ನಾಯಿ ಮರಿಯಂತೆ ಬಟ್ಟೆ ಧರಿಸಿಕೊಂಡು, ಅದರಂತೆ ಸಮಯ ಕಳೆಯುವ ವ್ಯಕ್ತಿ

ಆತನಿಗೆ ಮನುಷ್ಯನೆಂಬ ಭಾವನೆ ಬರಲೇ ಇಲ್ಲ

ಗ್ರೇಟರ್ ಮ್ಯಾಂಚೆಸ್ಟರ್ ನ ಸಾಲ್ಫೋರ್ಡ್ ನ ಕಝ್ ಜೇಮ್ಸ್(37) ಎಂಬ ವ್ಯಕ್ತಿಯು ತನ್ನ ನಿಜವಾದ ವ್ಯಕ್ತಿತ್ವವನ್ನು ಸ್ವೀಕರಿಸಿಲ್ಲ ಮತ್ತು ತಾನು ಮನುಷ್ಯ ನಾಯಿ ಮರಿ ಎಂದು ಆತ ಭಾವಿಸಿದ್ದಾನೆ. ತನಗೆ ಯಾವತ್ತೂ ಮನುಷ್ಯ ಎಂಬ ಭಾವನೆಯು ಬಂದಿರಲೇ ಇಲ್ಲ ಎಂದು ಆತ ಹೇಳಿಕೊಂಡಿದ್ದಾನೆ. ಇದರಿಂದಾಗಿ ಆತ ಮನುಷ್ಯ ನಾಯಿ ಮರಿ ಆಗಿ ಜೀವನ ಕಳೆಯಲು ನಿರ್ಧಾರ ಮಾಡಿದ್ದಾನೆ ಮತ್ತು ಒಂದು ತಟ್ಟೆಯಲ್ಲಿ ನಾಯಿಯಂತೆ ಊಟ ಕೂಡ ಮಾಡುತ್ತಾನೆ.

ತನ್ನ ಒಳಮನಸ್ಸಿನ ಮಾತನ್ನು ಕೇಳಿದ

ಕಝ್ ಜೇಮ್ಸ್ ಎಂಬಾತ ಸ್ಟೋರ್ ಮ್ಯಾನೇಜರ್ ಆಗಿದ್ದ. ಆತ ತನ್ನ ಒಳಮನಸ್ಸಿನ ಮಾತನ್ನು ಕೇಳಿಕೊಂಡು ಕೆಲವೊಂದು ಸಂದರ್ಭದಲ್ಲಿ ತನ್ನ ಸ್ನೇಹಿತರಿಗೆ ಬೊಗಳುತ್ತಿದ್ದ ಮತ್ತು ಹಲ್ಲಿನಿಂದಲೇ ಯಾವುದೇ ವಸ್ತುವನ್ನು ಕಚ್ಚಿಕೊಂಡು ಹೋಗುತ್ತಲಿದ್ದ. ನಾಯಿಗಳ ಬಿಸ್ಕಟ್ ನ್ನು ಆತ ತಿನ್ನುತ್ತಲಿದ್ದ. ಈ ಬಿಸ್ಕಟ್ ಆತನಿಗೆ ತುಂಬಾ ಇಷ್ಟವಂತೆ!

ಆತ ನಾಯಿ ಮರಿಯಂತಹ ಬಟ್ಟೆ ಧರಿಸುವನು

ಕೆಲಸದ ಸಮಯವನ್ನು ಹೊರತುಪಡಿಸಿ, ಜೇಮ್ಸ್ ಯಾವಾಗಲೂ ರಬ್ಬರ್ ನಿಂದ ಮಾಡಿರುವಂತಹ ನಾಯಿ ಮರಿ ಹೋಲುವ ಬಟ್ಟೆ, ಮಾಸ್ಕ್, ಬಾಲ ಇತ್ಯಾದಿ ಧರಿಸುವನು. ಇದಕ್ಕಾಗಿ ಆತನಿಗೆ ಸುಮಾರು 2000 ಪೌಂಡ್ ಖರ್ಚಾಗುತ್ತದೆ.

Most Read: ಕೋಳಿ ಮಾಂಸದ ಒಳಗಡೆ ಜೀವಂತ ಇಲಿ ಓಡಾಟ!

ಆತನಿಗೆ ನಾಯಿಯಂತೆ ತಟ್ಟೆಯಲ್ಲಿ ತಿನ್ನುವುದು ಇಷ್ಟ

ಮನೆಯಲ್ಲಿ ಆರಾಮ ಮಾಡುವುದನ್ನು ಮತ್ತು ನಾಯಿಯಂತೆ ತಟ್ಟೆಯಲ್ಲಿ ಊಟ ಮಾಡಲು ತುಂಬಾ ಇಷ್ಟ ಪಡುತ್ತೇನೆ ಎಂದು ಜೇಮ್ಸ್ ಹೇಳಿಕೊಂಡಿದ್ದಾನೆ. ಆದರೆ ತಾನು ನಾಯಿಯ ಆಹಾರವನ್ನು ತಿನ್ನುವುದಿಲ್ಲ. ಬದಲಿಗೆ ಸಾಮಾನ್ಯ ಮನುಷ್ಯರು ತಿನ್ನುವಂತಹ ಆಹಾರವನ್ನು ನಾಯಿಯ ರೀತಿಯಲ್ಲಿ ತಿನ್ನುತ್ತೇನೆ ಎನ್ನುತ್ತಾನೆ ಜೇಮ್ಸ್. ತನಗೆ ನಾಯಿ ಬಿಸ್ಕಟ್ ತುಂಬಾ ಇಷ್ಟ ಮತ್ತು ಅದರ ರುಚಿ ಕೂಡ ನೋಡಿರುವುದಾಗಿ ಆತ ಹೇಳಿ ಕೊಂಡಿದ್ದಾನೆ. ಈ ವಿಚಿತ್ರ ವ್ಯಕ್ತಿತ್ವದ ಮನುಷ್ಯನ ಬಗ್ಗೆ ನಿಮ್ಮ ಅಭಿಪ್ರಾಯ ಏನು? ನೀವು ನಿಮ್ಮ ಅನಿಸಿಕೆಯನ್ನು ನಮಗೆ ಕಮೆಂಟ್ ಬಾಕ್ಸ್ ನಲ್ಲಿ ಬರೆಯಲು ಮರೆಯಬೇಡಿ.