ವೈದ್ಯರ ಪಿತ್ತಕೋಶದಲ್ಲಿತ್ತು ಹತ್ತುಸಾವಿರ ಕಲ್ಲುಗಳು...!

ಅವರಿಗೆ ತೀವ್ರ ಹೊಟ್ಟೆ ನೋವು ಕಾಣಿಸಿಕೊಂಡಿತು

ಒಂದುವರೆ ತಿಂಗಳಿಂದ ಕೊಲ್ಕತ್ತಾದ ಚೌಧರಿ ಎಂಬ ವೈದ್ಯರಿಗೆ ತೀವ್ರವಾದ ಹೊಟ್ಟೆನೋವು ಕಾಣಿಸಿಕೊಂಡಿತು. ಮೊದಲಿಗೆ ಅವರು ಇದನ್ನು ಕಡೆಗಣಿಸಿದರು. ಆದರೆ ಅಂತಿಮವಾಗಿ ನೋವು ತೀವ್ರ ಸ್ವರೂಪ ಪಡೆದಾಗ ಆಸ್ಪತ್ರೆಗೆ ದಾಖಲಾಗಬೇಕಾಯಿತು. ಯುಎಸ್ ಜಿಯ ಪ್ರಕಾರ ವೈದ್ಯರ ಪಿತ್ತಕೋಶದಲ್ಲಿ ಕಲ್ಲುಗಳಿರುವುದು ಕಾಣಿಸಿಕೊಂಡಿತು.

ಎಷ್ಟು ಕಲ್ಲುಗಳಿದೆ ಎಂದು ವೈದ್ಯರಿಗೆ ತಿಳಿದಿರಲಿಲ್ಲ…

ಪೋಷಕಾಂಶ ತಜ್ಞರನ್ನು ಶಸ್ತ್ರಚಿಕಿತ್ಸೆಗೆ ಒಳಪಡಿಸಿದ ವೈದ್ಯರು ಒಂದು ಕ್ಷಣ ಅವಕ್ಕಾದರು. ಯಾಕೆಂದರೆ ಅವರಿಗೆ ಎಷ್ಟು ಪ್ರಮಾಣದಲ್ಲಿ ಕಲ್ಲುಗಳು ಇರಬಹುದು ಎಂದು ಊಹೆಯೇ ಇರಲಿಲ್ಲ. ಕಲ್ಲುಗಳನ್ನು ಲೆಕ್ಕ ಹಾಕಿದಾಗ ಸುಮಾರು 10.356 ಕಲ್ಲುಗಳು ಸಿಕ್ಕಿವೆ. ಶಸ್ತ್ರಚಿಕಿತ್ಸೆಗೆ ಕೇವಲ 40 ನಿಮಿಷ ಬೇಕಾಯಿತು. ಆದರೆ ಕಲ್ಲುಗಳನ್ನು ಲೆಕ್ಕ ಹಾಕಲು ಇದಕ್ಕಿಂತ ಹೆಚ್ಚಿನ ಸಮಯ ಬೇಕಾಯಿತಂತೆ!

ಇದು ಮೊದಲ ಪ್ರಕರಣವಲ್ಲ…

ಕೊಲ್ಕತ್ತಾದಲ್ಲಿ ಇದು ಕಾಣಿಸಿಕೊಂಡಿರುವಂತಹ ಎರಡನೇ ಪ್ರಕರಣವಾಗಿದೆ. ಮೊದಲ ಪ್ರಕರಣದಲ್ಲಿ ಡಾ. ಮಖನ್ ಲಾಲ್ ಸಾಹಾ ಎಂಬವರು ವ್ಯಕ್ತಿಯೊಬ್ಬನ ಶಸ್ತ್ರಚಿಕಿತ್ಸೆ ಮಾಡಿದಾಗ ಅವರಿಗೆ ಸುಮಾರು 12 ಸಾವಿರ ಕಲ್ಲುಗಳು ಸಿಕ್ಕಿದ್ದವು.

ಪಿತ್ತಕೋಶದ ಕಲ್ಲುಗಳಿಗೆ ಕಾರಣಗಳು

ಅಧಿಕ ಕೊಲೆಸ್ಟ್ರಾಲ್ ಮತ್ತು ಟ್ರೈಗ್ಲಿಸರೈಡ್ ಇರುವಂತಹ ವ್ಯಕ್ತಿಗಳಲ್ಲಿ ಪಿತ್ತಕೋಶದ ಕಲ್ಲುಗಳು ಹೆಚ್ಚಾಗಿ ಕಂಡುಬರುವುದು. ಕೊಲೆಸ್ಟ್ರಾಲ್ ಜಮೆಯಾಗುವ ಕಾರಣದಿಂದಾಗಿ ಕಲ್ಲುಗಳು ನಿರ್ಮಾಣವಾಗುವುದು ಎನ್ನಲಾಗಿದೆ. ಅನುವಂಶೀಯ ಮತ್ತು ಜಡ ಜೀವನಶೈಲಿಯು ಪಿತ್ತಕೋಶದಲ್ಲಿ ಕಲ್ಲುಗಳ ನಿರ್ಮಾಣಕ್ಕೆ ಕಾರಣವಾಗಿದೆ.