ಈ ಊರಿನಲ್ಲಿ ಪ್ರತಿಯೊಂದು ಮಹಿಳೆಗೂ ನಾಲ್ಕೈದು ಗಂಡಂದಿರಂತೆ!!

ಲಿಂಗಗಳ ಅಸಮಾನತೆ

ಮಹಿಳೆಯರ ಸಂಖ್ಯೆ ಅತೀ ಕಡಿಮೆ ಇರುವುದರಿಂದ ಇಲ್ಲಿ ಬಹು ಪತಿತ್ವ ರೂಢಿಯಲ್ಲಿದೆ. ಹಾಗಂತ ಇವರು ಮದುವೆಯಾಗುವುದು ಒಂದೇ ಕುಟುಂಬದ ಹಲವು ಸದಸ್ಯರನ್ನು. ಮನೆಯ ಒಬ್ಬ ಸಹೋದರ ಮದುವೆಯಾದರೆ ಅವನ ಹೆಂಡತಿ ಉಳಿದವರ ಹೆಂಡತಿಯೂ ಹೌದು...!

ಎಲ್ಲರಿಗೂ ಹಕ್ಕಿದೆ

ಮನೆಗೆ ಬಂದ ಒಬ್ಬ ಸೊಸೆಯ ಮೇಲೆ ಆ ಕುಟುಂಬದ ಎಲ್ಲಾ ಸದಸ್ಯರಿಗೂ ಹಕ್ಕಿದೆ. ಸರಾಯ್ ಚೋಳ ಎಂಬ ಈ ಗ್ರಾಮದಲ್ಲಿ ಬಹು ಪತಿತ್ವ ಪದ್ಧತಿ ವ್ಯಾಪಕವಾಗಿ ಹರಡಿಕೊಂಡಿದೆ. ಒಬ್ಬ ಮಹಿಳೆ ಒಬ್ಬ ಪುರಷನನ್ನು ಮಾತ್ರ ವಿವಾಹವಾಗಿರುವುದು ಕೇವಲ ಬೆರಳೆಣಿಕೆಯಷ್ಟು ಕುಟುಂಬಗಳಷ್ಟೇ. ಉಳಿದ ಕುಟುಂಬದಲ್ಲಿ ಒಬ್ಬ ಮಹಿಳೆ 5-8 ಜನ ಸದಸ್ಯರನ್ನು ಪತಿಯನ್ನಾಗಿ ಸ್ವೀಕರಿಸಿದ್ದಾರೆ.

ಹಳ್ಳಿ-ಹಳ್ಳಿಯಲ್ಲೂ ಬಹು ಪತಿತ್ವ!

ಈ ಜಿಲ್ಲೆಯ ಸಮೀಪ ಇರುವ 12 ಹಳ್ಳಿಯಲ್ಲೂ ಈ ಪದ್ಧತಿ ರೂಢಿಯಲ್ಲಿದೆ. ಇದು ಭಾರತೀಯ ಆಧುನಿಕ ಸಮಾಜಕ್ಕೆ ಒಂದು ದುಃಖಕರ ವಿಷಯವಾದರೂ, ಇದು ಸತ್ಯ. ಇದಕ್ಕೆ ಮೂಲ ಕಾರಣ ಹೆಣ್ಣುಮಕ್ಕಳ ಸಂಖ್ಯೆ ಕಡಿಮೆ ಇರುವುದು.

ಹೆಣ್ಣು ಮಗು ಬೇಡ

ಈ ಹಳ್ಳಿಗಳಲ್ಲಿ ಹೆಣ್ಣು ಜನಿಸಿದರೆ ಹುಡೂ ಎಂದು ಕರೆಯುತ್ತಾರೆ. ಇದರ ಪರಿಣಾಮವಾಗಿಯೇ ಹೆಣ್ಣಿನ ಸಂಖ್ಯೆ ಕಡಿಮೆಯಾಗಿದೆ. ಇಲ್ಲಿಯವರಿಗೆ ಮಗಳಾಗುವುದು ಇಷ್ಟವಿಲ್ಲ. ಬದಲಿಗೆ ಸೊಸೆಯಂದಿರು ಬೇಕು ಎನ್ನುವ ಅಭಿಪ್ರಾಯದಲ್ಲಿ ಇದ್ದಾರೆ. ಮಗಳಿದ್ದರಷ್ಟೇ ಸೊಸೆ ಬರಲು ಸಾಧ್ಯ ಎನ್ನುವ ಅರಿವಾಗಬೇಕಿದೆ.

ಈಗ ಅರಿವಾಗಿದೆ

ಹೆಣ್ಣು ಎಷ್ಟು ಪ್ರಮುಖವಾದವಳು ಎನ್ನುವುದು ಇಲ್ಲಿಯ ಜನರಿಗೆ ಈಗ ಅರಿವಾಗುತ್ತಿದೆ. ಬಹುಪತಿತ್ವದಿಂದ ಕೊಂಚ ಬೇಸರಕ್ಕೆ ಒಳಗಾಗುತ್ತಿದ್ದಾರೆ. ಹೆಣ್ಣಿಗೆ ಹೆಚ್ಚು ಪ್ರಾಮುಖ್ಯತೆ ನೀಡಲು ಪ್ರಾರಂಭಿಸಿದ್ದಾರೆ.

ಇಲ್ಲಿಗಷ್ಟೇ ಸೀಮಿತವಲ್ಲ

ಈ ಪದ್ಧತಿ ಕೇವಲ ಮಧ್ಯಪ್ರದೇಶದಲ್ಲಿ ಮಾತ್ರವಲ್ಲ. ಉತ್ತರಖಂಡದ ಡೆಹ್ರಾಡೂನ್ ಸಮೀಪದ ಸಣ್ಣ ಗ್ರಾಮದಲ್ಲಿ 21 ವರ್ಷದ ಒಬ್ಬ ಮಹಿಳೆಗೆ ಐದು ಗಂಡಂದಿರು, ಅವರೆಲ್ಲರಿಂದ ಒಂದು ಮಗುವನ್ನು ಪಡೆದು ಬಹು ಪತಿತ್ವಕ್ಕೆ ಸಾಕ್ಷಿಯಾಗಿ ನಿಂತಿದ್ದಾಳೆ.

ಸಂಸಾರದಲ್ಲಿ ಖುಷಿಯಿದೆ

ರಾಜೋ ಎನ್ನುವವನು ಗುಡ್ಡು ಎನ್ನುವ ಮಹಿಳೆಯನ್ನು ವಿವಾಹವಾಗಿದ್ದಾನೆ. ಕಾನೂನು ಪ್ರಕಾರ ಗುಡ್ಡುವಿಗೆ ರಾಜೋ ಮಾತ್ರ ಪತಿ. ಆದರೆ ಸಂಸಾರದಲ್ಲಿ ಅವನ ನಾಲ್ಕು ಸಹೋದರರು ಸಹ ಪತಿಯಂದಿರೆ. ರಾಜೋ ಹೇಳುವ ಪ್ರಕಾರ ಕುಟುಂಬ ದೊಡ್ಡದೆನಿಸಿದರೂ ಸಂತೋಷವಾಗಿದ್ದೇವೆ ಎನ್ನುತ್ತಾರೆ.