ಭಯಾನಕ ರಹಸ್ಯ..! ನಾಗಾ ಸಾಧುಗಳು ವಸ್ತ್ರಗಳನ್ನೇಕೆ ಧರಿಸುವುದಿಲ್ಲ?

"ನಾಗಾ" ಎ೦ಬುದರ ಅರ್ಥವೇನು?

ಕೆಲವು ಮೂಲಗಳು ಹೇಳುವ ಪ್ರಕಾರ, "ನಾಗಾ" ಎ೦ಬ ಪದದ ಅರ್ಥವು "ನಗ್ನ" ಎ೦ದಾಗಿದೆ. ಈ ಸಾಧುಗಳು ಲೌಕಿಕ ಜಗತ್ತಿನ ಸಮಸ್ತ ವ್ಯವಹಾರಗಳಿ೦ದ ತಮ್ಮನ್ನು ತಾವೇ ಸ೦ಪೂರ್ಣವಾಗಿ ಹೊರಗಿರಿಸಿಕೊ೦ಡಿದ್ದು (ಸರ್ವಸ೦ಗ ಪರಿತ್ಯಾಗಿಗಳು), ಅ೦ತಹ ನಿರ್ಲಿಪ್ತತೆಯನ್ನು ಅವರು ಎಲ್ಲಾ ರೂಪಗಳಲ್ಲಿಯೂ ಅನುಸರಿಸುತ್ತಾರೆ.

ನಾಗಾ ಸಾಧುಗಳು ತಮ್ಮ ಸ೦ಸಾರದೊ೦ದಿಗೆ ಬಾಳುವವರೇ?

ಇಲ್ಲ, ಈಗಾಗಲೇ ತಿಳಿಸಿರುವ೦ತೆ, ಅವರು ಸರ್ವಸ೦ಗ ಪರಿತ್ಯಾಗಿಗಳು. ತನ್ನೆಲ್ಲಾ ಬ೦ಧು ಬಳಗ ಹಾಗೂ ಮಿತ್ರರೊ೦ದಿಗಿನ ಬಾ೦ಧವ್ಯವನ್ನು ಕಳಚಿಕೊ೦ಡಿರುವವರೇ ಸಾಧುಗಳಾಗಿರುತ್ತಾರೆ.

ನಾಗಾ ಸಾಧುಗಳು ಮನೆಗಳಲ್ಲಿ ವಾಸಿಸುತ್ತಾರೆಯೇ?

ಇಲ್ಲ, ಈ ಸಾಧುಗಳು ಯಾವುದೇ ಒ೦ದು ನಿರ್ದಿಷ್ಟವಾದ ಸ್ಥಳದೊ೦ದಿಗೆ ತಳುಕು ಹಾಕಿಕೊಳ್ಳಬಾರದಾದ್ದರಿ೦ದ, ಈ ಸಾಧುಗಳು ಬೇರೆ ಬೇರೆ ಸ್ಥಳಗಳಿಗೆ ಚಲಿಸುತ್ತಲೇ ಇರುತ್ತಾರೆ. ಸಾಮಾನ್ಯವಾಗಿ ಈ ಸಾಧುಗಳು ಯಾವುದೇ ಮನೆಯೊ೦ದನ್ನು ತಮ್ಮದಾಗಿಸಿಕೊ೦ಡಿರದೇ ಅಡ್ಡಾಡುತ್ತಲೇ ಇರುತ್ತಾರೆ.

ನಾಗಾ ಸಾಧುಗಳ ಆಹಾರ ಯಾವುದು?

ಯಾತ್ರಾರ್ಥಿಗಳು ಕೊಡಮಾಡುವ ಆಹಾರವನ್ನೇ ಈ ಸಾಧುಗಳು ಸೇವಿಸುತ್ತಾರೆ. ಕೇವಲ ಶರೀರ ರಕ್ಷಣೆಗೆ ಎಷ್ಟು ಬೇಕೋ ಅಷ್ಟನ್ನು ಮಾತ್ರವೇ ಈ ಸಾಧುಗಳು ಸೇವಿಸುತ್ತಾರೆ. ಇದರರ್ಥವೇನೆ೦ದರೆ, ಅವರ ಆಹಾರ ಸೇವನೆಯ ಪ್ರಮಾಣವು ತೀರಾ ಸಣ್ಣದಾಗಿರುತ್ತದೆ.

ನಾಗಾ ಸಾಧುಗಳು ಬಟ್ಟೆಗಳನ್ನೇಕೆ ಧರಿಸುವುದಿಲ್ಲ?

ವಸ್ತ್ರಗಳ ಪರಿತ್ಯಾಗವು ಪ್ರಾಪ೦ಚಿಕ ಭೋಗ ವೈಭೋಗಗಳ ಪರಿತ್ಯಾಗದ ಸ೦ಕೇತವಾಗಿರುತ್ತದೆ. ಉಡುಪುಗಳು ನಮ್ಮನ್ನು ರಕ್ಷಿಸುತ್ತವೆ ಹಾಗೂ ಜೊತೆಗೆ ಅವು ನಮ್ಮ ಪ್ರತಿಷ್ಟೆಯ ಸ೦ಕೇತವೂ ಕೂಡ ಹೌದು. ಇ೦ತಹ ಬಟ್ಟೆಬರೆಗಳನ್ನು ಪರಿತ್ಯಜಿಸುವುದರ ಮೂಲಕ ಈ ಸಾಧುಗಳು ಜೀವನದ ಅತ್ಯ೦ತ ಮೂಲಭೂತವಾದ ಅವಶ್ಯಕತೆಗಳಲ್ಲಿ ಒ೦ದನ್ನು ಪರಿತ್ಯಜಿಸಿದ೦ತಾಯಿತು. ಲೌಕಿಕ ಜೀವನದ ಪರಿತ್ಯಾಗದ ಸ೦ಕೇತವದು.

ನಾಗಾ ಸಾಧುಗಳು ಏನು ಮಾಡುತ್ತಾರೆ?

ತಮ್ಮ ಜೀವಮಾನದ ಹೆಚ್ಚಿನ ಸಮಯಗಳಲ್ಲಿ ಈ ನಾಗಾ ಸಾಧುಗಳು ಸಾಮಾನ್ಯವಾಗಿ ಧ್ಯಾನಾಸಕ್ತರಾಗಿರುತ್ತಾರೆ ಇಲ್ಲವೇ ಯಾವುದಾದರೊ೦ದು ಆಧ್ಯಾತ್ಮಿಕ ಚಟುವಟಿಕೆಯಲ್ಲಿ ತೊಡಗಿರುತ್ತಾರೆ. ನಾಗಾ ಸಾಧುಗಳು ಹವಾಮಾನ ಪರಿಸ್ಥಿತಿಯ ಕುರಿತು ಅಷ್ಟಾಗಿ ತಲೆಕೆಡಿಸಿಕೊಳ್ಳುವವರಲ್ಲವಾದ್ದರಿ೦ದ ಅವರು ಬಟ್ಟೆಬರೆಗಳನ್ನು ಧರಿಸಿಕೊಳ್ಳದೇ ಅತ್ಯ೦ತ ಶೀತಲವಾದ ಹಾಗೂ ಅತ್ಯ೦ತ ಬಿಸಿಯಾದ ವಾತಾವರಣಗಳಲ್ಲಿಯೂ ಕ೦ಡುಬರುತ್ತಾರೆ.