For Quick Alerts
ALLOW NOTIFICATIONS  
For Daily Alerts

ಸಮುದ್ರದಲ್ಲಿ 36 ಕಿ.ಮೀ ಈಜಿ ದಾಖಲೆ ಬರೆದ ಆಟಿಸಂ ಬಾಲಕಿಯ ಸಾಧನೆಗೆ ಇಡೀ ದೇಶವೇ ಹೇಳುತ್ತಿದೆ ಸಲಾಂ

|

ಜಿಯಾ ರೈ ಈ ಹೆಸರು ಇದೀಗ ದೇಶೀಯ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. 12 ವರ್ಷದ ಬಾಲಕಿ ಸಾಧನೆಯನ್ನು ನೋಡಿ ಎಲ್ಲರೂ ಮೆಚ್ಚಿಕೊಂಡಿದ್ದು ತನಗೆ ಎದುರಾದ ತಡೆಗಳನ್ನು ಬೇಧಿಸಿ ಮುನ್ನುಗ್ಗಿದ್ದಾಳೆ ಈ ವಿಶೇಷ ಬಾಲಕಿ.

ಹೌದು ಜಿಯಾ ರೈ ಇತರ ಮಕ್ಕಳಂತೆ ಸಾಮಾನ್ಯ ಮಗುವಲ್ಲ, ವಿಶೇಷ ಚೇತನ ಮಗುವಾಗಿದೆ. ಜಿಯಾ ರೈಗೆ ಆಟಿಸಂ ಸಮಸ್ಯೆ ಇದೆ. ಆದರೆ ಅವಳ ಸಾಧನೆಗೆ ಮಾತ್ರ ಸಲಾಂ ಅನ್ನಲೇ ಬೇಕು.

ಸಮುದ್ರದಲ್ಲಿ 36 ಕಿ. ಮೀ ಈಜಿದ ಜಿಯಾ

ಸಮುದ್ರದಲ್ಲಿ 36 ಕಿ. ಮೀ ಈಜಿದ ಜಿಯಾ

ಮುಂಬಯಿಯ ಬಾಂದ್ರಾ ವರ್ಲಿ ಸಮುದ್ರದಿಂದ ಗೇಟ್‌ವೇ ಇಂಡಿಯಾವನ್ನುಈಜುತ್ತಾ 36 ಕಿ. ಮೀ ದೂರವನ್ನು 8 ಗಂಟೆ 40 ನಿಮಿಷದಲ್ಲಿ ತಲುಪಿದ್ದಾಳೆ. ಈ ಮೂಲಕ '36 ಕಿ. ಮೀರವರೆಗೆ ಈ ಈಜಿದ ಆಟಿಸಂ ಇರುವ ಅತ್ಯಂತಕ ಕಿರಿಯ ವಯಸ್ಸಿನ ಬಾಲಕಿ ಎಂಬ ಹೆಗ್ಗಳಿಕೆಗೆ ಪಾತ್ರಳಾಗಿದ್ದಾಳೆ ' ಎಂದು PRO ಡಿಫೆನ್ಸ್ ಮುಂಬಯಿ ಟ್ವೀಟ್ ಮಾಡಿದೆ.

ಫೆಬ್ರವರಿ 17ರಂದು ರೆಕಾರ್ಡ್ ಬರೆದ ಜಿಯಾ

ಫೆಬ್ರವರಿ 17 ಮುಂಜಾನ 5:50ಕ್ಕೆ ವರ್ಲಿ ಸಮುದ್ರಕ್ಕೆ ಧುಮಿಕ್ಕಿದ ಜಿಯಾ ಮಧ್ಯಾಹ್ನ 12:30ಕ್ಕೆ ಗೇಟ್‌ ವೇ ಆಫ್‌ ಇಂಡಿಯಾ ತಲುಪಿದರು. ಸ್ವಿಮ್ಮಿಂಗ್ ಅಸೋಷಿಯೇಷನ್ ಆಫ್‌ ಮಹಾರಾಷ್ಟ್ರ ಇವರ ಮಾರ್ಗದರ್ಶನದಲ್ಲಿ ಈ ಈಜು ಕಾರ್ಯಕ್ರಮ ಆಯೋಜಿಸಲಾಗಿತ್ತು.

