ವಿದೇಶದಲ್ಲೂ ಸದ್ದುಮಾಡುತ್ತಿದೆ, ಮೂಢನಂಬಿಕೆಗಳೆಂಬ ಪೆಡಂಭೂತ!

ಮದುವೆಯಲ್ಲಿನ ಮುಖದ ಪರದೆ

ರೋಮನ್ ಇತಿಹಾಸದ ಪ್ರಕಾರ, ಮದುವೆಯ ಸಮಯದಲ್ಲಿ ಮುಖಕ್ಕೆ ಹಾಕುವ ಪರದೆ ಕೆಟ್ಟ ಶಕ್ತಿಗಳಿಂದ ಕಾಪಾಡುವಂಥದ್ದಾಗಿದೆ. ಮದುವಣಗಿತ್ತಿಯ ಮುಖವನ್ನು ಮುಸುಕಿನಿಂದ ಮರೆಮಾಡುವುದು ಉದ್ದೇಶವಾಗಿದ್ದರೂ ಕೆಟ್ಟ ಶಕ್ತಿಗಳಿಂದ ರಕ್ಷಣೆ ಎಂಬುದು ಇದರ ಮುಖ್ಯ ಉದ್ದೇಶವಾಗಿದೆ.

ಮಕ್ಕಳಾಗದಿರಲು ಲೆಟಿಸ್ ಸೊಪ್ಪು ಕಾರಣ

19 ನೇ ಶತಮಾನದಲ್ಲಿ, ಮಕ್ಕಳನ್ನು ಹೊಂದಬೇಕೆಂಬ ಬಯಕೆಯುಳ್ಳವರು ಸಲಾಡ್‎ಗಳನ್ನು ಸೇವಿಸುತ್ತಿರಲಿಲ್ಲವಂತೆ. ಇದನ್ನು ಬರಡು ಸಸ್ಯವೆಂದು ಪರಿಗಣಿಸಲಾಗಿದ್ದು ಗರ್ಭಧಾರಣೆಗೆ ಹಾನಿಕರ ಎಂಬುದಾಗಿ ನಿರ್ಧರಿಸಲಾಗಿತ್ತು.

ರಾತ್ರಿ ಚ್ಯೂಯಿಂಗ್ ಗಮ್ ಸೇವನೆ ನಿಷೇಧ

ಇದು ಟರ್ಕಿಯಲ್ಲಿ ನಂಬಲಾಗುವ ಬಲವಾದ ಮೂಢನಂಬಿಕೆಯಾಗಿದೆ. ರಾತ್ರಿ ವೇಳೆ ಚ್ಯೂಯಿಂಗ್ ಗಮ್ ಸೇವಿಸಿದಲ್ಲಿ, ಅದು ಸತ್ತವರ ಮಾಂಸವನ್ನು ಅಗೆಯುವುದು ಎಂಬುದಾಗಿ ನಂಬಲಾಗಿತ್ತು.

ದಿರಿಸು ಮೇಲಕ್ಕೆ ಎದ್ದಲ್ಲಿ ಹೊಸ ದಿರಿಸು ಖರೀದಿ

ನಿಜಕ್ಕೂ ಇದು ಪೊಳ್ಳು ಮೂಢನಂಬಿಕೆ ಎಂದೇ ಹೇಳಬಹುದು! ಮಹಿಳೆಯರ ಲಂಗದ ಕೆಳತುದಿ ಮೇಲಕ್ಕೆದ್ದು ಕಿಸೆಯಂತೆ ರಚನೆಯಾದಲ್ಲಿ ಆಕೆಯ ಜೀವನದಲ್ಲಿ ಏನಾದರೂ ಅದೃಷ್ಟ ಖುಲಾಯಿಸುತ್ತದೆ ಎಂದರ್ಥವಾಗಿದೆ. ಹೊಸ ದಿರಿಸನ್ನು ಆಕೆ ತೊಡುತ್ತಾಳೆ ಎಂಬ ನಂಬಿಕೆಯಾಗಿದೆ.

ಮಧ್ಯರಾತ್ರಿ ದ್ರಾಕ್ಷಿ ತಿಂದಲ್ಲಿ ಶುಭಸೂಚನೆ

ಸ್ಪೇನ್‎ನಲ್ಲಿ ಹೊಸ ವರ್ಷದ ಸಂಜೆಯಲ್ಲಿ, ಜನರು ಒಬ್ಬರಿಗೊಬ್ಬರು ಶುಭ ಕೋರುವುದಿಲ್ಲ. ಬದಲಿಗೆ ಅವರು 12 ದ್ರಾಕ್ಷಿಗಳನ್ನು ಸೇವಿಸುತ್ತಾರೆ. ಇದರಿಂದ 12 ತಿಂಗಳುಗಳೂ ಅವರಿಗೆ ಅದೃಷ್ಟವನ್ನು ತರುತ್ತವೆ ಎಂದಾಗಿದೆ.

ಹಕ್ಕಿ ಹಿಕ್ಕೆ ಹಾಕಿದಲ್ಲಿ ನೀವು ಶ್ರೀಮಂತರಾಗುತ್ತೀರಿ

ರಷ್ಯಾದಲ್ಲಿ, ನಿಮ್ಮ ಮೇಲೆ ಹಕ್ಕಿ ಹಾಕಿದಲ್ಲಿ ನೀವು ಶ್ರೀಮಂತರಾಗುತ್ತೀರಿ ಎಂಬ ನಂಬಿಕೆ ಇದೆ. ಇದನ್ನು ಅದೃಷ್ಟವೆಂದು ನಂಬುತ್ತಾರೆ. ಇದು ನಿಮಗೆ ಶ್ರೀಮಂತಿಕೆಯನ್ನು ತರುತ್ತದೆ ಎಂಬುದಾಗಿ ಹೇಳಲಾಗುತ್ತಿದೆ. ಹೆಚ್ಚು ಪಕ್ಷಿಗಳು ಸೇರಿ ಹೆಚ್ಚು ಹಿಕ್ಕೆ ಹಾಕಿದಲ್ಲಿ ನೀವು ಆಗರ್ಭ ಶ್ರೀಮಂತರಾಗುವುದು ಖಂಡಿತ ಏನಂತೀರಿ?

ಜೂಲಿಯೆಟ್‎ಗೆ ಪ್ರೇಮ ಪತ್ರ

ಜೂಲಿಯೆಟ್‎ಗೆ ಪ್ರೇಮ ಪತ್ರ ಬರೆದು ಜೂಲಿಯೆಟ್ ಬದುಕಿದ್ದ ದೇವಾಲಯದ ಗೋಡೆಯ ಮೇಲೆ ಅಂಟಿಸುವುದರಿಂದ ಪ್ರೀತಿಯಲ್ಲಿದ್ದವರಿಗೆ ಶುಭವಾಗುತ್ತದೆ ಎಂಬ ನಂಬಿಕೆ ಇದೆ. ಪ್ರೀತಿಯ ಅದೃಷ್ಟಕ್ಕಾಗಿ ಇಲ್ಲಿ ವೀಕ್ಷಕರು ಜೂಲಿಯೆಟ್‎ನ ಕಂಚಿನ ಪ್ರತಿಮೆಯ ಬಲ ಸ್ತನವನ್ನೇ ದೋಚಿದ್ದಾರೆ.