ಕಣ್ಣೀರು ತರಿಸುವ ಸ್ಟೋರಿ: ಈಕೆ ಮಗುವಿಗೆ ಜನ್ಮ ನೀಡಿ ಸಾವನ್ನಪ್ಪಿದರೂ 50 ಜನರ ಪ್ರಾಣ ಉಳಿಸಿದಳು!

ಬಾಲ್ಯದಲ್ಲೇ ಆಕೆಗೆ ಸಮಸ್ಯೆಯಿತ್ತು

ಮೆಗಾನ ಮೊಸ್ ಜಾನ್ಸನ್ ಗೆ ಬಾಲ್ಯದಲ್ಲಿ ಅನಾರೋಗ್ಯದ ಸಮಸ್ಯೆಯಿತ್ತು. 15 ವರ್ಷದ ಹರೆಯದಲ್ಲಿ ಆಕೆಗೆ ಮಯೋಕಾರ್ಡಿಟಿಸ್ ಎನ್ನುವ ಹೃದಯದ ಉರಿಯೂತದ ಸಮಸ್ಯೆಯಿತ್ತು. ಆದರೆ ಆಕೆಗೆ ಒಬ್ಬ ದಾನಿ ಸಿಕ್ಕಿದ ಕಾರಣದಿಂದ ಆಕೆ ಪುನರ್ಜನ್ಮ ಪಡೆದುಕೊಂಡಳು.

ಇದರ ಬಳಿಕ ಆಕೆ ಕೂಡ ಅಂಗಾಂಗ ದಾನ ಮಾಡಲು ನಿರ್ಧರಿಸಿದಳು

ಮೆಗಾನ ಮೊಸ್ ಜಾನ್ಸನ್ ದಾನಿಯಿಂದಾಗಿ ಪುನರ್ಜನ್ಮ ಪಡೆದ ಬಳಿಕ ಆಕೆ ಕೂಡ ತನ್ನ ದೇಹದ ಅಂಗಾಂಗಳನ್ನು ದಾನ ಮಾಡಬೇಕೆಂದು ನಿರ್ಧರಿಸಿದಳು. ತನ್ನ ಅಂಗಾಂಗಳನ್ನು ದಾನ ಮಾಡಿ ಹಲವಾರು ಮಂದಿಗೆ ಜೀವದಾನ ಮಾಡಬೇಕೆಂದು ಆಕೆ ನಿರ್ಧರಿಸಿದಳು.

ಆಕೆಯ ಜೀವನ ಸುಂದರವಾಗಿತ್ತು

ಮೆಗಾನ ಮೊಸ್ ಸುಂದರ ಜೀವನ ಸಾಗಿಸುತ್ತಿದ್ದರು. ಆಕೆ ಸಂಗೀತಗಾರ ನಥನ್ ಜಾನ್ಸನ್ ಎಂಬವರನ್ನು ಮದುವೆಯಾಗಿದ್ದರು. ಆಕೆಯ ವೈವಾಹಿಕ ಜೀವನವು ಸುಂದರವಾಗಿತ್ತು. ಇದರ ಬಳಿಕ ಆಕೆ ಆರೋಗ್ಯಕರವಾಗಿ ಗರ್ಭಿಣಿಯಾದರು.

ಮಗುವಿಗೆ ಜನ್ಮ ನೀಡಿದ ಬಳಿಕ ಎಲ್ಲವೂ ಬದಲಾಯಿತು

ತಮ್ಮ ಮೊದಲ ಮಗು ಈಲಿ ಕೇಟ್ ಗೆ ಜನ್ಮ ನೀಡಿದ ಬಳಿಕ ಈ ದಂಪತಿಯು ತುಂಬಾ ಸಂತೋಷವಾಗಿತ್ತು. ಆದರೆ ದುರಾದೃಷ್ಟದಿಂದ ಈ ಸಂತೋಷ ಮಾತ್ರ ಹೆಚ್ಚು ಸಮಯ ಉಳಿಯಲಿಲ್ಲ. ಮೆಗಾನ ಮಗುವಿಗೆ ಜನ್ಮ ನೀಡಿದ ಎಂಟು ಗಂಟೆ ಬಳಿಕ ಪ್ರಾಣ ಕಳೆದುಕೊಂಡಳು. ಸಾವಿಗೆ ಕಾರಣವೇನೆಂದು ಇದುವರೆಗೆ ಸ್ಪಷ್ಟವಾಗಿ ತಿಳಿದಿಲ್ಲ. ಆದರೆ ವರದಿಗಳು ಹೇಳುವಂತೆ ಆಕೆ ಕೋಮಾವಸ್ಥೆ ತಲುಪಿದ್ದಳು ಮತ್ತು ಮತ್ತೆ ಎದ್ದೇಳಲೇ ಇಲ್ಲ.

ಆಕೆ ಅಂಗಾಂಗಳನ್ನು ದಾನ ಮಾಡಲಾಯಿತು

ಮೆಗಾನ ಅಧಿಕೃತವಾಗಿ ಅಂಗಾಂಗ ದಾನಿಯಾಗಿದ್ದ ಕಾರಣದಿಂದಾಗಿ ಆಕೆಯ ಎರಡು ಕಣ್ಣುಗಳು ಇಬ್ಬರು ಜನರಿಗೆ ದೃಷ್ಟಿ ನೀಡಿತು ಮತ್ತು ಇತರ ಅಂಗಾಂಗಗಳಿಂದ ಸುಮಾರು 50 ಮಂದಿಯ ಪ್ರಾಣ ಉಳಿಯಿತು. ಆಕೆ ತುಂಬಾ ಕಡಿಮೆ ವರ್ಷ ಬದುಕಿದರೂ ಸಾವಿನಲ್ಲೂ ಆಕೆ ಬೇರೆಯವರಿಗೆ ಮಾದರಿಯಾಗಿದ್ದಾರೆ. ಈ ಬಗ್ಗೆ ನಿಮ್ಮ ಅನಿಸಿಕೆಗಳು ಏನು ಎಂದು ನಮಗೆ ಕಮೆಂಟ್ ಬಾಕ್ಸ್ ನಲ್ಲಿ ಬರೆಯಲು ಮರೆಯಬೇಡಿ.

Image Source