 ಆಟಿಸಂ ಬಗ್ಗೆ ಅರಿವು ಮೂಡಿಸುವ ಪ್ರಯತ್ನದಲ್ಲಿ ಜಿಯಾ

ಆಟಿಸಂ ಬಗ್ಗೆ ಅರಿವು ಮೂಡಿಸುವ ಪ್ರಯತ್ನದಲ್ಲಿ ಜಿಯಾ

ಜಿಯಾ ತಂದೆ ಮದನ್‌ ರೈ ಒಬ್ಬ ನಾವಿಕ. ಜಿಯಾಗೆ ಚಿಕಿತ್ಸೆಗೆ ಭಾಗವಾಗಿ ಈಜುವುದನ್ನು ಕಲಿಸಲಾಗಿತ್ತು. ಇದೀಗ ಈಜಿನಲ್ಲಿ ಸಾಧನೆ ಮಾಡುವುದರ ಮೂಲಕ ಆಟಿಸಂ ಎಂದರೆ ಆ ಮಕ್ಕಳು ಏನೂ ಮಾಡಲು ಸಾಧ್ಯವಿಲ್ಲ ಎಂದು ಭಾವಿಸುವುದು ತಪ್ಪು, ಅವರಲ್ಲಿಯೂ ವಿಶೇಷ ಕಲೆ ಅಥವಾ ಕೌಶಲ್ಯ ಇರುತ್ತದೆ ಎಂಬ ಅರಿವು ಮೂಡಿಸುವ ಪ್ರಯತ್ನ ಜಿಯಾ ಮಾಡಿದ್ದಾರೆ.

ಯಾವುದೂ ಅಸಾಧ್ಯವಲ್ಲ

ಆಟಿಸಂ ಮಕ್ಕಳಾದರೆ ಅವರಿಂದ ಏನೂ ಸಾಧನೆ ಮಾಡಲು ಸಾಧ್ಯವಿಲ್ಲ ಎಂದೇ ಭಾವಿಸುವವರಿಗೆ ನಿಮ್ಮ ಆಲೋಚನೆ ತಪ್ಪು ನಮ್ಮಿಂದಲೂ ಸಾಧನೆ ಸಾಧ್ಯ ಎಂಬುವುದನ್ನು ತೋರಿಸಿಕೊಟ್ಟಿದ್ದಾರೆ ಜಿಯಾ.

ಪ್ರಯತ್ನವೊಂದಿದ್ದರೆ ನಮ್ಮ ಜೀವನದಲ್ಲಿ ಎಂಥದ್ದೇ ಸವಾಲುಗಳಿರಲಿ, ಏನೇ ನ್ಯೂನತೆಗಳಿರಲಿ ಎಲ್ಲವನ್ನೂ ಮೆಟ್ಟಿ ನಿಲ್ಲಬಹುದು ಎನ್ನುವುದಕ್ಕೆ ಉದಾಹರಣೆ ಹಾಗೂ ಸ್ಪೂರ್ತಿ ಜಿಯಾ ರೈ.

ಜಿಯಾ ತಂದೆಯ ಮನಮುಟ್ಟುವ ಮಾತು

ಜಿಯಾ ತಂದೆಯ ಮನಮುಟ್ಟುವ ಮಾತು

ಈ ಸಮಾಜ ನಮ್ಮ ಮಗುವನ್ನು ಹುಚ್ಚಿಯೆಂದು ಕರೆಯಿತು, ಆದರೆ ಅಂಥವರಿಗೆ ನಾನು ಹೇಳ ಬಯಸುವುದು ಏನೆಂದರೆ ಆಟಿಸಂ ಎಂಬುವುದು ಹುಚ್ಚು ಅಲ್ಲ, ಅದು ವಿಶೇಷ ಲಕ್ಷಣ. ಅಂಥ ಮಕ್ಕಳನ್ನು ನೋಡಿದಾಗ ನಾವು ಅವರ ನಡುವಳಿಕೆಯನ್ನು ದೂಷಿಸುತ್ತೇವೆ, ಆದರೆ ಆಟಿಸಂ ಎನ್ನುವುದು ನಕಾರಾತ್ಮಕವಾದ ವಿಷಯವಲ್ಲ. ಆದರೆ ತಾಳ್ಮೆ ಹಾಗೂ ಪ್ರಯತ್ನದಿಂದಲೂ ಅವರಿಂದಲೂ ಸಾಧ್ಯ'.

ಸಾಮಾಜಿಕ ತಾಣದಲ್ಲಿ ಮೆಚ್ಚುಗೆಯ ಮಹಾಪೂರ

ಸಾಮಾಜಿಕ ತಾಣದಲ್ಲಿ ಮೆಚ್ಚುಗೆಯ ಮಹಾಪೂರ

"Amazing achievement", "Proud of you", "Proud daughter of India", "What an inspiration", "That's the spirit" and "Salute her grit and bravery" ಈ ರೀತಿಯ ಕಮೆಂಟ್‌ಗಳ ಮೂಲಕ ನೆಟ್ಟಿಗರು ಆಕೆಯ ಸಾಧನೆಯನ್ನು ಹೊಗಳುತ್ತಿದ್ದಾರೆ. ಆಟಿಸಂ ಮಕ್ಕಳು ಇರುವ ಪೋಷಕರಿಗೆ ಭರವಸೆಯ ಕಿರಣವಾಗಿದ್ದಾಳೆ ಜಿಯಾ ರೈ.

English summary

12-Year-Old Mumbai Autistic Disorder Girl, Swims 36 Km In Open Sea

12-Year-Old Mumbai Autistic Disorder Girl, Swims 36 Km In Open Sea...
X