ಹುಟ್ಟಿದ ಮಗುವಿನ ರಾಶಿಯನ್ನು ತಿಳಿಯಲು ಹೀಗೆ ಮಾಡಿ

ರಾಶಿ ಅಥವಾ ರಾಶಿಚಕ್ರ ಎಂದರೇನು?

ಜ್ಯೋತಿಷ್ಯ ಶಾಸ್ತ್ರದ ಲೆಕ್ಕಾಚಾರದ ಪ್ರಕಾರ ಆಕಾಶವನ್ನು 12 ಭಾಗಗಳಾಗಿ ವಿಂಗಡಿಸಲಾಗಿದೆ. ಪ್ರತಿ ಭಾಗವನ್ನು ಒಂದು ನಕ್ಷತ್ರಪುಂಜ ಅಥವಾ ನಕ್ಷತ್ರಗಳ ವ್ಯವಸ್ಥೆ ಎಂದು ಗುರುತಿಸ ಲಾಗುತ್ತದೆ. ಹೀಗೆ ಪ್ರತಿಯೊಂದು ಭಾಗವನ್ನು ರಾಶಿ ಅಥವಾ ರಾಶಿಚಕ್ರಗಳನ್ನು ಆಧರಿಸಿ ನಿರ್ದಿಷ್ಟ ರಾಶಿಯ ಹೆಸರಿನಿಂದ ನಾಮಕರಣ ಮಾಡಲಾಗಿದೆ. ಹೀಗೆ ಒಟ್ಟು 12 ರಾಶಿಗಳಿದ್ದು ಅವು ಹೀಗಿವೆ: ಮೇಷ (ರಾಮ), ವೃಷಭ (ಎತ್ತು), ಮಿಥುನ, ಕರ್ಕ, ಸಿಂಹ, ಕನ್ಯಾ, ತುಲಾ, ವೃಶ್ಚಿಕ, ಧನು, ಮಕರ, ಕುಂಭ ಹಾಗೂ ಮೀನ.

ಸೂರ್ಯರಾಶಿ ಹಾಗೂ ಚಂದ್ರರಾಶಿಗಳೆಂದರೇನು?

ನಿರ್ದಿಷ್ಟ ಸಮಯದಲ್ಲಿ ಯಾವ ರಾಶಿಗಳ ನಕ್ಷತ್ರಪುಂಜದ ಮೇಲೆ ಸೂರ್ಯನಿರುವನೋ ಆ ರಾಶಿಗಳನ್ನು ಸೂರ್ಯರಾಶಿಗಳೆಂದು ಹಾಗೂ ಯಾವ ರಾಶಿಗಳ ನಕ್ಷತ್ರಪುಂಜದ ಮೇಲೆ ಚಂದ್ರನಿರುವನೋ ಆ ರಾಶಿಗಳನ್ನು ಚಂದ್ರರಾಶಿಗಳೆಂದು ಕರೆಯಲಾಗುತ್ತದೆ.

Most Read:ರಾಶಿಚಕ್ರದ ಪ್ರಕಾರ ಹೇಗೆ ಕೋಪಗಳು ವ್ಯಕ್ತವಾಗುತ್ತವೆ ನೋಡಿ...

ಹುಟ್ಟಿದ ಮಗುವಿನ ಸೂರ್ಯರಾಶಿ ತಿಳಿಯುವುದು ಹೇಗೆ?

ಎಲ್ಲ ಹನ್ನೆರಡು ರಾಶಿ ಚಕ್ರಗಳನ್ನು ಸುತ್ತಲು ಸೂರ್ಯ 12 ತಿಂಗಳುಗಳನ್ನು ತೆಗೆದುಕೊಳ್ಳುತ್ತಾನೆ. ಅಂದರೆ ಅಂದಾಜು ಒಂದು ರಾಶಿಯ ಮೇಲೆ ಒಂದು ತಿಂಗಳವರೆಗೆ ಸೂರ್ಯ ಇರುತ್ತಾನೆ. ಮಗು ಹುಟ್ಟಿದ ತಿಂಗಳಿನ ಆಧಾರದ ಮೇಲೆ ಸೂರ್ಯರಾಶಿಯನ್ನು ಕಂಡು ಹಿಡಿಯಬಹುದಾಗಿದೆ. ಹೀಗಾಗಿ ಮಗುವಿನ ಸೂರ್ಯರಾಶಿಯನ್ನು ಕೆಳಗಿನ ಪಟ್ಟಿ ನೋಡಿ ಅಳೆಯಬಹುದು:

