್ಲಿ ಆತ ಪೋಸ್ಟ್ ಮಾಡಿದ

ಸಿಯುವಾನ್ ಝುಜಿ ತನ್ನ ತಂದೆಯ ಅಸ್ಥಿಪಂಜರದೊಂದಿಗೆ ಇರುವ ಈ ಫೋಟೊವನ್ನು ಚೀನಾದ ವೆಬ್ ಸೈಟ್ ನಲ್ಲಿ ಶೇರ್ ಮಾಡಿದ. ಅದು ಕೂಡ ಸಮಾಧಿ ಗುಡಿಸುವ ದಿನದಂದು ಆತ ಈ ರೀತಿಯಾಗಿ ಫೋಟೊಶೂಟ್ ಮಾಡಿದ್ದ. ಸಮಾಧಿ ಗುಡಿಸುವ ದಿನವನ್ನು ಚೀನಾದಲ್ಲಿ ವಾರ್ಷಿಕ ದಿನವನ್ನಾಗಿ ಆಚರಣೆ ಮಾಡಲಾಗುತ್ತದೆ. ಈ ದಿನ ತಮ್ಮ ಪೂರ್ವಜರಿಗೆ ಅವರು ಗೌರವ ಸಲ್ಲಿಸುವರು.

ಈ ಪೋಸ್ಟ್ ನೋಡಿದ ಬಳಿಕ ನೆಟ್ಟಿಗರ ಪ್ರತಿಕ್ರಿಯೆ

ಈ ಫೋಟೋಗಳನ್ನು ಆತ ಶೇರ್ ಮಾಡಿದ ಬಳಿಕ ನೆಟ್ಟಿಗರು ಆತನ ನಡವಳಿಕೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಜನಪ್ರಿಯತೆ ಪಡೆಯಲು ಇಂತಹ ಕೀಳು ಮಟ್ಟಕ್ಕೆ ಇಳಿಯಬಾರದಿತ್ತು ಎಂದು ಕೆಲವು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಈ ಘಟನೆ ಬಗ್ಗೆ ನಿಮ್ಮ ಅಭಿಪ್ರಾಯವೇನು? ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಬಾಕ್ಸ್ ನಲ್ಲಿ ಹಾಕಿಬಿಡಿ.