ಅಸೂಯೆಯಿಂದ ಸುಟ್ಟು ಹೋದ ಮಹಿಳೆಯ ಚೇತರಿಕೆಯ ಕಥೆ

ಅಸೂಯೆ ಪಡುತ್ತಿದ್ದ ಮಹಿಳೆಯಿಂದ ದಾಳಿ

ತನ್ನ ವಿಚ್ಛೇದಿತ ಪತಿಯೊಂದಿಗೆ ಡಾನಾ ಮಾತನಾಡುತ್ತಿದ್ದಾಳೆಂದು ತಿಳಿದ ಮಹಿಳೆಗೆ ಅಸೂಯೆಪಟ್ಟಳು. ಈ ಘಟನೆಯು ಹೊಸವರ್ಷದ ಪಾರ್ಟಿ ವೇಳೆ ನಡೆಯಿತು.

ಡಾನಾಗೆ ಮಾನಸಿಕ ಹಿಂಸೆ ನೀಡಲಾಯಿತು

ಹಲವಾರು ಅವಹೇಳನಕಾರಿ ಫೋನ್ ಕರೆಯ ಮೂಲಕ ಡಾನಾಗೆ ಮಾನಸಿಕ ಹಿಂಸೆ ನೀಡಲಾಯಿತು. ಆಕೆಯ ಸುಂದರ ಮುಖಕ್ಕೆ ಹಾನಿ ಮಾಡುವುದಾಗಿ ದಾಳಿಕೋರೆ ಈ ಮೊದಲು ಕೂಡ ಎಚ್ಚರಿಸಿದ್ದಳು.

ಆಕೆಗೆ ಬೆಂಕಿ ಹಚ್ಚಳಾಯಿತು

ಅಸೂಯೆ ಎನ್ನುವುದು ಎಲ್ಲವನ್ನು ನಾಶ ಮಾಡುವುದು ಎನ್ನುವುದಕ್ಕೆ ಈ ಘಟನೆಯೇ ಸಾಕ್ಷಿಯಾಯಿತು. ನತಾಲಿಯಾ ಡಿಮಿಟೊವಸ್ಕಾ ಎಂಬಾಕೆಯೇ ದಾಳಿ ಮಾಡಿದಾಕೆ. ವರದಿಗಳ ಪ್ರಕಾರ, ಡಾನಾ ಪ್ಲ್ಯಾಟ್ ಗೆ ಹೋದ ನತಾಲಿಯಾ ಅಲ್ಲಿ ಆಕೆಗೆ ಬೆಂಕಿ ಹಚ್ಚಿದಳು. ಆಕೆಯು ಮಾದಕ ದ್ರವ್ಯ ಸೇವನೆ ಮಾಡಿಕೊಂಡು ಈ ಕೆಲಸಕ್ಕೆ ಮುಂದಾದಳು ಎಂದು ಹೇಳಲಾಗಿದೆ.

ಶೇ.64ರಷ್ಟು ಸುಟ್ಟು ಹೋದಳು

ಅತ್ಯಂತ ಆಘಾತಕಾರಿ ಘಟನೆಯಲ್ಲಿ ಡಾನಾ ಗಂಭೀರವಾಗಿ ಗಾಯಗೊಂಡಳು ಮತ್ತು ಆಕೆಯ ದೇಹವು ಶೇ.64ರಷ್ಟು ಸುಟ್ಟು ಹೋಗಿದ್ದವು. ಕೆಲವು ಗಾಯಗಳು ಎಷ್ಟು ಗಂಭೀರವಾಗಿದ್ದವು ಎಂದರೆ ಆಕೆಯ ತಾಯಿ ಕೂಡ ಮಗಳನ್ನು ಗುರುತು ಹಿಡಿದಂತಾಗಿತ್ತು.

30 ತಿಂಗಳ ಕಾಲ ಮಾಸ್ಕ್ ಧರಿಸಿದ್ದಳು!!!

ವರದಿಯ ಪ್ರಕಾರ ವೈದ್ಯರು ಡಾನಾಗೆ 30 ತಿಂಗಳ ಕಾಲ ಮುಖಕ್ಕೆ ಮಾಸ್ಕ್ ಧರಿಸುವಂತೆ ಸೂಚಿಸಿದರು. ಇದರಿಂದ ಆಕೆ ಬೇಗನೇ ಚೇತರಿಸಿಕೊಳ್ಳಲು ನೆರವಾಗುತ್ತದೆ ಎಂದರು. ಜನರ ಮಧ್ಯೆ ಬೆರೆಯುವಾಗ ಆಕೆ ಇದನ್ನು ಧರಿಸಬೇಕೆಂದು ವೈದ್ಯರು ಸೂಚಿಸಿದರು. ಸಾರ್ವಜನಿಕವಾಗಿ ಮಾಸ್ಕ್ ಧರಿಸುವ ಕಾರಣದಿಂದ ತನ್ನ ಗುರುತು ಸಿಗುವುದಿಲ್ಲವೆಂದು ಆಕೆ ಬೇಸರಗೊಂಡಳು. ಸುಟ್ಟ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವಾಗಲೇ ಆಕೆಗೆ ಮತ್ತೊಂದು ಆಘಾತ ಕಾದಿತ್ತು. ಗರ್ಭಕಂಠದ ಕ್ಯಾನ್ಸರ್ ಇದೆಯೆಂದು ಆಕೆಗೆ ವೈದ್ಯರು ತಿಳಿಸಿದರು. ಪ್ರಬಲ ಮನೋಬಲ ಹೊಂದಿದ್ದ ಡಾನಾ ಚೇತರಿಸಿಕೊಳ್ಳಲು ಪಣ ತೊಟ್ಟಳು ಮತ್ತು ಇದಕ್ಕೆ ಕ್ಯಾನ್ಸರ್ ಅಡ್ಡಿಯಾಗದಂತೆ ನೋಡಿಕೊಂಡಳು. ಆಕೆ ಬೇಕಾಗಿರುವ ಎಲ್ಲಾ ಚಿಕಿತ್ಸೆ ಪಡೆದುಕೊಂಡಳು ಮತ್ತು ಕ್ಯಾನ್ಸರ್ ಕೋಶಗಳನ್ನು ಕೂಡ ನಾಶಪಡಿಸಿದಳು.