*ಮೇಷ - ಮಾರ್ಚ 21 ರಿಂದ ಏಪ್ರಿಲ್ 20

*ವೃಷಭ - ಏಪ್ರಿಲ್ 21 ರಿಂದ ಮೇ 21

*ಮಿಥುನ - ಮೇ 22 ರಿಂದ ಜೂನ್ 21

*ಕರ್ಕ - ಜೂನ್ 22 ರಿಂದ ಜುಲೈ 22

*ಸಿಂಹ - ಜುಲೈ 23 ರಿಂದ ಆಗಸ್ಟ್ 21

*ಕನ್ಯಾ - ಆಗಸ್ಟ್ 22 ರಿಂದ ಸೆಪ್ಟೆಂಬರ್ 23

*ತುಲಾ - ಸೆಪ್ಟೆಂಬರ್ 24 ರಿಂದ ಅಕ್ಟೋಬರ್ 23

*ವೃಶ್ಚಿಕ - ಅಕ್ಟೋಬರ್ 24 ರಿಂದ ನವೆಂಬರ್ 22

*ಧನು - ನವೆಂಬರ್ 23 ರಿಂದ ಡಿಸೆಂಬರ್ 22

*ಮಕರ - ಡಿಸೆಂಬರ್ 23 ರಿಂದ ಜನೆವರಿ 20

*ಕುಂಭ - ಜನೆವರಿ 21 ರಿಂದ ಫೆಬ್ರವರಿ 19

*ಮೀನ - ಫೆಬ್ರವರಿ 20 ರಿಂದ ಮಾರ್ಚ 20

Most Read:ಮುಖ ನೋಡಿದ ತಕ್ಷಣ ನಿಮ್ಮ ಮದುವೆ ಬಗ್ಗೆ ಹೇಳಬಹುದು!

ಮಗುವಿನ ಚಂದ್ರರಾಶಿ ತಿಳಿಯುವುದು ಹೇಗೆ?

ಮಗುವಿನ ಚಂದ್ರರಾಶಿ ತಿಳಿದುಕೊಳ್ಳುವುದು ಅಷ್ಟು ಸುಲಭದ ಕೆಲಸವಲ್ಲ. ಪ್ರತಿ ತಿಂಗಳು ಚಂದ್ರ ಎಲ್ಲ ರಾಶಿಗಳ ಮೇಲೂ ಸಂಚರಿಸುವುದರಿಂದ ಇದನ್ನು ಕಂಡು ಹಿಡಿಯುವುದು ಕ್ಲಿಷ್ಟಕರವಾಗಿದೆ. ಅಂದಾಜು ಒಂದು ತಿಂಗಳಲ್ಲಿ ಎರಡೂವರೆ ದಿನ ಚಂದ್ರ ಒಂದು ರಾಶಿಯಲ್ಲಿರುತ್ತಾನೆ. ಮಗು ಹುಟ್ಟಿದ ಘಳಿಗೆಯಲ್ಲಿ ಯಾವ ರಾಶಿಯಲ್ಲಿ ಚಂದ್ರನಿರುವನೋ ಅದು ಮಗುವಿನ ಚಂದ್ರರಾಶಿಯಾಗಿರುತ್ತದೆ. ಇದನ್ನು ಸ್ಪಷ್ಟವಾಗಿ ತಿಳಿಯಲು ಜ್ಯೋತಿಷ್ಯ ಶಾಸ್ತ್ರಜ್ಞರ ಮೊರೆ ಹೋಗುವುದು ಸೂಕ್ತ.