ಮಾಸ್ಕ್ ಆಕೆಗೆ ಕಿರಿಕಿರಿ ಉಂಟು ಮಾಡಿತು!

ಸುಟ್ಟ ಗಾಯದಿಂದ ಸಂಪೂರ್ಣವಾಗಿ ಚೇತರಿಸಿಕೊಳ್ಳಲು ಡಾನಾ ಪ್ರಯತ್ನಿಸುತ್ತಿದ್ದ ವೇಳೆ ಆಕೆಯ ಮುಖವು ಮಾಸ್ಕ್ ನ ಒಳಗಡೆ ಇರುವುದು ದೊಡ್ಡ ಸಮಸ್ಯೆಯಾಗಿತ್ತು. ಜಗತ್ತಿನ ಮುಂದೆ ಮುಖವಿಲ್ಲದಂತೆ ಆಗಿದೆ ಎನ್ನುವ ಭಾವನೆಯು ಆಕೆಯಲ್ಲಿ ಮೂಡಿತ್ತು. ಒಂದು ದಿನ ಆಕೆ ಟಿವಿ ಕಾರ್ಯಕ್ರಮದಲ್ಲಿ ತನ್ನ ಮುಖವನ್ನು ತೋರಿಸಲು ಮುಂದಾದಳು. ಜನರು ಕೂಡ ಆಕೆಯ ಚೇತರಿಕೆ ಬಗ್ಗೆ ತುಂಬಾ ಕುತೂಹಲದಿಂದ ಇದ್ದರು.

ಜನರು ತನ್ನ ನಿಜವಾದ ಕಥೆ ತಿಳಿಯಬೇಕೆಂದು ಬಯಸಿದಳು

ಟಿವಿ ಕಾರ್ಯಕ್ರಮದಲ್ಲಿ ಆಕೆ ಭಾಗವಹಿಸಿದ ಮೇಲೆ ತನ್ನ ನಿಜವಾದ ಕಥೆಯನ್ನು ಜಗತ್ತಿನ ಮುಂದಿಡಬೇಕೆಂದು ಬಯಸಿದಳು. ಕಠಿಣ ಪರಿಸ್ಥಿತಿ ವಿರುದ್ಧ ಹೋರಾಡುವಾಗ ಯಾವೆಲ್ಲಾ ಸಮಸ್ಯೆಗಳನ್ನು ಎದುರಿಸಬೇಕಾಯಿತು ಎನ್ನುವ ಬಗ್ಗೆ ಪ್ರತಿಯೊಬ್ಬರು ತಿಳಿಬೇಕೆಂದು ಬಯಸಿದಳು. ಚೇತರಿಸಿಕೊಳ್ಳಲು ತನ್ನ ಬದ್ಧತೆ ಮತ್ತು ತನಗೆ ಎದುರಾಗುತ್ತಿದ್ದ ಕಷ್ಟಗಳನ್ನು ಎದುರಿಸಲು ಬೇಕಾಗುವ ಮನೋಬಲ ಮತ್ತು ಧೈರ್ಯದ ಬಗ್ಗೆ ಆಕೆ ಬಹಿರಂಗಪಡಿಸಿದಳು.

ಆಕೆ ಕ್ಯಾಟ್ ವಾಕ್ ಮಾಡಿದಳು

ಡಾನಾ ಕಥೆಯು ವೈರಲ್ ಆದ ಬಳಿಕ ಆಕೆ ರ‍್ಯಾಂಪ್ ಮೇಲೆ ನಡೆಯಲು ಬಯಸಿದಳು. ತಾನು ಯಾವಾಗಲೂ ತುಂಬಾ ಆರೋಗ್ಯವಂತ ವ್ಯಕ್ತಿಯಾಗಿದ್ದೆ ಮತ್ತು ಅಪಘಾತವು ತನ್ನನ್ನು ಮತ್ತಷ್ಟು ಬಲಿಷ್ಠವಾಗಿಸಿದೆ ಎಂದು ಆಕೆ ಸಂದರ್ಶನವೊಂದರ ವೇಳೆ ಹೇಳಿದ್ದಾಳೆ.